38
Qənimətə Xəyanətin Haram Edilməsi Və Cənnətə
Mömindən Başqası girməz
74. Əbu Hureyra demişdir: “Biz Peyğəmbərlə birlikdə Xeybərə yürüş
etdik və Allah bizə zəfər bəxş etdi. Biz (bu qəzavatda) qənimət olaraq qızıl-
gümüş deyil, sadəcə əşya, ərzaq və geyim ələ keçirdik. Sonra biz Vadil-Qura
17
deyilən yerə getdik. Peyğəmbərin Dubeyb oğullarından olan Rifaə İbn Zeyd
adlı köləsi də onun yanınca gedirdi. Bu köləni ona Cuzam qəbiləsindən bir
nəfər hədiyyə etmişdi. Biz vadiyə endiyimiz zaman Peyğəmbərin köləsi onun
dəvəsinin yəhərinin (qayışlarını) açmağa başladı. Elə bu vaxt (xeybərlilərin)
atdığı ox gəlib köləyə dəydi və o, elə oradaca canını tapşırdı. Biz dedik: “(Allah
bu) şəhidliyi ona mübarək eləsin, ey Allahın Elçisi!”. Peyğəmbər: “Xeyr!
Muhəmmədin canı Əlində olan (Allaha) and olsun ki, Xeybər döyüşündə (ələ
keçirilmiş) və hələ bölüşdürülməmiş qənimətlərdən götürdüyü bürüncək onun
üstündə od tutub yanır”. (Bunu eşidəndə) camaat qorxuya düşdü. Bu vaxt bir
nəfər bir və ya iki ədəd ayaqqabı qaytanı gətirdi və: “Ey Allahın Elçisi! Bunu
Xeybər günü götürmüşəm” dedi. Peyğəmbər: “(Bunlar,) oddan olan bir
ayaqqabı qaytanı, yaxud oddan olan iki ayaqqabı qaytanıdır”. (Buxari 4234,
Muslim 310, 325)
Cahiliyyə Dövründə Edilən Əməllərə Görə Cəza Varmı
75. Abdullah İbn Məsud demişdir: “(Bir dəfə) bir nəfər (Peyğəmbərə )
dedi: “Ya Rəsulullah, biz cahiliyyə dövründə etdiyimiz əməllərə görə
17
Vadil-Qura – Mədinə ilə Şam sərhədləri arasındaa yerləşən qədim bir kənddir.
39
cəzalandırılacağıqmı?”. Peyğəmbər: “Müsəlman olduqdan sonra yaxşı işlər
görən hər kəs cahiliyyət dövründə etdiyi əməllərə görə qınanmaz. Müsəlman
olduğu halda günah işlərdən əl çəkməyən kimsəyə gəldikdə isə, o, həm
keçmiş, həm də gələcək günahlarına görə cəzalandırılar.” (Buxari 6921,
Muslim 171, 172, 333, 334)
İslam Hicrət Və Həccin Özündən Əvvəlki (günahları)
Silməsi
76. İbn Abbas deyir ki: “Müşriklərdən olan bir zümrə çox adam öldürmüş və
dəfələrlə zina etmişdi. Sonra Muhəmmədin yanına gəlib dedilər: “Sənin
danışdıqların və dəvət etdiyin yol gözəldir... Bir de görək, bizim etdiyimiz (bu
günahların) kəffarəsi varmı?” Onda bu ayə nazil oldu: “Onlar Allahla yanaşı
başqa tanrıya yalvarmaz, Allahın haram etdiyi cana haqsız yerə qıymaz və
zina etməzlər. Bunu edən kimsə cəzalandırılar.”. (Furqan 68). (Sonra da) bu ayə
nazil oldu: “(Qullarıma mənim bu sözümü) de: “Ey Mənim özlərinə qarşı həddi
aşmış qullarım! Allahın rəhmindən ümidinizi üzməyin”. (əz-Zumər 53).
(Buxari 4810, Muslim 174, 337)
Kafirin Müsəlman Olmamışdan Öncə Etdiyi Əməllərin
Hökmü
77. Həkim İbn Hizam demişdir: “Mən soruşdum: “Ya Rəsulullah! De görüm,
cahiliyyət dövründə sədəqə vermək, qul azad etmək və qohumluq əlaqələrini
möhkəmləndirmək kimi gördüyüm yaxşı işlərə görə mənə savab yazılırmı?”.
40
Peyğəmbər: “Olub-keçən yaxşılıqlarla bərabər müsəlman oldun!”. (Buxari
1436, 5992, Muslim 176, 177, 339, 340)
İmanın Sadiqliyi Və Onun İxlası
78. Abdullah (İbn Məsud) rəvayət edir ki: “İman gətirib imanlarına zülm
qatmayanlar əmin-amanlıqdadır-lar...”. (əl-Ənam 82). ayəsi nazil olduqda bu
ayə Peyğəmbərin səhabələrinə ağır gəldi və onlar dedilər: “(Ey Allahın Elçisi!)
Bizim hansı birimiz (özünə) zülm etmir ki?” Peyğəmbər: “Bu (ayədəki zülm)
sizin zənn etdiyiniz kimi deyil. Bu, Loğmanın öz oğluna dediyi kimidir:
“Oğlum! Allaha şərik qoşma. Həqiqətən də, Allaha şərik qoşmaq böyük
zülmdür!”. (Loğman 12). (Buxari 32, 3360, 3428, 3429, 4776, 6918, 6937, Muslim
178, 342)
Allah Dilə Gətirmədiyi Müddətdə Nəfsin Danışmasını,
Xatirə Gələn Şeyləri Bağışlamışdır
79. Əbu Hureyra rəvayət edir ki, Peyğəmbər buyurdu: “Allah mənim
ümmətimin qəlbindən keçən, lakin həyata keçirmədiyi və ya dilinə gətirmədiyi
günahlarını bağışlayır”. (Buxari 5269, 6664, Muslim 181, 182, 346, 347)
Qul Bir Yaxşılıq Niyyət Etdiyi Zaman Onun Yazılması, Bir
Pisliyi Niyyət Etdiyi Zaman İsə Yazılmaması
41
80. Əbu Hureyra rəvayət edir ki, Allah Elçisi buyurdu: “Sizdən (hansı)
biriniz layiqli müsəlman olarsa, etdiyi hər yaxşılığa görə ona bunun on
mislindən yeddi yüz qatınadək savab yazılar. Etdiyi hər bir pis əməlinə görə
isə ona cəmi bir günah yazılar”. (Buxari 42, Muslim 185, 353)
81. İbn Abbas rəvayət edir ki, Peyğəmbər Rəbbindən belə rəvayət
etmişdir: “Allah savab və günah işləri yazmış, sonra da bunları bəyan etmişdir.
Kim bir savab iş görməyə niyyət etsə, sonra buna əməl etməzsə, Allah onun
üçün Öz yanında tam bir savab yazar. Əgər o savab iş görməyə niyyət edər və
bunu yerinə yetirərsə, Allah onun üçün Öz yanında ondan yeddi yüzədək,
hətta bundan qat-qat artıq savab yazar. Kim bir günah iş görməyə niyyət etsə,
sonra buna əməl etməzsə, Allah onun üçün Öz yanında tam bir savab yazar.
Əgər o günah iş görməyə niyyət edər və bunu yerinə yetirərsə, Allah ona cəmi
bir günah yazar. (Buxari 6491, Muslim 187, 355)
İmanda Vəsvəsə Və Onu Özündə Hiss Edən Kimsənin Nə
Deyəcəyi
82. Əbu Hureyra rəvayət edir ki, Peyğəmbər buyurdu: “Şeytan sizdən
birinizin yanına gəlib: “Filan şeyi kim yaradıb? Filan şeyi kim yaradıb?” deyə
(ayrı-ayrı suallar verməyə başlayır). Axırda da: “Rəbbini kim yaradıb?” deyə
(qəlbinizə şübhə salır). Belə olduqda qoy həmin adam Allaha sığınsın və bir
daha bu haqda düşünməsin.” (Buxari 3276, Muslim 191, 362)
Dostları ilə paylaş: |