168
atəşindən bir parça götürərək namaza gəlməyən yandırıb yandırıb kül edəm.”
(Buxari 657, Muslim 651/252, 1514)
Üzrlü Halda Camaat Namazına Gəlməməyə Rüxsət
Verilməsi
384. Mahmud İbn Rabi əl-Ənsari rəvayət edir ki, Peyğəmbərin əshabəsi və
Bədr döyüşünün ənsardan olan iştirakçısı İtban İbn Malik Peyğəmbərin
yanına gəlib dedi: “Ya Rəsulallah! Mənim gözlərim zəifləyib. Özüm də
qövmümə namaz qıldırıram. Yağış yağdığı zaman mənimlə onların arasında
olan vadini su basır deyə, məscidlərinə gedib onlara namaz qıldıra bilmirəm.
Ya Rəsulullah! Mən istəyirəm ki, sən bizim evə gəlib orada namaz qılasan, mən
də həmin yeri namazgah edim.” Peyğəmbər: “Allah qoysa, mən (bunu)
edərəm!” dedi. İtban: “Ertəsi gün səhər tezdən Peyğəmbər Əbu Bəkrlə
birlikdə bizə gəldilər. Peyğəmbər evə girməyə izn istədi, mən də ona izn
verdim. Evə girdikdə oturmadan dərhal soruşdu: “Evin harasında namaz
qılım?”. İtban: “Mən ona evimdə bir yer göstərdim. Peyğəmbər orada durub
“Allahu Əkbər” dedi (və namaz qılmağa başladı). Biz də onun arxasında
cərgəyə durduq. O, iki rükət namaz qıldı və salam verib (namazı bitirdi)”.
İtban: “Biz Peyğəmbəri bir qədər yubatdıq ki, onun üçün hazırladığımız
xəzirəni (ət yeməyi yeyə bilsin). Bu yerin əhalisindən bir çoxları (Peyğəmbərin
gəlişindən xəbər tutan kimi) gəlib evə doluşdular. Onlardan biri soruşdu:
“Malik İbn Duxeyşin (və ya İbn Duxşun) haradadır?” Oradakılardan biri
dedi: “O, münafiqdir, Allahı və Onun Elçisini sevmir.” Peyğəmbər: “Belə
169
demə! Məgər sən bilmirsən ki, o, Allahın Üzünü diləyərək “ Lə ilahə illəllah”
demişdir?” (O adam) dedi: “Allah və Onun Elçisi daha yaxşı bilər!”. İtban: “Biz
onun münafiqlərə qarşı (mehriban) mövqedə olduğunu və onlara məsləhət
verdiyini görürük”. Peyğəmbər: “Allah, həqiqətən də, Onun Üzünü diləyərək
“Lə ilahə illəllah” deyən kimsəyə, Cəhənnəm odunun toxunmasını haram
etmişdir.” (Buxari 425, 1186, 5401, Muslim 33/263, 1528)
385. Mahmud İbn Rabi xəbər verdi ki, Rəsulullahı xatırladığını, evlərində
olan vedrədən ağzına su alıb püskürdüyünü xatırladı və sonra yuxarıda keçən
İtbanın hədisini zikr etdi”. (Buxari 839, Muslim 33/265, 1530)
Nafilə Namazında Camaat Olmasının, Həsirin, Səccadənin,
Örtüyün, Paltarın Və Digər Təmiz Şeyərin Üzərində Namaz
Qılmağın Icazəli Olması
386. Meymunə rəvayət edir ki, Peyğəmbər , mən qarşısında və heyizli
olduğum halda namaz qılırdı. Bəzən səcdə etdiyi zaman geyindiyi libası – mən
heyizli olduğum halda – mənə toxunardı. Peyğəmbər xurma yarpaqlarından
düzəldilmiş səccadə üzərində namaz qılardı”. (Buxari 379, Muslim 513/270,
1174, 1536)
Camaat Namazının Fəziləti Və Namazı Gözləməyin Fəziləti
170
387. Əbu Hureyra rəvayət edir ki, Peyğəmbər demişdir: “(İnsanın)
camaatla qıldığı namazı öz evində və ya bazarda (fərdi şəkildə) qıldığı
namazdan iyirmi beş dəfə artıqdır (savabı). Çünki sizlərdən biri lazımı
qaydada dəstəmaz alıb ancaq namaz qılmaq məqsədilə məscidə gəlsə, məscidə
daxil olanadək atdığı hər addıma görə Allah onu bir dərəcə yüksəldər və onun
bir günahını silər. Məscidə daxil olduqdan sonra orada qaldığı vaxt ərzində
namazda olduğu kimi sayılar. Namazını qılacağı yerdə gözlədiyi vaxt ərzində,
dəstəmazı pozulanadək mələklər: “Allahım, onu bağışla! Allahım, ona rəhm
et!” deyə onun üçün dua edirlər. (Buxari 477, Muslim 649/272, 1538)
Çox Addımlarla Məscidə Getməyin Fəziləti
388. Əbu Musa rəvayət edir ki, Peyğəmbər buyurdu: “(Camaatla birlikdə)
namaz qıldıqlarına görə ən böyük mükafatı o kəslər qazanırlar ki, onlar
(məscidə gələndə) ən uzaq məsafəni qət edirlər. İmamla birgə namaz qılmaq
üçün namazı gözləyənin mükafatı isə namazı qılan kimi yıxılıb-yatan kimsənin
mükafatından daha böyükdür.” (Buxari 651, Muslim 662/277, 1545)
Namaza Piyada Gedərkən Xətalar (Günahlar) Silinir Və
Dərəcələr Qalxır
389. Əbu Hureyra rəvayət edir ki, Peyğəmbər buyurdu: “Bir deyin görüm,
əgər sizdən birinizin qapısının önündən çay axsaydı, o da hər gün bu çayda
beş dəfə yuyunsaydı, onun (bədənində olan) çirkabdan bir şey qalardımı?”
Əshabələr: “Onun (bədənindəki) çirkabdan heç nə qalmazdı” deyə cavab ver-
dikdə Peyğəmbər buyurdu: “Beş vaxt qılınan namazların məsəli də buna
171
bənzəyir. Belə ki, Allah bununla günahları silir!” (Buxari 528, Muslim 667/283,
1554)
390. Əbu Hureyra rəvayət edir ki, Peyğəmbər demişdir: “Kim səhər və
axşamüstü məscidə gedərsə, hər gedişində Allah onun üçün Cənnətdə bir yer
hazırlayar.” (Buxari 662; Muslim 669/285, 1556)
İmamlığa Haqqlı Kimlərdi?
391. Malik İbn Huveyris demişdir: “Mən qəbiləmizdən olan bir neçə adamla
birlikdə Peyğəmbərin yanına gəldim və biz iyirmi gün onun yanında qaldıq.
O (bizimlə) çox mehriban və mülayim rəftar edirdi. Nəhayət, bizim ailələrimiz
üçün darıxdığımızı görüb dedi: “Qayıdın, onların yanında olun, (bu dini)
onlara öyrədin, (onlara) namaz qıldırın, namaz vaxtı yetişdiyi zaman, qoy
biriniz azan verib sizi namaza çağırsın və sizin ən yaşlı olanınız sizə namaz
qıldırsın.” (Buxari 628, 7246, Muslim 674/292, 1567)
Müsəlmanlara Bəla Gəldiyi Zaman, Bütün Namazlarda
Qunut Tutulmasının Müstəhəb Olması
392. Əbu Hureyra rəvayət edir ki, Peyğəmbər rükudan başını qaldıranda:
“Səmi Allahu Limən Həmidəh, Rabbənə Və Ləkəl Həmd” deyər, (hərdənbir də)
bəzi adamlar üçün (Allaha) dua edər və onların adlarını çəkib deyərdi:
“Allahım, Vəlid İbn Vəlidi, Sələmə İbn Hişamı, Ayyaş İbn Əbu Rəbiəni və
Dostları ilə paylaş: |