1 Hümayi rş e
Yüklə 7,73 Mb. Pdf görüntüsü
|
H Ü M A Y İ - Ə R Ş 435 Ehsan edəli feyzini ol piri-müfəxxəm, Oldum şu kəsafətlə bir ixlasi-mücəssəm, Əsad sana mövdui-vəsayayi-mükərrəm, Ey Mir Nigari, bana məxsusu müsəlləm, Sər-xidməti-meyxaneyi-sevdayi Muhamməd. Dəhnəli Hacı İsmayıl əfəndi Gərəkli bir məktub münasibətilə bir mülahizə Dəhnəli bir Hacı İsmayıl əfəndi vardı. İmkan daxilində Həzrəti Pirin xidmətində olmuşdu. Müttəqi, abid bir zat idi. Fəqət Həzrəti Pir bu zata xilafət verməmişdi. Bununla bərabər çalışqan, yəni vird və zikrlərinə davam etdiyi bir çox zatlar tərəfindən rəvayət edilən bu zat, son zamanlarda İstanbula gedib-gəlirdi. Bu səfərlərində zəmanə adamlarından bir neçə zatla görüşmüş, necə olubsa bəziləri üzərində xoş təsir əmələ gətirə bilmişdi. Bir dəfə Hərbi nazir və sədrəzəm Mahmud Şövkət paşa ilə görüşmüş və edilən rəvayətə görə paşa tərəfindən xoş qəbul edilmişdi. Sonralar bu xoş qəbulun təsirilə olmalıdır ki, bir neçə dəfə İstanbula getdi, gəldi. İstanbula gedişində Həzrəti Pirin farsca divanını da çap etdirdi. Həqiqətən, kitabların çapında mərhum Hacı İsmayıl əfəndi yardımçı olmaqla bərabər, bütün məsrəfləri Kəşfi Əfəndizadə Kaşif və Bəhri bəylər ki, Həzrəti Pirin müxlislərindən idilər və şəxsən Həzrəti Piri görmüşdülər- tərəfindən təmin edilmişdi. Bu iki nəcib ruhlu zatlar sərmayələrini bu uğurda itirmiş və qətiyyən hüznlənməmiş yeganə vəfakar, kərəmxislət kimsələrdir. Cənabı-Haqq ikisinin də qəbrini nurla doldursun. Amin bi- hörməti-seyyidil-ənbiyayi-vəl-mürsəlin. Hacı İsmayıl əfəndi mərhum İstanbulda yaşadığı müddətcə Həzrəti Pirin qüdsi namına qoşularaq təriqət təlim etmiş və bir çox zatlar ona mürid olmuşdurlar. Bunu ona gələn məktublardan anlamışdım. Çünki cavablarını mənə yazdırırdı. Bunlardan birisi poçt-teleqraf naziri Haşim bəyəfəndidən gəlmişdi. Mən bu məktubu saxladım. Həzrəti Pirin irfan qaynağından zərrə qədər bəhrələnmiş olan zatların dəxi bir-birinə zidd olaraq iqtibas etdikləri ruhani nəzərin mənəvi təsirinin dərəcəsini göstərmək üçün illərdən bəri saxladığım bu məktubu eynən aşağıya dərc edirəm. Bu müttəqilər sultanı və ariflər hakimi həzrətlərinin mürşidanə himmətinin nəticəsidir ki, şəfqət nəzərlərinin qovuşduğu zatların cümləsi öz istedadı nisbətində irfan feyzindən bəhrələnmiş olmuşdur. Haşim bəyin məktubunun surəti Mürşidi-dil-agahım, əfəndim, Kaşif Bəy qardaşımız vasitəsilə göndərilməsinə yardım buyurulan lütf-nameyi-mürşidanələrini sevinc və iftixarla aldım. Təqdimi-ərizədə qüsurum çoxdur. Fəqət bilmirəm mürşidin qulağına çatdımı? İki ilə yaxın bir zamandan bəri min cür əhvala məruz idim. Qətiyyən arzu etmədiyim və təkrarən rədd etdiyim poçt və teleqraf nəzarətində bir müddət xidmət etməyim fəlakətə səbəb oldu. Maaşdan, məmuriyyətdən məhrumiyət kimi 436 H Ü M A Y İ - Ə R Ş maddi ziyandan başqa Bəkir ağa zindanlarında və əsgəri Divanı-hərblərdə səbəbsiz və haqsız olaraq süründürüldüm. Nəhayət pirin himməti ilə haqq təcəlli edərək azad edildim. Ancaq bu davamlı fəlakətlər cismən və ruhən bəndənizi pərişan eylədi. Təsirlərindən atam və yoldaşım xəstə oldular. Bir tərəfdən dərdimə yanmaqda digər tərəfdən xəstələrlə məşğul olmaqdayam. Hər zaman olduğu kimi fəlakət anlarında da qəlbən zatı- mürşidanələrindən ayrı deyil idim. Möhtac və müftəkir olduğum himməti- aliyələrinin bi-diriğ və ibzal buyurulmasını xüsusi olaraq niyaz edirəm. Keçənlərdə Divanı-Hafizdən təxmin eyləmiş idim. Bu beyt zühur eylədi: ﯽﻟﻭ ﺩﻮﺑ ﻢﺳﻮﻫ ﺖﻣﻼﺳ ﻭ یﺮﻴﮑﻬﺷﻮﮔ ﺱﺮﭙﻣ ﻪﮐ ﻥﺎﺘﻓ ﺲﮔﺮﻧ ﻥﺁ ﺪﻨﮐ ﯽﻣ یﺍ ﻩﻮﻴﺷ
Bu fal bəndənizi xeyli düşündürdü. Pərişan fikrim səhih bir surət tapmadı. Mürşidimin fikrini soruşmağı münasib gördüm. Mürşidanə nə- zərinizin feyzinin mən acizin üzərində daim olması təmənnisi ilə möhtərəm əllərinizi öpürəm, şeyxim, əfəndim. 9 fevral, il. 1336.
ƏLAVƏ
G özəl Qarabağımızın Qaradağlı kəndindən Hesabdarzadə Əbdül müttəlib oğlu Rəsul əfəndi adlı zatın kiçik yaşımdan bəri ailəsi ilə birgə haqqımda göstərdiği müxlisanə məhəbbətini zikr etmədən keçmək qədər böyük bir günah olmaz mənim üçün. Odur ki, zaman uyğun, fürsət əlverişli ikən atası Əbdülmüttəlib, oğlu Rəsul kimi bir xoş təsadüfə məzhər olan bu zatın adını xatiməyə sihri- həlal qəbilindən olmaqla qeyd edirəm. İnsanlıq məfhumunun əmr etdiyi əsaslardan xəbərdar olanlar mənim bu hərəkətimi çox böyük dəyərləndirər və təqdir edərlər. Olmayanlara deyəcəyim yox. Bu zat nəsx və süls xətlərində zamanımızın Yaquti-Müstəsimisi idi. Xoş əxlaqlı, təvazökar, dəyanətli bir zatdır. Külfət sahibidir, kasıbdır. İftixar etməyə dəyər ki, gözəl Qarabağımızdan belə bir nadir kimsə yetişmiş. Və yazısı ilə əlaqədar xeyirli xidmətlər etmiş, çox əsərləri Əmir Teymurun Sədəddin Təftəzani həzrətləri haqqında buyurduğu kimi orduların qılıncının girə bilmədiyi yerlərə qədər bu zatın əl yazısı getmişdir. Həqiqətən etirafa layiqdir ki, istərsə Həzrəti Pirin buna təvəccöh edən kimya nəzərlərinin təsiri deyilsin, yaxud özünün dəyanətli bağlılığının əsəri olsun. Həzrəti Pirin divanının əlavələrini, minlərcə nüsxə yazmış olduğu kimi hər necə oldusa mənim bu yazdığım mənaqibin üzünü ağartmaq şərəfi də bu zata nəsib oldu. Doğrusunu söyləmək lazım gəlirsə, onun o gözəl, ruh oxşayan yazısı məni çox yaxşı təşviq etdi.
Yüklə 7,73 Mb. Dostları ilə paylaş:
|