136
İqtisadi nəzəriyyə pulu, istehsal olunmuş əmtəələrin
və göstərilmiş xidmətlərin dəyərini ifadə forması kimi
səciyyələndirir. İnsan əməyinin, zəkasının, onun yaratdığı
texnika və texnologiyanın məhsulu olan saysız-hesabsız
əmtəələr, xidmətlər pul vasitəsilə qiymətləndirilib hesabla-
nır, mübadilə olunur, dəyişdirilir, əldən-ələ keçərək öz
əvvəlki sahibini dəyişir, nəhayət son nəticə etibarilə insan-
ların müxtəlif təyinatlı tələbatlarını ödəyirlər.
Vaxtilə Aristotel yazmışdır ki, «pul insanlar arasında
müəyyən razılaşma nəticəsidir». Belə fikirlər də olmuşdur
ki, pul nemət-xidmətlərinin əvəzində alınan hər şeydir,
yaxud pul xüsusi növ əmtəə olub, alqı-satqı münasibətlə-
rində ümumi ekvivalent rolunu oynayır.
Pulun meydana çıxması çox qədim, formaları müx-
təlif, istifadə üsulları dəyişkən olsa da, o, həmişə olmamış-
dır. Pul cəmiyyətin inkişafının müəyyən pilləsində, ibtidai
icma cəmiyyəti dağıldıqdan, natural (qapalı) təsərrüfat
aradan qalxdıqdan, əmtəə istehsalı genişləndikdən, əmək
bölgüsü dərinləşdikdən sonra zəruri ümumi ekvivalent
(əvəzləyici) kimi meydana çıxmışdır. İlk dövrlərdə pulu
müxtəlif ölkələrdə mal-qara, duz, xəz, parıldayan daş-qaş,
sonralar isə dəmir, gümüş, taxta, mis, qızıl, nəhayət kağız
pullar, müasir dövrdə isə xüsusi plastik kartlar əvəz etmişdir.
Düşünmək mümkündür ki, pul bəşəriyyətin tarixi
inkişaf yolunun müəyyən mərhələsində qanunauyğun bir
hadisə kimi meydana çıxıb öz rolunu oynadıqdan sonra,
artıq cəmiyyətə lazım olmayan bir şey kimi sıradan çıxa-
caqdır. Məsələn, marksist iqtisadi mövqeyə görə, gələcək
kommunizm cəmiyyətində insanların tələbatları hərtərəfli
surətdə ödənildiyindən pula xüsusi bir ehtiyac qalmaya-
137
caqdır. Qiymətli metallardan gələcəkdə, hətta davamlı
keyfiyyətlərinə görə kanalizasiya sistemlərində istifadə
ediləcəyini irəli sürənlər də olmuşdu. N.Gəncəvinin “İs-
gəndərnamə” əsərində təsvir edilmiş “firavan, nə qapısı,
nə qıfılı olan” bir şəhərdə, pula ehtiyac duyulmadığı, qızıl-
gümüşün adi bir şey kimi qiymətləndirilməsi qələmə alın-
mışdı:
Qızıla, gümüşə aldanmaz heç kəs,
Bunlar bizim yerdə bir şeyə dəyməz.
Lakin hələlik, bazar münasibətləri iqtisadi sisteminin
hakim olduğu bir şəraitdə, insanların şüur və intellektual
səviyyələrinin xeyli irəlilədiyinə baxmayaraq, pul və onu
əvəz edən qızıl-gümüş, qiymətli daş-qaşlar cəmiyyətin
ictimai-siyasi, iqtisadi-sosial, mənəvi-əxlaqi həyatının çox
mühüm bir amili rolunu oynayır, eyni zamanda bir sıra
vəzifələri (funksiyaları) həyata keçirir.
Pulun meydana çıxması və cəmiyyət arasında oyna-
dığı rolla bağlı, rasional və təkamül nəzəriyyələri forma-
laşmışdır. Rasional nəzəriyyəyə görə, pul insanlar arasında
əmtəə mübadiləsi prosesində müxtəlif təyinatlı dəyərlərin
bir-birinə dəyişdirilməsi üçün ən əlverişli vasitədir. Təka-
mül nəzəriyyəyə görə isə pul insanlar arasında müəyyən
razılaşmanın deyil, ictimai əmək bölgüsünün, mübadilə
proseslərinin və əmtəə istehsalının tədricən inkişafının nə-
ticəsidir. Təkamül konsepsiyasına görə, bütün əmtəələr
içərisindən tədricən bir əmtəə seçilərək ayrılmış və ümumi
ekvivalent kimi pul rolunu oynamış, onun vəzifələrini
yerinə yetirməyə başlamışdır.
Tədavüldə 2 metal pulun - qızıl və gümüş pulların
138
mübadilə vasitəsi kimi işlədilməsi bimetalizm, 1 metal
pulun, qızıl yaxud gümüş pulun işlədilməsi isə monome-
talizm adlanır.
Ölkənin pul sistemi dedikdə, tarixən orada formalaş-
mış və dövlət tərəfindən qanunvericiliklə müəyyən edilmiş
pul tədavülünün təşkili nəzərdə tutulur. Pul sisteminin
ayrı-ayrı ünsürlərinin hələ xeyli əvvəl müxtəlif ölkələrdə
meydana çıxmasına baxmayaraq, onun formalaşması XVI-
XVII əsrlərdə baş vermişdir. Dünya dövlətlərində təşkil
olunmuş pul sisteminin mühüm tərkib hissələri bunlardır:
qiymət miqyası; pul vahidi; milli pul vahidinin xarici
valyutalara nisbəti; pul emissiyası, yaxud tədavülə pul
nişanları buraxılması; pul tədavülünün tənzimlənməsi
ilə bağlı müvafiq dövlət orqanlarının - kredit təşkilat-
larının yaradılması.
ç) Pul meydana çıxdıqdan sonra ümumiyyətlə 5
vəzifəni (funksiyanı) yerinə yetirmişdir.
Həmin vəzifələr aşağıdakılardır:
a) pul dəyər ölçüsüdür;
b) pul tədavül (mübadilə, hesablaşma) vasitəsidir;
c) pul yığım (toplamaq, xəzinə yaratmaq) vasitəsidir;
ç) pul tədiyyə (kredit, borc) vasitəsidir;
d) dünya pulu (beynəlxalq ödəniş) vasitəsidir.
Son iqtisadi ədəbiyyatlarda, müasir bazar münasibət-
ləri sistemində pulun dəyər ölçüsü tədavül vasitəsi,
yığım vasitəsi kimi 3 vəzifəsinə, bəzən də dəyər ölçüsü
və tədavül vasitəsi kimi 2 vəzifəsinə daha çox diqqət
yetirilir. Pulun mahiyyəti, onun ölkənin təsərrüfat həyatı
və iqtisadi əlaqələr və münasibətlər sistemində yerinə
yetirdiyi müxtəlif vəzifələr, aşağıdakı sxemdə verilmişdir.
139
Ayrı-ayrılıqda pulun cəmiyyətin iqtisadi münasibət-
lər sistemində yerinə yetirdiyi vəzifələri nəzərdən keçirib
aydınlaşdıraq.
Pul dəyər ölçüsüdür. Bütün əmtəələrin-xidmətlərin
hələ tədavül dairəsinə daxil olmadan və satışa çıxarılma-
mışdan əvvəl dəyəri, qiyməti müəyyənləşdirilməlidir. Müx-
təlif əmtəə və xidmətlərin dəyəri, onların hazırlanmasına
sərf olunmuş xərclər, bazardakı tələb-təklif, rəqabət müba-
rizəsi, əhalinin alıcılıq qabiliyyəti, habelə digər şərtlərlə
bağlıdır. Eyni zamanda müxtəlif təyinatlı əmtəə-xidmətlə-
rin dəyəri qarşılıqlı surətdə ortaq ölçülü olduğundan, tə-
biidir ki, onları kəmiyyət baxımından, miqdarca müqayisə
etmək mümkündür.
Lakin unudulmamalıdır ki, bütün əmtəələrin və xid-
mətlərin öz təyinatlarına görə xeyli fərqli olmalarına bax-
mayaraq, onların müəyyən ortaq ölçülü meyarlarla mü-
qayisə oluna bilməsinin səbəbi pul deyil, həmin əmtəə-
xidmətlərin, ümumiyyətlə ictimai əməyin məhsulu olma-
Pulun vəzifələri
Əsas vəzifələri
Törəmə vəzifələri
Dəyər ölçüsü
Yığım vasitəsi
Tədavül vasitəsi
Tədiyə vasitəsi
Qiymət miqyası
Xəzinə
Dostları ilə paylaş: |