1. kimyanin ilk qanunlari. Stexiometrik qanunlqar

He Z=2 ) 1s² ⟶ ↑↓ n =1 l = 0 m_l = 1 m_s = + ½
n=1 2 n =1 l = 0 m_l = 1 m_s = - ½
Minimum enerji prinsipi. Kleçkovski qaydası.
Elektronlar orbitallarda paylandıqda da birinci olaraq, minimum enerjiyə malik orbitalları tutur. Onlar az enerjili orbitallar dolduqdan sonra, ardıcıl olaraq nisbətən çox enerjili orbitallara keçir. Minimum enerji halında elektronun nüvə ilə əlaqəsi artır və dayanıqlı vəziyyət yaranır. Kvant səviyyələrinin elektronlarla dolması baş kvant ədədinin qiymətinin artması (1→7) istiqamətində, yarımsəviyyələr həddində isə s-p-d-f ardıcıllığı ilə gedir. Lakin nüvə yükü +19 (K) olan elementdən başlayaraq həmin ardıcıllıq pozulur. Kleçkovski kvant səviyyələrində enerjinin artma ardıcıllığının n+l cəminə uyğun olaraq dəyişdiyini müəyyən etmiş və bunun əsasında iki mühüm qayda vermişdir.
I q a y d a : Atomda orbitallar elektronlarla dolduqda n + l cəmi kiçik olan orbital əvvəlcə tutulur. Məsələn, 3d – orbitalı üçün n + l = 3+2 = 5 və 4s- orbitalı üçün n+l = 4+0 = 4 olduğuna görə, 4s – orbitalı 3d – orbitalından əvvəl dolur. Bu səbəbdən də 5s – orbitalı (n + l = 5 + 0), 5p- orbitalından (n+l = 5+1) və 6s- (n+l = 6+0) orbitalı isə 4f- orbitalından əvvəl tutulur (n+l = 4+3).
3d n+l = 3+2=5 5s n+l = 5+0=5 6s n+l = 6+0=6
4s n+l = 4+0=4 5p n+l = 5+1=6 4f n+l = 4+3=7
II q a y d a : n+l cəminin ədədi qiyməti bərabər olan iki orbitaldan baş kvant ədədinin qiyməti kiçik olan orbital əvvəlcə dolur. 3d və 4p – orbitalları üçün n+l cəmi bərabərdir ( 3+2=5; 4+1=5). Bu halda 3d – orbitalı üçün n=3 və 4p – orbitalı üçün n=4 olduğundan, qaydaya əsasən 3d – orbitalı 4p- orbitalından əvvəl dolur.