229
Şerlərimi şüarlara döndərirəm,
Onları son döyüşün ilk çəbhəsinə göndərirəm. (131, 117)
Filologiya elmləri doktoru, şair Atif Zeynallı bu misraları şərh edərək yazır:
«Bu bir müddət belə də oldu. Onun misraları günün ruporuna çevrilib deklomasiya
kimi səslənməyə başladı. Tribunçuluq və şüarçılıq onu poetik kəşflərdən uzaqlaşdırdı,
quru fikirlər ön plana keçdi və əsl yüksək poetik hissləri buxovladı. Belə bir hal ən
çox şairin siyasi-ictimai və eləcə də əmək mövzusunda qələmə aldığı şerlərdə özünü
göstərdi». (179, 32) Tədqiqatçı şair dediklərinə S.Vurğunun «Pambıqçılar» (1931),
«Bizim bayraq» (1933), «Dəniz gəzintisi» (1934), «Sənət eşqi» (1935) şerlərini
nümunə göstərir.
Əlbəttə, mərhum Atif Zeynallı öz mülahizələrində bir qədər ifrata varmışdır.
Doğrudur, S.Vurğun bu illərdə müxtəlif mövzularda, o cümlədən siyasi və əmək
mövzularında da şerlər yazmışdır. Lakin bunlar şairin öz yolundan dönməsi deyil,
onun çoxçəhətli yaradıçılığı ilə izah olunmalıdır. Axı, S.Vurğun məhz həmin illərdə
böyük poeziya nümunələri yaratmışdır. Deməli, şairə edilən haqsız hücumlar ona
müəyyən qədər təsir göstərsə də, yaradıcılığında ciddi dönüş əmələ gətirə
bilməmişdir.
Bu cür təsirlərdən biri də M.K.Ələkbərlinin tənqidindən sonra şairin «Həsrət»
şerini «itirməsi», müəyyən mənada unutması olmuşdur. Bu barədə xalq şairi
Məmməd Rahimin xatirələrində oxuyuruq: «Səmədin «İstiqbal təranəsi» adlı seçilmiş
əsərlər kitabını redaktə eləyirdim. Vaxtilə mənə «Dağlar» adlı şer oxumuşdu. Kitaba
daxil eləmək üçün həmin şeri ondan istədim. Tərəddüd elədi. Bu söhbətimizdən iki
gün sonra evinə getdim. Bir az söhbət eləmişdik ki, mən yenə təkidlə «Dağlar»ı
istədim. Bir qədər fikirləşdi, sonra «Evimə gəlmisən, nə edə bilərəm» deyib ağ kağız
götürüb şeri yazdı, mənə verdi... Sonra «əldə olanı almaq çətin deyil, sən bacarırsan
«Həsrət»i tap, onu çap elə, onda deyim, hə,
230
bu oldu iş, «Həsrət» məndə yoxdur». Onu əmin etdim ki, taparam. Mən ədəbi qəzeti
və jurnalları saxlayıram. Evə gələndən sonra, bütün günü və sabahı günü «Həsrət»i
axtardım. Nəhayət, tapdım. Yazıçılar İttifaqına apardım. Elə bil Səməd heç onu
görməmişdi. Elə bil bu əsəri yazmamışdı. Dalğın-dalğın ona çox baxdı, bəzi yerlərini
oxudu. Hiss olunurdu ki, «Həsrət»i çox sevir. Birdən: «Rahim, – dedi, – yenə
bildirirəm, bir gün mən kəndə gedəcəyəm, mənim yerim oradadır, mən təbiət
oğluyam...» «Həsrət»i tapdığım üçün mənə razılıq etdi. «Özüm, əlbəttə, – dedi – onu
tapa bilməyəcəkdim». Mən o gün hiss etdim ki, «Həsrət» Səməddə dərin həsrət hissi
oyatdı. Kənd həsrəti, təbiət həsrəti». (114, 26)
Şairin «kənd həsrəti», «təbiət həsrəti», yəni ümumən Azərbaycana məhəbbətinin
tərkib hissəsi olan doğma yerlərə, onun təbiətinə məhəbbəti yaradıcılığı boyu davam
etmiş, müxtəlif əsərlərində öz əksini tapmışdır. «Muğan» poemasında doğma yerlərin
xatırlanması şairin ana təbiətə, onun nemətlərinə məhəbbətindən doğur. Bu
xatırlamada bir narahatlıq vardır. Bu yerləri kələcəkdə qələm sahiblərinin xatırlayıb-
xatırlamayacağından doğan narahatlıq:
Kür qırağı, Qarayazı, göy çəmən,
Qoşa palıd... Tüstülənən od-ocaq...
Saç ağardı, unutmadım sizi mən
Hansı şair sizi bir də yazacaq! (133, 381)
Burada «tüstülənən od-ocaq» ifadəsi Vətənin rəmzi kimi verilmişdir. Eyni
hisslər poemanın başqa misralarında da ifadə edilmişdir:
Əlimdə bir əsa, gözümdə çeşmək,
Loğman tək kəzirəm vətən mülkünü.
Yüz illər keçsə də unutmaz ürək
Vətənin ilkini, eşqin ilkini. (133, 421)
231
S.Vurğunun öz «kiçik Vətən»i ilə mənəvi bağlılığı ona bütün Azərbaycanı
tanımağa, Azərbaycan xalqının həyatını başa düşməyə imkan verdi, şair böyük
Vətənin ürək döyüntülərini eşitdi. «Kiçik Vətən»in hər bir daşına, ağacına, dağına,
aranına, sərin sulu bulaqlarına, bərəkətli çöllərinə məhəbbət isə «Azərbaycan» şerinin
yazılmasına zəmin yaratdı.
Yuxarıda qeyd etdik ki, S.Vurğun bu şeri «Şairin türküsü» adı ilə «Azərbaycan»
epopeyasının proloqu kimi vermişdi. «Şairin türküsü» 9 bənddən ibarətdir. Şerin ilk
bəndi 10-cu bəndi kimi təkrar olunur. Sonradan şair bir neçə dəfə şerin üzərində
işləmiş, əlavə bəndlər yazmış, bəzi ixtisarlar aparmışdır.
«Həcmcə kiçik olmasına baxmayaraq, əhatə dairəsi, hərtərəfliliyi, bədii
qüdrəti ilə bir dastan təsiri bağışlayan «Azərbaycan» şerində». (171, 56) Vətən və
xalq bağlılığı, yurdun təbiətinə, ulu keçmişinə, adət-ənənələrinə məhəbbət ifadə
edilmişdir. Bu şerdə həm şairin «kiçik Vətən»i, həm də bütöv Azərbaycan vardır.
Buradakı təbiət təsvirləri şairin yaradıcılığının ilk illərində təbiətə həsr etdiyi şerlərlə
səsləşir:
El bilir ki, sən mənimsən,
Yurdum, yuvam məskənimsən,
Anam, doğma vətənimsən!
Ayrılarmı könül candan?
Azərbaycan, Azərbaycan! (131, 220)
Misralardan göründüyü kimi, burada iki obraz vardır: şairin «mən»i və Vətən.
«Mən» Azərbaycan xalqı, «Vətən» isə Azərbaycan Respublikasıdır. Azərbaycan xalqı
ilə Azərbaycanın əbədi bağlılığı isə «Ayrılarmı könül candan?» misrasında ifadə
edilmişdir.
«Azərbaycan» şeri əsasən təbiətlə əlaqələndirilsə də şair bu diyarla bağlı
düşüncələrini, fikir və duyğularını da oxucuya çatdırır:
232
Dağlarının başı qardır,
Ağ örpəyin buludlardır,
Böyük bir keçmişin vardır;
Bilinməyir yaşın sənin,
Nələr çəkmiş başın sənin! (131, 220-221)
Son misralar Azərbaycanın qədim bir tarixə malik olduğuna və tarixin müxtəlif
vaxtlarında baş vermiş hadisələrə (qanlı münaribələr, azadlıq uğrunda çarpışmalar,
yadellilərin talançılığı və s.) işarədir.
Şerin hər bir misrasında Azərbaycan ruhu və Azərbaycanın özü vardır. Burada
Azərbaycan həm özünün «durna gözlü bulaqları», «sakit axan arazları», «başı qarlı
dağları», «ala gözlü gündüzləri», «sıra dağları, gen dərələri», «ürək açan
mənzərələri», sarı sünbülü, pambığı, neft buruqları, Xəzəri, Kəpəzi, Göy gölü, Bakısı,
Qazağı, Qarabağı, həm də «Qarabağ şikəstəsi», «yaşılbaş sonaları», «xalı-xalçaları»,
dünya mədəniyyətinə bəxş etdiyi böyük sənətkarları ilə canlandırılır.
Şairin sözlə yaratdığı mənzərələrdə Azərbaycanın təbiəti əbədiləşir, rəssam
tablosuna hopur, sanki dil açıb danışır:
Min Qazaxda köhlən ata,
Yalmanına yata-yata,
At qan-tərə bata-bata,
Göy yaylaqlar belinə qalx
Kəpəz dağdan Göy gölə bax... (131, 226)
«Azərbaycan» şeri Vətən və xalq, təbiət və insan bağlılığı baxımından da dəyərli
sənət nümunəsidir. Bu şer şairin özünün də çox sevdiyi və yüksək qiymətləndirdiyi
bir əsərdir. S.Vurğun özü bu barədə belə demişdir: «Mənim «Partizan Babaş» kimi
şerlərim yüzlərcədir. «Azərbaycan» şeri isə mənim həyatıma, bütün həyat
proqramıma uyğundur. Mən nə qədər yaşayıb-
Dostları ilə paylaş: |