Al-lulu vəl-mərcan
Yüklə 5,61 Mb. Pdf görüntüsü
|
- Bu səhifədəki naviqasiya:
- “Həqiqətən də, Allah ilə olan əhdlərini və
42 83. Ənəs İbn Malik rəvayət edir ki, Peyğəmbər buyurdu: “İnsanlar bir- birilərinə o qədər sual verəcəklər ki, axırda deyəcəklər: “Baxın, Allah hər şeyi yaratmışdır. Bəs Allahı kim yaratmışdır?” (Buxari 7296, Muslim 190, 192, 193, 360, 364, 366, 368)
Kimsənin Cəhənnəmlə Təhdidi
84. Abdullah (İbn Məsud) rəvayət edir ki, Allah Elçisi buyurdu: “Hər kim nəfsinə uyub bilə-bilə yalandan and içərək bir müsəlmanın malını mənimsəyərsə, Allahın qəzəbinə gəlmiş halda Onun hüzuruna yetişər”. (Buna təsdiq olaraq) bu ayə nazil oldu: “Həqiqətən də, Allah ilə olan əhdlərini və andlarını ucuz qiymətə satan kəslər üçün axirətdə heç bir pay yoxdur. Allah onları danışdırmayacaq, Qiyamət günü onların üzünə baxmayacaq və onları təmizə çıxarmayacaqdır. Onlar üçün ağrılı-acılı bir əzab vardır”. (Ali İmran 77). (Bu dəmdə) Əşəs İbn Qeys içəri girdi və : “Əbu AbdurRahmən sizə nə danışır?”- deyə soruşdu. Onlar: “Belə-belə (söylədi)”- dedilər. Əşəs dedi: “Əbu AbdurRahmən doğru söylədi. Mənim başıma gəlmiş hadisədə ayə nazil olmuşdur. (Bir vaxt) mənimlə bir adamın arasında Yəməndəki bir ərazi üstündə mübahisə düşmüşdü. Mən bunun hökmünü Peyğəmbərdən soruşduqda, o buyurdu: “Sənin dəlilin varmı?” Mən: “Xeyr!” deyə cavab verdim. Peyğəmbər: “Elə isə o, and içməlidir”. Mən dedim: “Belə olduğu təqdirdə, o and içəcək”. Peyğəmbər: “Hər kim nəfsinə uyub bilə-bilə yalandan and içərək bir müsəlmanın malını mənimsəyərsə, Allahın qəzəbinə gəlmiş halda Onun hüzuruna yetişər”. (Buxari 4549, 4550, 6676, 6677, 7445, Muslim 197, 198, 372, 374)
43
Qanının (Axıdılmasının) Haqq Olması, Öldürülürsə Cəhənnəmlik Olması, Malını Qorumaq Üçün Ölən Kimsənin Də Şəhid Olması
85. Abdullah İbn Amr rəvayət edir ki, mən Peyğəmbərin belə dediyini eşitmişəm: “Malını qorumaq üçün vuruşub (ölən) kimsə şəhiddir.” (Buxari 2480, Muslim 202, 378)
86. Ubeydullah İbn Ziyad, Məqil İbn Yəsarı vəfat etdiyi xəstəliyi əsnasında ziyarət etdi. Məqil dedi: Mən Peyğəmbərin belə dediyini eşitmişəm: “Allah Öz qullarından birinə rəiyyətin qeydinə qalmağı (əmirlik etməyi) həvalə edər və o da onların haqqını ödəməzsə, Cənnətin iyini belə duymaz.” (Buxari 7150, Muslim 203, 204, 380, 381)
Qəlblərə Fitnənin Yerləşməsi
44 87. Huzeyfə demişdir: “Peyğəmbər bizə iki hədis danışmışdı. Mən onlardan birini artıq görmüşəm, o birisini isə gözləyirəm. Peyğəmbər bizə xəbər vermişdir ki, əmanət (əməlisaleh) insanların qəlbinin dərinliyinə endiril- miş, sonra onlar Quranı, bunun ardından da sünnəni öyrənmişlər. Bundan başqa Peyğəmbər əmanətin yox olacağı barədə bizə bildirib demişdir: “Adam yatacaq və (yuxuda ikən) əmanət onun qəlbindən götürüləcək, (yerində isə) rəngsiz nöqtə boyda izi qalacaq. Sonra yenə yatacaq və (o yuxuda ikən əmanətin qalan hissəsi də onun qəlbindən) götürüləcək, (yerində isə) suluğa bənzər izi qalacaq. Elə bil ki, (əlindəki) közü ayağının üstünə salmısan və onun düşdüyü yer suluqlayıb. Sən onun qabardığını görürsən, halbuki onun içi bomboşdur. O zaman insanlar bir-biriləri ilə sazişlər bağlayacaq, amma heç kəs əmanəti qaytarmaq barəsində heç düşünməyəcək də. (İş o yerə gəlib çatacaq ki, camaat) deyəcək: “Filan qəbilə sakinləri arasında etibarlı bir adam vardır.” Birisinin barəsində: “O necə dərrakəli, necə bacarıqlı, necə dayanıqlı adamdır!” deyiləcək, halbuki onun qəlbində xardal dənəsi ağırlığında iman olmayacaqdır.” (Huzeyfə) dedi: “Mən elə bir zamanda yaşamışam ki, həmin vaxt kiminlə alış-veriş edəcəyim məni narahat etməzdi. Belə ki, (iş gördüyüm adam) müsəlman olardısa, (əmanəti) mənə İslam dini (şəriətə əsasən) qaytarardı, xristian olardısa, əmanəti mənə onun yaşadığı yerin rəhbəri qaytarardı. Bu gün isə mən ancaq filankəs və filankəslə iş görürəm.” (Buxari 6497, 7086, Muslim 206, 384)
Qayıdacaq, İki Məscid Arasına Çəkiləcək
45 88. Huzeyfə rəvayət edir ki, (bir dəfə) biz Ömərin yanında ikən o soruşdu: “Peyğəmbərin fitnə barədə dediyi sözlər hansınızın yadındadır?" Mən dedim: “Mənim (yadımdadır), həm də o dediyi kimi.” Ömər: “Həqiqətən də, sən bu işdə çox cəsarətlisən.” Mən dedim: “İnsanın arvadı, mal-dövləti, övladı və qonşusu üzündən düşdüyü fitnəni namaz, oruc, sədəqə, (habelə insanlara yaxşı işlər görməyi) əmr etmək və (onları pis işlərdən) çəkindirmək (kimi ibadətlər) silib aparır.” Ömər: “Mən bunu deyil, elə bir fitnəni qəsd edirəm ki, o, təlatümə gəlmiş dəniz kimi (araya) çaxnaşma salacaqdır.” Huzeyfə: “Ey möminlərin əmiri! O fitnənin sənə heç bir zərəri yoxdur. Çünki səninlə onun arasında bağlı bir qapı vardır.” Ömər soruşdu: “(O qapı) sındırılacaq, yoxsa açılacaq?” Huzeyfə: “Sındırılacaq” deyə cavab verdi. Ömər: “Deməli, (bundan sonra) o heç vaxt bağlanmayacaqdır.” (Huzeyfədən) soruşdular: “Ömər bu qapının (kim olduğunu) bilirdimi?” O dedi: “Bəli, (o, bu həqiqəti) gecədən sonra səhərin açılacağını bildiyi kimi (bilirdi). Mən ona (içində) yalan olmayan bir hədis danışdım.” Yenə soruşdular: “Bu qapı kim idi?” O dedi: “Bu qapı Ömər (özü idi).” (Buxari 525, 3586, Muslim 207, 386)
89. Əbu Hureyra rəvayət edir ki, Peyğəmbər buyurdu: “İlan qayıdıb öz yuvasına girdiyi kimi, iman da Mədinəyə yığışacaq” (Buxari 1876, Muslim 210, 391)
90. Huzeyfə rəvayət edir ki, (bir dəfə) Peyğəmbər buyurdu: “Müsəlman olduğunu söyləyən kimsələri siyahıya alın!” deyə buyurdu. Biz də min beş yüz nəfərin siyahısını tutduq. Sonra (öz-özümüzə) dedik: “Min beş yüz nəfər olduğumuz halda (müşriklərdən) qorxacağıq?!” Sonralar biz çox müsibətlər gördük, hətta elə olurdu ki, adam təkbaşına qıldığı namazı qorxa-qorxa qılırdı 18
18 Ehtimal edilir ki, o, bununla Osman İbn Əffanın xilafəti dövründə Kufənin əmiri olmuş Vəlid İbn Ukbəni və onun kimilərini qəsd edirmiş. Çünki Vəlid camaat namazını gecikdirərdi və ya onu lazımi Yüklə 5,61 Mb. Dostları ilə paylaş:
|