848
Həqiqətən, dahi Nizaminin əsərlərini diqqətlə oxusanız, bugünkü gündə
sizi düşündürən bir çox suallara cavab tapar və özünüzə(qəlbinizə) yax-
şı həmsöhbət tapa bilərsiniz.
Mən də Əhmədağa müəllimin yazdığı kitabları özümə bir dərslik
bildiyim üçün ona təşəkkür edirəm. Allahdan ona rəhmət diləyir,
məqamının da Cənnətlərdə olmasını arzu edirəm.Özünü insanlara çox
tanıtmayıb,Arif olan bu insan özü haqq dünyasında olsa da, yazıb qoy-
duğu əsərlərilə daima insanların qəlbində yaşayacaqdır. Yəqin ki, bu
dünyada yaşamağımızın mənası da elə bundan ibarət-dir.
Gözümü açıb, özümü dərk edəndən mənə dinimizi sevdirib hər
sahəsini başa salaraq öyrədən, ömrü boyu başında çadra, əlində Quran
olan nənəm Umxanıma təşəkkür edir, ona rəhmət diləyərək, Allahdan
onun üçün uca məqamlar arzu edirəm. Bu gün mənim dinimiz haqqın-
da nə isə başa düşə bilməyimin əsas səbəbi kiçik yaşlarımdan nənəmin
qəlbimə, canıma hopdurduğu Allah sevgisi olmuşdur. Çünki bu ya-
şacan ayrı-ayrı yerlərdən öyrəndiklərimin mənbəyi yenə də nənəmin
öyrətdiklərinə gedib çatır.
Ömrünü gənclərin təlim-tərbiyəsinə həsr edərək müəllimə, sonra da
təhsil sistemində işləyən anam Qəribə xanıma verdiyi düzgün tərbiyəyə
görə, həmçinin din,vətən, təbiət, musiqi, həyat və insanları sevmək,elm
öyrənmək kimi ali duyğuları mənə təlim etdiyinə görə ona çox təşəkkür
edirəm. Kiçik yaşlarımda yeddiillik musiqi təhsili mənə vermiş,sonra
da İqtisad Universitetində təhsil almağıma kömək etmişdir. Həyatda
hədsiz düzgünlük və qayda-qanunu sevən, qeybət və söhbətdən çox
uzaq olan anam mənə ömrün mənasının zəhmət və elmdə olduğunu
öyrətmişdir.Anama can sağlığı,uzun ömür arzulayıram. Əbədi dünyada
da uca məqamlar arzulayıram.
Əlbəttə,burada“Şəms-əl-Zəhra”cəmiyyətinin qadınlarını da qeyd
etmək borcumdur.Çünki həyatımın hər anında mənə maddi-mənəvi, ru-
hani dayaq göstərərək, həmişə yanımda olduqlarına görə onlara təşəkkür
edir, onlara həm bu dünyada, həm də əbədi dünyada uca məqamlar arzu
edirəm.
Səbirli, mülayim xasiyyətli atam Bahadura mənə bəxş etdiyi hər
şeyə görə, ömründə bir dəfə olsa belə qəlbimə dəyməyib, həmişə məni
əzizlədiyinə görə təşəkkür edir və ona can sağlığı diləyir,əbədi dünyada
da uca məqamlar arzu edirəm.
Həyatımın hər anında başımın üstündə olan qardaşlarım Da-
daş, Əlihüseyn və Vidadiyə mənim üçün çəkdikləri zəhmətlərə görə
təşəkkür edir,onlara Uca Allahdan can sağlığı diləyir və həyatımın son
849
gününəcən də başımın üstündə olmalarını arzulayıram. Əbədi dünyada
da onlara uca məqamlar arzu edirəm.
Bu kitabda yazılanları təkrar-təkrar oxuyaraq korrekt edən 176
nömrəli məktəbin müəllimi Arzu xanım Qulamovaya təşəkkür edərək,
həyatda özünə və balalarına can sağlığı, xoşbəxtlik arzu edərək, əbədi
dünyada da uca məqamlar arzu edirəm.
Bibim qızı 32 nomrəli məktəbin müəllimi Nəzakət Zaidovaya yenə
də korrektə işində kömək etdiyinə görə təşəkkür edir, həyatda özünə
və balalarına can sağlığı, xoşbəxtlik arzu edərək, əbədi dünyada da uca
məqamlar arzu edirəm.
Həmçinin hər işlərimdə mənə dayaq və kömək olan qonşum Məhbubə
xanıma və 176 nömrəli məktəbin müəllimi, qonşum Yeganə xanıma
təşəkkür edərək, onlara can sağlığı, mənalı ömür, özlərinə, balalarına
xoşbəxtlik arzu edərək, əbədi dünyada da uca məqamlar arzu edirəm.
Bu kitabın cildinin dizayn işlərində mənə yaxından köməklik
göstərən qonşum Gülşən xanıma təşəkkür edir, həyatda özünə və bala-
larına can sağlığı, xoşbəxtlik arzu edir və əbədi dünyada uca məqamlar
arzu edirəm.
Bu iş prosesi zamanı mənə yaxından kömək edib dayaq olan öv-
ladlarıma: Murada, Nərminəyə, Könülə tərbiyəli, təqvalı və xeyirli
övladlar olduqlarına, həmçinin mənimlə bərabər hər mövzu üzərində
müzakirələr apararaq,öz fikirlərini bildirdiklərinə görə, mənim qayğı-
ma qalıb,zəhmətlərimi çəkdiklərinə görə təşəkkür edir, onlara Qadir
Allahdan bu dünyada iman və xoşbəxtlik, əbədi dünyada isə Cənnətlər
arzulayıram.
Qeyd etdiyim kimi, hər işimdə mənimlə birlikdə olan Murad yaxın dost-
ları arasında bu kitabdakı mövzular haqqında söhbətlər və müzakirələr
edirdi.Çünki bu qəncləri birləşdirən bir niyyət, bir məqsəddir ki,bu da
vətən sevgisi və bir də dinimizi qorumaq.Bu söhbətlər əsnasında dostla-
rından biri(adını bildirmək istəmir) gənclərimiz və cəmiyyətimiz üçün
çox xeyirli bir kitab olacağını hiss edərək, bu kitabın çap olunmasına
çəkilən xərci öz öhdəsinə götürmüş və çap məsələsi gündəmə gələn
kimi bütün məbləği can-dildən ödəmişdir.Mən Allaha çox şükürlər
edirəm ki, xalqımızın vətənini, dinini, gələcəyini düşünən, sevən bu cür
övladları vardır. Uca Allahdan bu insana can sağlığı, ailəsinə, övladla-
rına xoşbəxtlik, bir də bu alicənablığına görə həm bu dünyada, həm də
əbədi dünyada uca məqamlar arzu edirəm.Həmçinin,bütün yaxın dost-
larına və özünə yalnız Allah sevgisinin qəlblərində həkk olmasını arzu-
layıram.Çünki,bu sevgi həkk olan qəlbdə, bütün müqəddəs nemətlərə
850
dəyər və sevgi vardır.Mən inanıram ki, cəmiyyətimizdə nə qədər belə
insanlar, gənclər var, bu vətən,bu millət, bu din qiyamət gününədək ya-
şayacaqdır.
Allahıma mənə bəxş etdiyi bütün nemətlərə görə, doğmalarıma,
dostlarıma, qohumlarıma, qonşularıma, ən əsası isə Allahıma həyatda
mənə imanlı insanları rast gətirdiyinə görə təşəkkür edir, verib-aldıqla-
rına görə də şükürlər edirəm.
Açıqlama:Otuz beş yaşıma qədər iqtisadçı kimi (fasilələrlə) işləsəm
də, 35 yaşında bir günün içində işdən çıxaraq, yaşamağımın mənasını
nənəmin təməlini qoyduğu yolda gördüm. Bu dövr ərzində bütün orucla-
rımı tutsam da, dini qayda-qanunlara riayət etsəm də, namaz qılmırdım.
Namaz qılmamağım məni elə bir dərdə salmışdı ki, çəkib qurtara bilmir-
dim. Allahı hiss edirdim, lakin onunla danışa bilmirdim.İki yolun ara-
sında çabalayır, çıxış yolu axtarırdım.Bu vaxt mənə dayaq olub, kömək
edən yenə də həyat yoldaşım oldu.Həyat yoldaşım İbrahimə həyatımın
çətin anlarında mənim üçün mökhəm qala olub, bütün işlərimdə mənə
köməklik göstərdiyinə görə təşəkkür edirəm.Uca Allaha şükürlər
edərək,başa düşürəm ki, əgər belə bir insana rast gəlməsəydim, bu gün
bunların heç birinə nail ola bilməzdim. Çox alicənab, təqvalı, iman-
lı olan bu insan həyatda yaşamağının mənasını valideyn, ailə, övlad,
bir də elm öyrənməkdə görürdü.Həddən artıq savadlı olan bu insan öv-
ladlarını, ailəsini necə təlim etmişdisə,evdə müxtəlif elmi söhbətlərdən
başqa nə qeybət, nə bir insan haqqında müzakirələr olardı, hətta insanlar
haqqında pis düşünməyə belə icazə verməzdi. Cəmiyyətdə və işində öz
mədəniyyəti, elmi ilə seçilən, hörmətli şəxsiyyətlərdən biri idi. Qəlbi, əli
açıq və özü cox alicənab olan bu insan məni bütün ziyarətgahlara, hətta
Həccə belə göndərmiş, ali dini təhsil almaq, bu elmi öyrənməyim üçün
hər cür şərait yaratmışdı.Arif olan bu insan mənə çox dəyər verərək,
həmişə hörmət etmişdir. Bütün bunları mənə bəxş etdiyi üçün Alim Al-
laha və bir də bunları mənə yaşatdığı üçün yoldaşıma təşəkkür edirəm.
Mənə bəxş etdikləri bu nemətləri qorumağa çalışaraq Uca Allahdan ona
rəhmət diləyir,Rəhim Allahdan ona əfv diləyir və Məcid Allahdan ona
Cənnət məqamını arzu edirəm...
İndi isə məni yaxından tanıyasınız deyə, həyat yoldaşımın mənim
haqqımda yazdığı şeirlərdən misraları qeyd edərək, sözümü bitirmək
istəyirəm.Allah amanında olun!
Əlli yaşın mübarəkdir sevgilim,
Bir əlli də yaşayasan, ay gülüm!
Dostları ilə paylaş: |