1-mavzu. Oziqabop ekinlar yetishtirishda lalmi va sug‘orma dehqonchilik fanining maqsadi, vazifalari va halq xo‘jaligidagi ahamiyati Reja

Dehqonchilikning rivojlanish bosqichlari

Qishloq xo’jaligi tizimi	Madaniyat bosqichi yoki davr	O’rtacha don hosildorligi (t/ga)	Jahon aholisi (million)	Aholi jon boshiga to’g’ri keladigan yerning miqdori (ga)
Ov va yig’ish	Paleolit	-	7	-
Dehqonchilik rivojlanishi (o’zgarishi)	neolit (taxminan miloddan 7. 000 yil avval)	1	35	40,00
O’rta asrlar dehqonchiligi	500–1450 yillar	1	900	01,50
Chorvachilik	18-asrda	2	1800	0,70
Dehqonchilikda o’g’itlar/ pestisidlar qo’llanilishi	20- asrda	4	4200	0,30

Qishloq xo’jaligini jadallashtirish asosida-kompleks mexanizasiyalashtirish, kimyolashtirish, sohani avtomatik boshqarish va keng ko’lamda meliorasiyalash, fan, texnika yutuqlaridan, ilg’orlar tajribasidan foydalanish kabi tadbirlar natijasida rivojlanishni ta’minlash umum davlat vazifasi hisoblanadi.

Xozirgi vaqtda respublikamizda dexqonchilik fani boshqa fanlar bilan hamkorlikda shu kungacha tuplangan katta ilmiy merosga tayanib rivojlanmoqda.
Mustaqillik yillarida dehqonchilikda ham xalq xo’jaligini boshqa sohalari kabi o’zgarishlar-islohatlar amalga oshirildi, dunyo dehqonchiligining ilg’or texnologiyalari kirib keldi, yerga ishlov berishdan tortib qishloq xo’jalik mahsulotlarini yig’ishtirib olishgacha bo’lgan xorij texnikalari olib kelindi. Umuman olganda dehqonchilikda tub o’zgarishlar amalga oshirildi desak yanglishmaymiz. Ammo hali izlanish talab etadigan, bahsli, munozarali, yechimini ko’p yillardan beri kutib yotgan dehqonchilikning muommoli tomonlari juda ham ko’p. Shunday masalalardan biri yerga ishlov berish jarayoni bo’lib, ko’pchilik ilm-fan xodimlarini, yerni ko’z qarochig’iday sevadigan dehqon-fermerlarni fikrini bir nuqtaga jam etishni talab etmoqda.
Bozor munosabatlariga o’tishi bilan, mahsulot tannarxini oshib borishi, yoqilg’i-moylash mahsulotlarining narxini keskin ko’tarilib ketishi, yer haydash texnikalarini bir oz jihatidan eskirib qolishi, hamda fermer xo’jaliklarini iqtisodiy jihatidan oqsayotganligi yerni haydashda yangi texnologiyalarni tajriba tariqasida sinab ko’rish va qishloq xo’jaligiga joriy etish vaqti kelganligidan darak beradi.