H Ü M A Y İ - Ə R Ş
27
gəlir. Heç şübhəsiz ki, əldə yaxşı bir alətin olması kifayət etməz, başda
yaxşı bir istiqamətləndirici fikir olmalıdır. Odur ki, bu kimilərin birinci
xüsusiyyəti doğrunu söyləmək, vəzifəsi isə idrak və təqdir edə bilmədiyi
hallara məruz qaldığında bitərəf qalaraq mühakimə ilə həqiqəti meydana
çıxarmağa imkan verən seçicilik xüsusiyyətinə malik olmaqdır. Halbuki,
əhval və adətlərinə tamamilə vaqif olmaq imkanı hasil olmayan bir
zat haqqında fikir bildirmək bağışlanılmaz bir xəta olar, çünki bu zat
haqqında rəvayət edilən əhvalatların həddi-hesabı olmamaqla bərabər,
bizə gəlib çatmış rəvayətlər ya qəsdən, ya da məhəbbətdən təhrif və təğyir
edilmişdir. O dərəcədə ki, şəxsi həyatına dair məlumatlar belə dolaşıq,
nağılvari xarakter almışdır. Bunların yanlışını doğrusundan ayırmaq və
seçmək qabiliyyətinə malik olmadığımı çox gözəl bilirsiniz,” deyə ver-
diyim cavabların kədər və təəssüflə qarşılanması məni özümə etimad et-
məyə sövq etdi..”
10
- bu sözlərlə, əslində, bu işdən ehtiyat etdiyini də dilə
gətirmişdir.
Ağabalinin əsərin yazılmasına səbəb olan üçüncü xüsus olaraq dilə
gətirdiyi məsələyə gəlincə isə, bəzi kəslərin ortaya çıxaraq özlərini Mir
Həmzə əfəndinin vəkili-xələfi olaraq təqdim etmələri və təriqət adı al-
tın da ona yaraşmayan şəkildə yanlış fikirləri ətrafa yaymaqla maddi və
mənəvi istismar obyekti halına gətirmələridir. Bu kəslər şeyxin bəzi tövr
və hallarını mübaliğə edərək ağıl və məntiq xaricinə çıxarmağa, xürafat
halına gətirərək yaymağa çalışmaqdadırlar. Həqiqətən, bu cür rəvayətlər
artıb-azalaraq dildən-dilə keçməyə başlamış, hətta, bəziləri bunları yazıya
köçürmüşdülər.
Həmçinin, o zaman “Tövhidi-əfkar” qəzetində çıxan Həmzə əfəndini
təhqir məqsədilə yazılmış bir yazı bu qərarın tezləşdirilməsinə vəsilə olur.
Ağabali, bu yazıdan sonra Həmzə Əfəndi sağ ikən əleyhində yazmağa cə-
sarət edə bilməyən bir qism müxalif şəxslərin indi hücuma keçə bilə cəkləri
ehtimalı üzərinə qələmə sarıldığını söyləyir.
Əsərin yazılmasına daha bir başqa səbəb olaraq, Ağstafanın Qaraqo-
yunlu əşirətindən Mustafa adlı saf könüllü bir müridin bu barədə ondan
tez-tez xahiş etməsi üzərinə verdiyi sözü əlavə etməkdədir. Ağabali onun
səmimi xahişləri qarşısında yazacağına söz versə də, o şəxs kitabın yazıl-
dığını görmədən vəfat etmişdir. Odur ki, bu gəncə verdiyi sözü də yerinə
yetirmək istəmişdir.
Ağabali əsər üzərində xeyli irəlilədikdən sonra məmləkətdə idarə də-
yiş miş, arxasından gələn inqilablarla hər şey alt-üst olmuşdur. “Artıq dövr
dəyişmişdir və bu əsərin nəşr imkanı da, oxucusu da qalmamışdır,”-deyə
düşünərək ümidsizliyə qapılmış və yazmaqdan əl çəkmək istəmişdir. Bu
sırada dostlarının olduğu bir məclisə getmiş və orada olarkən aralarında
keçən söhbət nəticəsində yenidən şövqə gəlmiş, əsəri yazıb-bitirməyi qə-
rara almışdır. Hadisəni əsərinin 182-184-cü səhifələrində belə nəql edir:
“Bu kitabı, adətən, axşam yeməyindən sonra otağıma çəkilərək yazır-
dım. Necə oldusa, kanunu-saninin iyirmi ikinci bazar günü yeməkdən
sonra vücuduma bir ağırlıq çökdü. Nəsə yaza biləcəyimə inana bilmədim.
10
Hümayi-ərş, s.6-7.
28
H Ü M A Y İ - Ə R Ş
Yemək otağında bir müddət qaldım. Bu zaman ağlıma, bu kimi qiymətini
itirmiş keçmişin dərinliklərinə gömülmüş əlavə məşğələlərlə məşğul ol ma-
ğın münasib olmadığı tərzində qəribə, əcaib xəyallar gəlməyə baş ladı. Bu
kitabın, necə olursa-olsun, tamamlanmasının müvafiq oldu ğu nu dü şün-
dükcə, bunun ziddinə üstünlük verməyə başladım, çünki tamam lasam da,
nə olacaq ki, unudulub bir küncdə qalacaq, o qədər...
Buna səbəb isə bir kərə çap və nəşri üçün lazım olan sərmayəni tapa
bilməyəcəyim düşüncəsi idi. Tapsam belə, bu kitabın çapından irəli gələn
məsrəfin qarşılanması mümkün olmayacaqdı. Bu hala görə əməklərim
boşa gedəcək və yazdığım yazılar da itib gedəcəkdi. Odur ki, boşuna
çalışmış olacağam, deməkdir. Ən yaxşısı, bu məşğələni tərk etməyə qərar
verdim. Və qalxıb qonşulardan birinin evinə getməyi düşündüm. Bu
sırada xatirimə bir neçə dost gəldi ki, hər gecə birisinin evində otururdular.
O gecə sıra Şirvani Hacı Vəli Əfəndizadələrin evində idi. Mən də yatsı
vaxtı oraya getdim. Məclisin özünəməxsus bir idarə tərzi və müsahibəsi
vardı. Bu dostların bir-birilə olan xoş söhbəti və müsahibəsi illərin əmələ
gətirdiyi səmimiyyətlə əlaqədar görünürdü. Mən təbii biganə bir tövr ilə
müsahibəyə diqqət edirdim. Birdən-birə məclis dostları sözü mənqəbə
sahibi olan zata intiqal etdirdilər. İntiqalın nə şəkildə hüsula gəldiyindən
qafil olmuşam. Ancaq Şamlar məhəlləsindən Oltulu Məhəmmədbəyzadə
Lütfi bəyin “Həzrəti Pirin neçə dəfə Hicaza getdiyini” soruşduğunu və
iştirakçıların mənə baxdığını gördüm. Təbii, mən də məlumatsızlığımı
bəyan etdim. Daha başqa bir şey söyləmədim. Lütfi bəy sözü uzadaraq
bir mənaqib yazılması lüzumundan bəhs etməyə başladı. Yenə bu
müsahibəyə də əlaqədarlıq göstərmədim. Ancaq doğrusunu söyləyim ki,
bu sözlər can damarlarımı təhrikə başladı. Özümü ələ almağa çalışdım.
Bu məcrada cərəyan edən sözlər məni “Mənaqib yazılsa nə olacaq ki”
dedirtməyə məcbur etdi. Bu xüsusda hər kəs bir cür fikir bölüşdü. Artıq
sözümü gizləməyib, “Mən yazıram, fəqət nəşr etdirməyəcəyəm. Təmizə
çəkdiyim nüsxəsini ümumi kitabxanaya vermək fikrində olduğumu”
söylədim. Bu mənaqibin yazılmasına ən hərarətlə tərəfdar görünən Hacı
Vəli Əfəndizadələrlə Lütfi bəy tərəddüd etmədən “Nəşrini biz öhdəmizə
götürürük” dedilər. Bu vəd digər yoldaşlar (ki, Oltulu Mədəd Ağazadə
Əhməd, Oltulu Nədim bəylərlə Təmiz Əlizadə, tacirlərdən Məhəmməd
əfəndi, Şəkinin Dodu məhəlləsindən Hacı İbrahim əfəndi, yegəni Hacı
Yaqub əfəndilər idilər) tərəfindən dəstəkləndi. Həqiqətən də, bu vədə
əsasən əvvəlki fəallıq hissim baş göstərdi. Çox təsirləndim. Və yaxında
təmizə çəkib verəcəyimi söylədim. Doğrusu, bundan sonra yazılacaq
qismdə onların təsirini inkar edə bilmərəm. Ancaq əvvəlcə sərmayəsizlik
dolayısıyla məşğul olmaqdan əl çəkərək getdiyim qonaq evində heç əlaqəsi
yox ikən belə bir hal qarşısında qalmağım təəccübümə səbəb oldu. Sanki
bir mənəvi rəhbər digər bir vasitə ilə bu işi tamamlamağımı əmr edirmiş
kimi bir düşüncə meydana gəldi.
Bu gözlənilməz hallar qarşısında bu vədin əsli çıxsa da, çıxmasa da,
tamamlamağa qərar verdim. İnayət vermək Cənabi-qadiri-mütləqdəndir.
Bu vaqeəni, Həzrəti Pirin ruhaniyyətinə isnad edirəm. Kövnü məkanın
xaliqi kərəmli mürşidin ruhaniyyətinə yaxın olmaq şərəfinə nail etməsi