ADAU-
nun Elmi Əsə
rl
ə
ri. G
ə
nc
ə
, 2016,
№
1
189
TƏHSİL MÜƏSSİSƏLƏRİNİN YANĞIN TƏHLÜKƏSİZLİYİ
Qüvvədə olan qanunvericiliyə uyğun olaraq təhsil müəssisələrində-ali, orta, xüsusi ixtisas
internat məktəbləri, lisey, kollec, uşaq bağçaları və sair obyektlərdə yanğın təhlükəsizliyinin təmin
edilməsində cavabdehlik həmin müəssisələrin rəhbərlərinin üzərinə düşür.
Təhsil müəssəilərinin rəhbərləri məktəblilər, tələbələr, professor və müəllim heyəti, elmi işçilər,
xidməti heyət tərəfindən yanğın təhlükəsizliyi qaydalarının öyrənilməsini və ona riayət edilməsini,
yanğın-texniki minimum üzrə yanğına qarşı təlimatın və dərslərin keçirilməsini təşkil etməli, könüllü
yanğın drujinasını yaradaraq onun fəaliyyətini qanunvericiliyin tələblərinə uyğun olaraq təmin
etməlidirlər.
Təhsil müəssəilərinin rəhbərləri tədris, istehsalat, laboratoriya, inzibati, köməkçi və digər
otaqlarda, anbarlarda siqaret çəkilməsi üçün xüsusi yerlərin ayrılmasını təmin etməli, yanar
materialların, yanar mayelərin və turşuların müəyyən edilən miqdarda saxlanılmasına, açıq alovla
işlərin aparılmasına, habelə bütün xidməti heyət və tələbələr tərəfindən yanğına qarşı müəyyən edilən
rejimə riayət edilməsinə müntəzəm nəzarət etməlidirlər.
Hər bir təhsil müəssisəsində ildə bir dəfədən az olmayaraq bütün xidməti heyətlə, tələbə və
məktəblilərlə yanğın zamanı hərəkətlərə və təxliyyə planına dair praktiki məşğələlər keçirilməlidir.
Fakültələrin, kafedraların, elmi-tədqiqat müəssisələrinin, laboratoriyaların, məktəblərin, uşaq
bağçalarının, sexlərin, anbarların, istehsalat sahələrinin, elektron-hesablama mərkəzlərinin, arxivlərin,
kitabxanaların və digər struktur bölmələrin yanğın təhlükəsizliyinə cavabdehliyi onların rəhbərləri
daşıyırlar. Onlar müəyyən edilmiş yanğına qarşı rejimə riayət edilməsini, qızdırıcı, havadəyişmə,
elektrik qurğularının texniki vəziyyətinə nəzarət olunmasını, və yanğın baş verməsinə səbəb ola
biləcək halların aşkar edilməsini, onların aradan qaldırılması üçün dərhal tədbirlər görülməsini təmin
etməlidirlər.
Təhsil müəssisəsinin ərazisi daim təmiz vəziyyətdə saxlanılmalı, bütün məişət tullantıları xüsusi
ayrılmış sahələrə yığılmalı və mütəmadi olaraq daşınıb aparılmalıdır. Təhsil müəssisələrində mövcud
yanğınsöndürmə qurğuların və vəsaitlərin daim istifadə üçün yararlı vəziyyətdə saxlanılması təmin
edilməlidir.
Bütün bina və qurğulara, su mənbələrinə, habelə yanğın avadanlıqlarına və qurğularına gedən
yollar daim maneəsiz olmalıdır. Bina və qurğular arasındakı yanğına qarşı ara məsafələrdə
materialların, avadanlıqların habelə qablaşdırılmış materialların yığılmasına, nəqliyyat vasitələri üçün
dayanacaq kimi istifadə edilməsinə icazə verilməməlidir. Yanğın avtomobillərinin hərəkətinə maneə
törədə biləçək yol və keçidlərin ayrı-ayrı sahələrinin təmiri zamanı yanğından mühafizə xidmətinə
mütləq xəbər verilməlidir.
Dövlət yanğın nəzarəti qurumları ilə razılaşdırılmamış layihə əsasında təhsil müəssisəsini
ərazisində hər hansı tikinti və yenidənqurma işlərinin aparılmasına icazə verilmir.
Təhsil müəssisələrinin binalarınnın həyətində və yaxınlığında asan alışan və yanar mayelər olan
çənlərin, sıxlaşdırlmış və maye qaz balonlarının saxlanması, həmçinin tonqalların yandırılması
qadağandır.
Təhsil müəssisələrinin binalarında, otaqlarında, pilləkən qəfəslərində iş, anbar və digər təyinatlı
otaqların yerləşdirilməsi, habelə insanların hərəkətinə maneə törədən avadanlıqların, əşyaların
yerləşdirilməsi qadağandır.
Təhsil müəssisəsinin zirzəmi və yarımzirzəmi otaqlarında partlayış təhlükəli maddə və
materiallar, tezalışan və yanar mayelər, habelə zirzəmi otaqlarında partlayış-yanğın təhlükəli proseslər
aparılan laboratoriyalar yerləşdirmək, çardaq otaqlarında və texniki mərtəbələrdə hər hansı bir maddə
və materiallar saxlamaq olmaz.
Çardaq otaqlarının və texniki mərtəbələrin qapıları daim qıfılla kilidlənməli, qıfılın açarı isə
sutkanın istənilən vaxtında götürülməsi mümkün olan əlverişli yerdə saxlanılmalıdır. Çardaq
otaqlarının və texniki mərtəbələrin taxta konstruktiv elementləri üç ildə ən azı bir dəfə oda davamlı
məhlulla hopdurulmalıdır.
Yüksək mərtəbəli binalarda yanğına və tüstüyə qarşı sistemlər daim saz vəziyyətdə saxlanılmalıdır.
Təhsil müəssisələrində otaqların yuyulub təmizlənilməsində benzin, kerosin və digər asanalışan
yanar mayelərdən istifadə etmək, hər hansı otağın divarlarına, tavanına yanar və yandıqda zəhərli
maddələr ayrılan materiallardan üzlük çəkmək olmaz.