III BOB. Ishning amaliyotga tatbiqi
3.1.
Adabiy ta’limni rivojlantirishda didaktik o‘yinlarni
o‘rganishning ahamiyati
Pedagoglarimiz doimo ma’naviy boy bo‘lishga intilib kelganlar.
Chunki
ma’naviyat shunday bir ummonki, har bir
pedagog undan kuch-qudrat olib,
ilhomlanib, tafakkur imkoniyatlarini ijodiy boyitishi mumkin. Vatanni sevish,
millatidan g‘ururlanish, ma’naviy merosimizni chuqur o‘rganish va o‘rgatishda
pedagoglarimiz “Mening
tajriba va malakalarim, o‘z kasbimga bo‘lgan
munosabatim qay darajada?”, “Hozirgi ta’lim talablariga javob bera oladigan
mukammal bilim va salohiyatga egamanmi?” kabi
savollar atrofida mushohada
yuritishi zarur. Borliqni, o‘ta murakkab hamda tez o‘zgaruvchan hayotni yaxlit bir
tizim sifatida o‘rganish, ro‘y berayotgan voqyea va hodisalar o‘rtasidagi o‘zaro
bog‘liqlikni tushunish, o‘tmish, hozirgi davr va kelajakning bir-biriga ta’sirini
anglashda nostandart vaziyatlarda ham eng maqbul va
orginal qarorlar qabul eta
oladigan yosh avlodni tarbiyalash mas’uliyati har bir pedagogning zimmasidadir.
Bunday ta’lim-tarbiya yo‘sinini yo‘lga qo‘yishda, albatta, pedagogik mahorat va
kasbiy madaniyatga egalik kerak bo‘ladi.
Maktab ta’limida namunali pedagogik mahoratga ega o‘qituvchilarimizning
darslarini zamonaviy
pedagogik texnologiyalar, ta’limiy o‘yinlar va AKTdan
foydalanib tashkil qilishlari tahsinga loyiq. Lekin
shunday holatlar ham uchrab
turibdiki, har bir dars, har bir mavzuning o‘ziga xos texnologiyasini to‘g‘ri
qo‘yishga aksariyat o‘qituvchilarimiz e’tibor bermayotganligi kishini o‘ylantiradi.
Axir “pedagog” yetakchi degani-ku!
Yosh avlodning qiziqishi, iqtidori,
qobiliyatini maktabda shakllantirish emas, rivojlantirish kerak. Daryoda oqayotgan
suv sokin, jimirlab yoki shiddatli to‘lqin bo‘lib oqishi mumkin.
Mushohada
qiladigan bo‘lsak, qay holatda suv manzilga tezroq yetadi? Biz adabiy ta’limda
didaktik o‘yinlardan foydalanishning ahamiyatini alohida ko‘rsatib o‘tamiz.
