7
Öz növbəsində sosial müdafiə üzrə 2698.7 mln. manat, təhsil üzrə 1830.2 mln. manat,
səhiyyə üzrə 830.8 mln. manat proqnozlaşdırılırdı. 2017-ci ildə isə həmin 3 istiqamət
üzrə dövlət büdcəsindən proqnozlaşdırılan məbləğ 4734.3 mln. manat müəyyən edilib
ki, bu da əvvəlki ilə nisbətən 624.4 mln. manat və ya 11.6% azdır.
İnvestisiya xərcləri əhəmiyyətli dərəcədə ixtisar olunub. 2017-ci ilin dövlət büdcəsində
investisiya xərləri üçün 2521.2 mln. manat müəyyən edilib ki, bu əvvəlki ilə nisbətən
503.4 mln. manat və ya 16.6% azdır.
Kənd təsərrüfatı üzrə xərclər kəskin ixtisar edilib. Belə ki, 2017-ci ilin təsdiqlənən
büdcəsində bu sektor üzrə 51714 mln. manat proqnozlaşdırılır ki, bu əvvəlki ilə
nisbətən 167.1 mln. manat və ya 24.4% azdır.
Dövlət idarəetmə aparatının saxlanması xərclərinin tərkibində ali hakimiyyət
orqanlarının saxlanması xərcləri isə artıb, mərkəzi və yerli icra hakimiyyəti
orqanlarının maliyyələşdirilməsi ixtisar edilib. Əvvəlki ilə nisbətən 2017-ci ildə büdcə
təsnifatına əsasən “ali hakimiyyət” orqanları hesab edilən 3 təsisatın – Prezident
Administrasiyası, Parlament və Nazirlər Kabinetinin saxlanması üçün nəzərdə
tutulann xərclər 6.7 mln. manat və ya 6.5% artırılaraq 110.2 mln. manata çatdırılıb.
Ən yüksək artım müdafiə xərclərində baş verib. 2017-ci ildə müdafiə xərcləri 2642.1
mln. manat təşkil edəcək. Bu, əvvəlki ilə nisbətən 413.8 mln. manat və ya 18.6%
çoxdur. Müdafiə xərcləri həm də 2017-ci il dövlət büdcəsinin xüsusi çəki etibarı
ilə ikinci böyük xərc maddəsidir. Belə ki, bu funksional bölmənin ümumi büdcə
məxaricində payı 15.6% təşkil edəcək, əvvəlki ildə isə həmin göstərici 12% olmuşdu.
Hüquq-mühafizə orqanlarının saxlanması xərclərində də yüksək artım baş verib.
Büdcə məlumatlarının analizi göstərir ki, əvvəlki ilə nisbətən 2017-ci ildə hüquq-
mühafizə orqanlarının saxlanmasından 927.4 mln. manat xərclənəcək ki, bu əvvəlki
ilə nisbətən 7.5% və ya 64.6 mln. manat çoxdur. Cari ildə ölkənin hüquq-mühafizə
sisteminin maliyyələşdirilməsi üçün vəsaitlər ümumi büdcə məxaricinin 5.5%-i
səviyyəsində olacaq.
2017-ci ilin dövlət büdcəsindən borca xidmət xərcləri kimi 1641.8 mln. manat
müəyyən edilib. Ümumilikdə borca xidmət xərclərinin büdcə məxaricində payı 9.7%
səviyyəsində proqnozlaşdırılır ki, bu son 15 ilin ən yüksək göstəricidir. Təqdim edilən
məlumatlardan4 aydın olur ki, cari ildə borca xidmət xərclərinin 96.3%-i və ya 1580.6
mln. manatı xarici, 3.7%-i və ya 61.2 mln. manatı isə daxili borclaırn qarşılanması-
na yönəldiləcək. Xarici borca xidmət xərcinin yüksək olmasının əsas səbəblərindən
4
Azərbaycan hökumətinin Parlamentə təqdim etdiyi “Büdcə zərfi” Toplusu, V cild
8
biri dövlət mülkiyyətində olan səhmdar cəmiyyətlərin (məsələn, “Azəralüminium”
ASC, “Azərenerji” ASC, “Azərbaycan Hava Yolları” QSC) üzrə verilmiş hökumət
zəmanətli kreditlərn qaytarılması ilə bağlıdır.
Həm xarici, həm də daxili dövlət borclarının sürətlə artması yaxın perspektivdə dövlət
büdcəsinin borca xidmət xərclərinin sürətlə artması riskini yaradır və 2017-ci ildə
ümumi büdcə məxaricində bu xərclərin xüsusi çəkisinin həddən artıq yüksəlməsi də
bu yanaşmanı təsdiq edir. 2016-cı il ərzində xarici dövlət borcu 15%-dək artaraq 8
mlrd. dolları, daxili dövlət borcları isə 60%-dək artmaqla 7.3 mlrd. manata çatmışdı.
Xüsusilə də Beynəxalq Bankın problemli aktivlərininin sağlamlaşdırılması ilə bağlı
daxili borclanma bilavasitə dövlət büdcəsinin öhdəliyi kimi müəyyən edilib.
2017-ci ilin dövlət büdcəsi layihəsinin hazırlanması, parlament müzakirələri və təs-
diqi prosesində bir sıra prosedur pozuntuları ilə müşayiət olunub. Qanun layihəsi və
ona əlavə edilən sənədlər toplusu Milli Məclisə qanunvericilikdə müəyyən edilmiş
müddətdən bir ay gec təqdim edildi. Büdcə sistemi haqqında qanununa əsasən 2017-ci
il dövlət büdcəsi haqqında qanun layihəsi ona əlavə edilən digər sənədlərlə birlikdə
2016-cı il oktyabr ayının 15-dən gec olmayaraq Milli Məclisə təqdim edilməli olduğu
halda, bu bir ay gecikmə ilə, yəni noyabrın 15-də baş verdi. Eyni zamanda layihə Milli
Məclisə təqdim edildikdən sonra parlamentlə razılaşdırılmadan hökumət tərəfindən
dəyişikliklərə məruz qalıb. 2016-cı ilin noyabrında Milli Məclisə təqdim edilən və
mətbuatda dərc edilən dövlət büdcəsi haqqında qanun layihəsində hökumət tərəfindən
dəyişiklik edilib: büdcənin həm gəlirləri, həm də xərcləri 300.0 mln manat artırılıb.
Dövlət büdcəsi layihəsinin parlament müzakirələri, yenə də əvvəlki illərdə olduğu
kimi, formal xarakter daşıyıb. 2017-ci il dövlət büdcəsi haqqında qanun layihəsi
Milli Məclisdə çox qısa müddətdə - yalnız 3 gün plenar iclaslarda müzakirə edilib.
Qanun layihəsi isə bir oxunuşdan keçib və 2-ci oxunuşa çıxarılan kimi Milli Məclis
tərəfindən müzakirəsiz təsdiq edilib.
9
1. Giriş
“Azərbaycan Respublikasının 2017-cı il dövlət büdcəsi haqqında” qanununa əsasən
2017-ci ildə dövlət büdcəsinin gəlirləri 16255.0 mln. manat proqnozlaşdırılıb ki, bu
da 2016-cı ilin faktiki büdcə gəlirləri ilə müqayisədə 1246.2 mln. manat yaxud 7.1%
azdır. 2017-cı ildə dövlət büdcəsi gəlirlərinin illik ÜDM-in 26.5%-i qədər olması
gözlənilir ki, bu da 2016-cı ilin müvafiq göstəricisindən 2.7% bəndi azdır.
Cari il üzrə dövlət büdcəsinin xərcləri 16 900 mln. manat səviyyəsində müəyyən
edilib ki, bu ötən ilin təsdiqlənən göstəricisi ilə müqayisədə 8.6% az yaxud 1600
mln. manat azdır. 2017-ci il üzrə büdcə xərclərinin ÜDM-də xüsusi çəkisi 27.4%
səviyyəsində gözlənilir, halbuki əvvəlki il üzrə göstərici 31% idi.
2005-2014-cü illərdə - dünya neft bazarında yüksək qiymət konyukturasının mövcud
olduğu dövrdə Azərbaycan hökuməti makroiqtisadi sabitliyin təmin olunmasında
heç bir çətinlik hiss etmirdi. Ümumi Daxili Məhsulun (ÜDM) və iqtisadiyyata sər-
mayələrin davamlı artımının, həmçinin yüksək profisitə malik ödəmə balansının
təmin edildiyi şəraitdə milli valyutanın məzənnəsinin sabitliyinin qorunması, eləcə
də aşağı (bir rəqəmli) inflyasiyanın saxlanması hökumət üçün problem deyildi.
2010-2014-cü illərdə ÜDM-nin illik artım tempi 2.5%-dən az olmamışdı. Lakin əv-
vəlki illə müqayisədə 2016-cı ildə ÜDM-nin real həcmi 3.8%, həmçinin qeyri-neft
ÜDM-i 5.4%, əsas kapitala yönəlmiş investisiyalar 26% azaldı.
2012-2014-cü illərdə inflyasiya tempi də kifayət qədər aşağı olmuşdur və neft ba-
zarında baş verən proseslər yenidən iqtisadiyyatda ikirəqəmli inflyasiyanın yaran-
masına gətirib çıxardı. Dövlət Statistika Komitəsinin məlumatına görə, 2012-2015-
cü illərdə orta illik inflyasiya 1.1-4% intervalında olduğu halda, 2016-cı ildə isə 12.4%
təşkil edib.
2015-ci ilədək Azərbaycanda makroiqtisadi sabitliyin təmin edilməsi üçün əsas
zəmanət mexanizmi tədiyyə balansı olmuşdur. 2012-2014-cü illərdə istər cari
hesablar üzrə, istərsə də tədiyyə balansının ümumi saldosunda profisit yaranmışdır.
2012-2014-cü illərdə tədiyə balansının ümumi yekununda 3.8-4.9 mlrd. ABŞ dolları
profisit yarandığı halda, 2015-ci ildə tədiyyə balansının ümumi saldosunda 11.3 mlrd,
2016-cı ildə isə təxminən 5 mlrd. ABŞ dolları defisit yarandı. Tədiyə balansında iri-
Dostları ilə paylaş: |