Oriental Renaissance: innovative,
educational, natural and social sciences
VOLUME 1 | ISSUE 2
ISSN 2181-1784
141
w
ns.uz
www.orie
2021
March
Mazkur jurnalda diniy – islomiy hamda dunyoviy mavzularga oid maqolalar
nashr etilgan. Jurnalda Hamza, Saidahmad Vasliy, Kamiy,
Sidqiy Xondayliqiy,
Is’hoqxon Ibrat, Tavallo,
Mahmud Alizoda Toshkandiy, Abdurahmon Sayyoh,
Zafarxon Javhariy, Bahriddin Azmiy, Mubashshirxon,
Mulla Xolmuhammad
To‘raquli, Ibrohim Tohiriy, Said Ahror Maxzum, Ahmadxo‘ja Eshon, Zuhriddin
Eshonxon, Mulla Hoshim Hayratiy, SHamsiddin Xoib va boshqa ijodiy faoliyati shu
paytgacha deyarli o‘rganilmay kelgan ko‘plab mualliflarning asarlari chop etilgan.
Jurnal o‘z nomi va maqsadidan kelib chiqqan holda diniy –
dunyoviy islohotchilik
yo‘lini tutdi.
Xo‘sh, jurnal muharriri Abdurahmon Sayyoh kim edi? “Abdurahmon Sayyoh
ibn Hoji Muhammad Sodiqov (1879, Toshkent -1918, Qo‘qon) – ma’rifatparvar,
noshir. Arabiston, Turkiya, Hindiston, YAponiya mamlakatlariga sayohat qilgani
uchun o‘ziga “Sayyoh” taxallusini olgan. O‘n yoshida ota–onasi, aka – singlisi bilan
Makkaga ketadi, o‘sha erda oila a’zolarining barchasidan ayriladi.
Keyinchalik
Hindistonning Rajpur shahriga kelib,
5
-6 yil madrasada tahsil oladi. 1906 yil
zargarlik buyumlari bilan savdo qilib, Xitoyga boradi. Xitoydan Manjuriya orqali
Buxoroga kelmoqchi bo‘ladi
.
Ammo Rossiya va YAponiya o‘rtasida
urush
borayotgani sababliYAponiya hukumati uni Mukden shahrida hibsga oladi. Va Port–
Artur shahrida saqlaydi. Urush tugagach, Gonkong orqali Hindistonning Kalkutta
shahriga yuboriladi. U Bombey shahriga kelib, Rossiya
bosh konsuliga murojaat
qiladi. Hind, Xitoy, arab, fors, turk tillarini bilgani uchun 1907 yil konsulxonaga
ishga olinadi. 1908 yil Toshkentga qaytib keladi va Turkiston harbiy okrugi shtabida
ishlaydi”.[2;428] SHu orada Munavvar qori Abdurashidxonov bilan do‘stona
munosabatda bo‘lib, hamkorlikda “Al-Isloh” jurnalini chiqara boshlaydi. 1912-13
yillarda noshir va muallif sifatida islom odob-axloqi, muqaddas shaharlar tarixi,
shuningdek, kezib chiqqan mamlakatlari haqida ko‘plab
sayohatnomalar chop
ettirgan. U “Tarixi islom”, “Tuhfat ul anom tarixi bayt ul-Harom”, “Tarixi izolat ul-
g‘ayn an-qissat il-Zulqarnayn”, “Tanvir ul-ahdoq fi makorim il-axloq”, “Me’yor ul-
axloq” kabi asarlar muallifidir. Hamda Hindistondan Faxriddin Roziyning “Tafsiri
kabir” asarini keltirib nashr etgan.[3]
Jurnalning nashr etilishi va faoliyatida Abdurahmon Sayyoh Toshkandiyning
o‘rni muhimligini biz jurnalda nashr etilgan ba’zi maqolalarda ko‘rishimiz mumkin.
Jurnalning 1915 yil 1-sonida Kamiyning “Al-Isloh” deb nomlangan she’ri chop
etilgan bo‘lib, shoir bunday yozadi:
Sayyoh afandi nashri ko‘rsatdi sa’yu g‘ayrat,
Tokim zuhura keldi bu nav’ yaxshi xizmat.
Necha adibi komil ham asru ham afozil,