13
•
Kop ovqat yegan emas, keragini yegan foyda topadi.
•
Dardning sababi tomoq, qarab yemagan ahmoq.
1.Insonni hayotida ovqatning ahamiyatini tushuntirib bering?
2.Nima uchun taomlanganda qo‘limizni yuvamiz?
3.Noto‘g‘ri ovqatlanish deganda nimani tushunasiz?
Hikmatli so‘zlarni yod oling.
Kiyimning inson hayotida tutgan o‘rni (1 soat
)
Insonning kiyinishi uning ma’naviy
dunyosining sirtida aks
etishidir. Qaysi insonda uyat, hayo, or-nomus kabi tushunchalar bo‘lsa
o‘sha inson o‘z obro‘sini saqlaydigan holatda kiyinadi.
Kiyimning inson hayotidagi ahamiyati katta bo‘lib,
uni tashqi
ta’sirlardan, issiqdan va sovuqdan himoya qiluvchi vositadir. Kiyim
insonga ziynat hisoblanadi. Shuning uchun kiyim tanlashda o‘ziga
yarashadigan, milliy qadriyatlariga mos kiyim tanlash lozim.
Libos insonning bir umr hamrohi bo‘lgani uchun, insonga ta’sir
qilish xususiyati mavjud. Har bir kasb
egalarining kasblariga mos
kiyimlari mavjud. Misol uchun harbiylar kiyimini olaylik.
Bu avvalo, askarlarga o‘z vazifasini ado etishda qulaylik tug‘dirsa,
ikkinchidan, maxsus kiyim ularga ta’sir qilib askarlik ruhini tutib turish
va kuchaytirishda ahamiyati kattadir. Har bir millatning o‘z milliy
liboslari mavjud bo‘lib, ularni kiyish insonga milliy g‘urur, o‘zlikni
anglash, tuyg‘ularini shakllantirishga xizmat qiladi.