Xor
Kim tomondan boshqarilur taqdiri azal?
Prometey
Uch Moyra va Erinnilar,
O‘shalarga ayon bor narsa.
Xor
Nahotki Zevs ulardan ojiz...
Prometey
Ko‘radi u peshanasiga yozilganini.
Xor
Nahot Zevs hukmronlik qilmagay mangu?
Prometey
Buni bila olmagaysan, urinma bekor!
Xor
Chamamda sen saqlayapsan buyuk bir sirni
Prometey
Yetar endi, boshqa gapga o‘taqolaylik!
Bu to‘g‘rida gapirmayman; mavrudi emas.
Sir yashirin saqlansin-da, agarda uni
Saqlay bilsamuqubatli kishanlardan ham
Bir kun kelib tamomila forig‘ bo‘lurmen.
89
2-STASIM
4
1-band
Buka olmas irodamni
Zevsning-da, taxtu qudrati!
Ularni deb buqa sonini
Mehrob sari yo‘llayman tag‘in.
Olib ketgay uni uyqusiz,
Moviy ummon oqimi ildam!
Mayli boshqa yoronlar bilan
Bazmi oliy qurmay qo‘yayin!
Saqlanadi bu sir toabad
Mening jonu jahonimda!
Aksilband
Umidga ko‘z tutib sarkashlik ila
Davru davron sursam
Nechog‘lik yaxshi,
Ko‘ngilga jo aylab porloq sururni!
Ammo titroq bosar ko‘rgan sari
Ming xil g‘amda qiynalishingni!
Hayiqmaysan yolg‘iz sen qahhor Zevsdan
Takabburlik qilib hozio ham,
Senga aziz bo‘lgan umri bebaqo
Odamlarni ko‘tarasan ko‘klarga, o Prometey!
4
Stasim – Стасим – xor bilan aytiladigan qo’shiq
90
2-band
Munisim, inon, mehr ko‘p ko‘rguzib,
Topmassan mehr: o‘zing o‘ylab ko‘r.
Qani seni himoya etganlari?..
Boshingga musibat tushgani kezda
Ko‘rindimi ularning biri?
Ojizlik zanjiri bilan
Foniylarning oyoq-qo‘li bog‘langanmi?
Yo‘q, ularning qo‘lidan kelmas
Dunyoni qayta qurmoq!
2- aksilband
Peshonangni sho‘rligini anglaganimdan
Buni senga gapiryapman, Prometey! E voh,
To‘y oldidan bunday qo‘shiq kuylamagandim,
Bizlar yuvib-tarab gulday kelinni
Qo‘shiq aytib ro‘parangga doxil qilgandik.
Unga o‘zing tuhfa berib, ko‘nglini olib,
Gesiona otliq kelin – bizning singlimiz –
Bahru nahr malagining kuyovi bo‘lding.
O‘sha kunlar naqadar zavqiyob edi.
(Asqar Qosimov tarjimasi)
|