|
![](/i/favi32.png) 1. Audit və auditor haqqında anlayış və onların mahiyyətiDaxili hesablaşma əməliyyatların auditinin məqsəd və vəzifələri
|
səhifə | 63/68 | tarix | 25.05.2023 | ölçüsü | 1,48 Mb. | | #112824 |
| Audit suallar-Ayten54. Daxili hesablaşma əməliyyatların auditinin məqsəd və vəzifələri.
Daxili hesablaşma əməliyyatları – təhtəlhesab şəxslərlə, əməyin ödənişi üzrə personalla və bu kimi digər əməliyyatları əhatə edir. Bu əməliyyatlar əsasən nağd pul vəsaitləri ilə aparılır və təşkilatın xərcləri ilə əlaqəlidir. Bu səbəbdən də, auditorlar daxili hesablaşma əməliyyatlarını yüksək nəzarət riski olan zonaya aid edirlər və onların yoxlanılmasına xüsusi diqqət verirlər.
Müəssisələri müxtəlif təsərrüfat və digər tapşırıqları yerinə yetirmək üçün ayrı-ayrı şəxslərə təhtəlhesab olaraq pul verirlər.
Bu pulu alan işçilər təhtəlhesab şəxslər hesab olunur.
Təhtəlhesab pul aşağıdakı xərclərə verilir:
ezamiyyə xərclərinə,
əməliyyat xərclərinə,
müxtəlif materialların alınmasına,
xırda təsərrüfat xəcjlərinə,
poçt, teleqraf və digər inzibati-təsərrüfat xərclərinə verilir.
Həmin təsərrüfatlarda işləməyən şəxslər təhtəlhesab (avans) olaraq pul ala bilməz. Təhtəlhesab puldan istifadə etmək hüququ olan şəxslərin siyahısını müəssisənin rəhbəri tərəfindən müəyyən edilir. Belə ki, daimi təhtəlhesab kimi avans alanların siyahısı hər il müəssisə rəhbərinin əmrilə rəsmiləşdirilir.
Pulun təhtəlhesab məbləğ kimi verilməsi, onun miqdarı və müddəti, kassa əməliyyatlarının aparılması qaydaları ilə nizamlanır. Nağd pulun təhtəlhesab verilməsi işçinin ərzinəsinə, müəssisə rəhbərinin əmrinə əsasən kassa məxaric ordri ilə rəsmiləşdirilir.
Ezamiyyə xərclərinin normaları haqqında-AZƏRBAYCAN RESPUBLİKASI NAZİRLƏR KABİNETİNİN QƏRARI № 14, 25 yanvar 2008-ci il.
İşçilərin ezamiyyət müddəti müəssisə, idarə və təşkilatların rəhbərləri tərəfindən təyin edilir, lakin yolda olduğu müddət nəzərə alınmaqla, bu müddət 40 gündən (təftiş və yoxlamalar aparılması müddətləri daxil edilməklə) çox olmamalıdır.
Quraşdırma, sazlama və tikinti işlərinin yerinə yetirilməsi üçün göndərilən fəhlələrin, rəhbər və mütəxəssislərin ezamiyyət müddəti müvafiq işlərin görülməsi müddətindən asılı olaraq müəyyən edilir.
İşçilərin respublika nazirliklərinə, komitələrinə, baş idarələrinə, yaxud tabeçilik qaydasında digər yuxarı orqanlara ezamiyyət müddəti yolda olduğu vaxt nəzərə alınmadan 5 gündən artıq olmamalıdır.Ezamiyyət müddətinin müstənsna hallarda, işçini ezam edən orqanın rəhbərinin rəsmi icazəsi ilə əlavə 5 gün də artırılmasına icazə verilir. İşçilərin ezamiyyətə göndərilməsi ezamiyyət vəsiqəsi verməklə bərabər əmrlə rəsmiləşdirilməlidir.
Ezamiyyət yerində olmanın faktiki müddəti, ezamiyyət yerinə gəlmə və ezamiyyət yerindən getmə haqqında ezamiyyət vəsiqəsində edilən qeydlər üzrə müəyyən edilir. Əgər işçi müxtəlif yaşayış məntəqələrinə ezam olunmuşsa, gəlmə və getmə günü haqqında qeydiyyat hər bir məntəqədə ayrıca aparılır.
Ezam olunan işçiyə ezamiyyətə getməzdən əvvəl yol, kommunal və gündəlik yemək xərjlərinin ödənilməsi üçün avans pul verilir. İşçi ezamiyyətdən qayıtdıqdan sonra ezamiyyət ilə əlaqədar xərclədiyi vəsaitlərin məbləği haqqında 3 gün ərzində mühasibata avans hesabatı təqdim etməlidir.
Müəyyən olunmuş qaydada rəsmiyyətə salınmış ezamiyyət vəsiqəsi, yaşayış yerinin kirayə edilməsi və gediş-gəliş xərcləri haqqında sənədlər avans hesabatına əlavə edilir.
Eyni zamanda avans hesabatına bütün subutedici sənədlər (hesablar, qəbzlər, dəmir yolu biletləri və s.), təsdiqediji xərclər əlavə edilir. Materialların satın alınması haqqında sənədlərə, onları özünün javabdehliyinə götürən şəxslər imzalamalıdır.
Mühasibatda təqdim olunan avans hesabatı, aparılan ödənişlərin və onların həcminin inandırıcı olması nöqteyi nəzərindən yoxlanılır. Yoxlama nəticəsində təsdiq edilməli olan xərc məbləği müəyyən edilir. Bundan sonra həmin təsərrüfatın rəhbəri xərclərin təyinatını avans hesabatını təsdiq edir, mühasib isə təhtəlhesab şəxslə son hesablaşmanı aparır. Əgər verilmiş avans məbləği hesabat üzrə qəbul olunmuş xərc məbləğindən çoxdursa, onda fərq kassaya qaytarılmalıdır və əksinə, əgər verilmiş avans məbləği hesabat üzrə qəbul olunmuş xərj məbləğindən azdırsa və təhtəlhesab şəxs özünün vəsaitindən istifadə etmişdirsə, onda artıq işlədilən pul təhtəlhesab şəxsə qaytarılır.
Avansın verilməsinin düzgün rəsmiyyətə salınmasına və avans hesabatının yoxlanılmasına cavabdehliyi baş mühasib daşıyır.
Çünki avans hesabatının öz vaxtında təqdim olunmasına və avansın istifadə olunmayan hissəsinin təhtəlhesab şəxsə verilməsinə nəzarəti, o həyata keçirir. Təhtəlhesab məbləğ üzrə ödənilməyən borj təhtəlhesab şəxsin əmək haqqından tutula bilər.
Xərclərin ödənilməsi. Ezam olunma yerinə getmək və daimi iş yerinə qayıtmaq üçün nəqliyyat xərjləri təqdim edilən sənədlər əsasında ümumi istifadədə olan hava, dəmir yolu, su və avtomobil (taksidən başqa) nəqliyyat ilə gedişin dəyəri miqdarında ödənilir. Bu vaxt işçiyə nəqliyyatda sərnişinlərin ijbari sığorta üzrə tədiyələri, biletlərin qabaqjadan satışı üzrə xidmətin ödənilməsi qatarlarda yanajaq ləvazimatlarından istifadə üçün xərjlər də ödənilir.
Bu norma daxilində mehmanxanalarda işçiyə göstərilən əlavə xidmətlərin xərci də ödənilə bilər.
Müvafiq təsdiqediji sənədlər təqdim olunmayan hallarda, gediş-gəliş üzrə nəqliyyat xərjləri dəmir yolu, avtomobil və su nəqliyyatının ən aşağı tarifləri miqdarında ödənilir. Yaşaış yerinin kirayəsi üzrə təsdiqediji sənədlər təqdim edilməyən hallarda kommunal xərjləri müvafiq normanın 50 faizi miqdarında ödənilir.
Dostları ilə paylaş: |
|
|