109
Kürd ədəbiyyatının qədimliyinə və zənginliyinə baxmayaraq, kürd ədəbiyyatı tarixi
və kifayət qədər öyrənilməmiş və kürd ədəbiyyatşünaslığı zəif inkişaf etmişdir. Bu sahədə
yazılmış kitabların (178,184,186,187,193-201) sayı kifayət qədər deyildir.
“Kürd fobiya” çıların kürd xalqına yaxdığı ləkələrdən biri də budur ki, guya bu
qədər qədim və zəngin mədəniyyətə malik olan xalqın övladları istedadsız olub elmə,
təhsilə
maraq göstərmirlər.
Əvvəla,
kürd xalqının özünəməxsus etnoqrafik
xüsusiyyətlərini tətqiq və müşahidə edən xarici ölkə alimlərinin və misionerlərinin bir
çoxu (akad. Marr N. , akad. Minorskiy V., akad. Orbrli U., Lerx P., İbn Bətutə, Riç, Qrant,
Riqler, Barb, Hammer, Sonthgate, F. Şinnavi və s.) məhz kürdlərin elmlərə dərin marağını,
bu qədimxalqın bir çox övladlarının dünya elminə verdiyi töhfəsini xüsusi qeyd etmişlər.
Fikrimizi sübut etmək üçün bir neçə konkret faktı misal göstərək.
İngilis alimi Southgate kürdlərin elmi qabiliyyətini çox yüksək qiymətləndirərək
yazır: “Bir xalq kimi Kürdlər
Şərqin hər hansı digər xalqından yüksəkdə dayanır”
(25,32). Başqa misal: P. Lerx kürdlərin etnoqrafik xüsusiyyətlərini öz kitabında (25) ayrıca
səciyyələndirmiş və burada onların elmə böyük marağını xüsusi qeyd etmişdir:
“Müsəlman xalqları içərisində kürdlər, gələcəyə inam baxımından şərəfli yer tutur.... Riç
onlarda biliklərdə yiyələnmək cəhdinin farslar və türklərə nisbətən daha yüksək
olduğunu qeyd etmişdir... Bunu Qrant və Riqler də təsdiqləyir Axırıncı deyir: Kürdlər
yüksək inkişaf üçün qabiliyyətə və böyük istedada malikdir” (Yenə orada)
Hələ XIV əsrdə ərəb alimi İbn Bətutə, XVIII əsrdə türk alimi Əbdürrəhman Əşrəf
kürd alimlərinin dəyərli əsərlər yaratmasını qeyd etmişlər (Yenə orada).
P.Lerx
göstərilən
əsərində
görkəmli
kürd
alimlərindən
ərəb
və
ədəbiyyatşünaslığında tanınmış simalardan olan Əbülfidanı (O, Səlahəddin Əyyubinin
yaxın qohumu olmuşdur) misal göstərir.
Onu da qeyd edək ki, Əbul-Fida həm görkəmli tarixçi, həm də məşhur tarixşünas
olmuşdur. Onun haqqında təkcə P. Lerx deyil, bir çox mənbələr geniş məlumat vermiş və
onu orta əsrlərin ən görkəmli alimləri sırasında qeyd etmişlər. Hətta, ASE-nin IV cildində
onun barəsində verilən məlumatda Əbül Fidanın Əyyubil ər sülaləsindən olduğu etiraf
edilmişdir-hərçənd ki yuxarıda qeyd etdiyimiz kimi, ASE Əyyubilərin, o cümlədən
Səlahəddin və onun yaxın qohumu olan Əbül-Fidanın milli mənsubiyyəti haqqında
susmağa üstünlük vermişdir.
Qəribə burasıdır ki, o, ərəb (?!) alimi kimi təqdim
edilmişdir.
ASE-də bu dahi kürd alimi haqqında yazılan qısa məlumat belədir: “Əbül Fida-
İmadədin əl-Məlik əl-Müəyyəd İsmayıl ibn Əli əl-Əyyubi (1273, Dəməşq -27.10. 1331,
Həma)-ərəb(?!) tarixçisi, coğrafiyaşünası Əyyubilər nəslindən olan Ə. Bir çox hərbi
səfərdə iştirak etmiş və nəhayət, 1320-ci ildən ata mülkü olan Həma şəhərinin əmiri
110
olmuşdu. 5 cilddən ibarət “Müxtəsər tarixi əl-bəşər (Bəşəriyyətin müxtəsər tarixi”)
əsərində ən qədim dövrdən 1329-cu ilə qədərki hadisələr təsvir olunur. Əsərin 4-cü
cildində Azərbaycanda Xarəzmşah Cəlaləd-din dövründə baş verən hadisələrdən də bəhs
edilir.
1321-ci ildə tamamladığı “Təqvim əl-büldan” (“Ölkələr arasında coğrafi məlumat”)
əsərində Azərbaycanın coğrafi mövqeyi , ticarət yolları, Xəzər dənizi, Kür çayı, Şirvan,
Muğan, həmçinin, Bakı, Dərbənd, Ərdəbil və digər şəhərləri haqqında da məlumat var”
(40,131). Bu məlumatlar İ. Kraçkovskiy və Z. M. Bünyadovun əsərlərindən (203;204)
götürülmüşdür.
F. Şinnavi isə kürdlərin müsəlman dünyasına ttəkcə qəhrəmanlıqları ilə deyil, eyni
zamanda elm xadimləri ilə xüsusi xidmət etdiklərinə diqqəti yönəldir: “Səhahəddin Əyybi,
İbn əl-Əsir, İbn əl-Halkan, İbn Təymiyə, Şeyx Səid ənnursi, bunlar islam tarixinin bəzi
önəmli alimləridirlər. Əslində kürdlər sırf savaşçı deyildir. Kürdlərin arasından filosof,
tarixçi, siyasətçi və din alimləri çıxmışdır” (22,71).
Kürdlərin dünya elminə verdiyi töhvələri görə bilməyən (və ya bilərəkdən özlərini
“korluğa” qoyan) bədxahlarımıza ikinci
xatırlatmamız budur ki, müstəqil dövlət
qurumuna malik olmadıqları üçün fars, ərəb, türk, Azərbaycan və s. Dillərdə elmi əsərlər
yaradan onlarla kürd övladı kürd alimi kimi deyil, fars, türk,ərəb, Azərbaycan və s.
Xalqların elm xadimləri kimi tarixə düşmüşlər. Məsələn çoxları bilmir kiŞ yuxarıda qeyd
olunan alimlərdən başqa, adları dünyada məşhur olan Əbül-Fida, Əbu Hənifə, Suriya
Elmlər Akademiyasının yaradıcısı və ilk prezidenti, çoxcildlik “Suriya tarixi” kitabının
müəllifi Məhəmməd Fərid-Kürd Əli; bir çox yaxın şərq xalqlarının tarixinə dair geniş elmi
məlumatlarla zəngin olan “Şərəf-namə” kitabının müəllifi Şərəfxan Bidlisi; dünya
miqyasında tanınan geoloq-alim, SSRİ Elmlər Akademiyasının müxbir üzvü olmuş Əli
Əmiraslanov və onlarla belələri kürd əsilli elm xadimləridir.
Beləliklə, göstərilən konkret faktlar bir daha sübut edir ki, bu qədim xalqın təkcə
Şərq mədəniyyətinə deyil, Dünya mədəniyyətinə, elminə verdiyi töhvələri “görməyən”
(əslində isə görmək istəməyən) “kürdfobiya”çıların yuxarıda qeyd olunan fikirləri
boşboğazlıqdan, zehni korluqdan və məqsədli uydurmadan başqa bir şey deyildir.
Belələrinə kürd olmayan , lakin bu xalqı dərindən tanıya görkəmli ədəbiyyatşünas alim
q.Qasımzadənin həqiqəti əks etdirən bu sözlərini bir daha xatırladırıq: “Mərdliyi, rəşadəti
ilə tarixdə şöhrət qazanan kürd xalqı həm də qədim və qiymətli mədəniyyət abidələrinin
varisidir. Şərqin zəngin bədii xəzinəsində yazılı kürd ədəbiyyatını təmsil edən 11-ci ərsin
görkəmli siması Əli Həzirinin və onun davamçıları Cizirinin, Teyranın, Batenin,Xaninin
irsi dünya bədii klasikasının qiymətli nümunələri sırasındadır” (182,3).
Dostları ilə paylaş: |