AMEA Nəsimi adına Dilçilik İnstitutu, Sosiolinqvistika və dil siyasəti şöbəsi
___
Mayıl B. Əsgərov
LİNQVO-PSİXOLOJİ VƏHDƏT NƏZƏRİYYƏSİ
Bakı, 2015, s
.
68
tının yardımı ilə intellekt obrazları silsiləsi şəklində bir-
ləşərək yaddaşımıza həkk olunur.
Nəzərə alaq ki, konkret bir gerçəklik elementinə ekvi-
valent olan intellekt obrazından fərqli olaraq, intellekt
obrazları silsiləsi yönü və məqsədi baxımından şəhərdəki
çoxmənzilli binalardan ibarət mürəkkəb sistemi və ya
həmin sistemlərin birləşməsindən əmələ gələn meqapolis
sxemini xatırladır. Belə ki, çoxmənzilli bina, bir tərəfdən
müxtəlif dil, din, irq, peşə və sənət sahiblərinin yaşadığı
binalardan biri kimi, digər tərəfdən də, konkret qrupların
(məsələn, rusların, xristianların və ya hərbi qulluqçuların)
yaşadığı çoxsaylı binalardan biri kimi meqapolisdəki çox-
mənzilli binalar sistemində nəzərdən keçirilə bilər.
Ayrılıqda götürülmüş hər bir intellekt obrazları
silsiləsinə bir tərəfdən konkret bir hadisə ilə bağlı (mə-
sələn, Qubada dağ gəzintisi), eləcə də həmin silsiləyə
daxil olan ayrı-ayrı elementlərlə bağlı (məsələn, dağ gə-
zintisi, mənzərə, musiqi, dad, qoxu və s.) müraciət oluna
bilər. Başqa sözlə desək, intellekt obrazları silsiləsinin
yaranması və ona istinad məsələsində fərdilik və ortaq
cəhətlilik prinsipləri nəzərə alınmalıdır.
Konkret olaraq haqqında danışılan dağ gəzintisi ilə
bağlı yaranan intellekt obrazları silsiləsi bir tərəfdən
müstəqil “Quba gəzintisi” silsiləsi kimi formalaşır. Digər
tərəfdən isə həmin silsilədəki obrazların bir qismi digər
“Vizual təmas” silsilələri ilə, bir qismi digər “Friktual
təmas” silsilələri ilə, bir qismi digər “Tastual təmas”
silsilələri ilə, bir qismi digər “Attaral təmas” silsilələri ilə
birləşərək ən böyük meqapolis sxemlərindən daha mürək-
kəb sistem yaradır.
İntellekt obrazları silsilələrinin əmələ gətirdiyi siste-
AMEA Nəsimi adına Dilçilik İnstitutu, Sosiolinqvistika və dil siyasəti şöbəsi
___
Mayıl B. Əsgərov
LİNQVO-PSİXOLOJİ VƏHDƏT NƏZƏRİYYƏSİ
Bakı, 2015, s
.
69
min mürəkkəbliyini tam olaraq təsəvvür edə bilmək üçün
bir faktı da nəzərə alaq ki, intellekt obrazları heç də bu
sxemdə göstərildiyi kimi stabil dördbucaqlı formasına
malik deyil və onların əmələ gətirdiyi sistem heç də həmin
dördbucaqlıların kəsişməsi formasında təzahür etmir.
Böyük ehtimalla intellekt obrazlarının əmələ gətirdiyi
silsilənin real mənzərəsini təsəvvür edə bilmək üçün ilk
növbədə fəza müstəvisindən və təbii ki, mürəkkəb xarici
görünüşə malik fəza fiqurlarından qarışıq şəkildə istifadə
etmək daha doğru olardı. Çünki intellekt obrazlarının bir-
ləşməsindən yaranan silsilə, bizim təxəyyül gücümüzün
ən mürəkkəb sistem anlayışı ilə bağlı təsəvvür edə biləcə-
yi ən çoxşaxəli və qarışıq sxemlərdən belə dəfələrlə
mürəkkəbdir.
Yenə də analogiya prinsipindən istifadə edərək belə
deyə bilərik ki, intellekt obrazlarının birləşməsi nəticəsin-
də insan beynində yaranan dərketmə və təfəkkür sistemi
bütün serverləri, saytları və protokolları nəzərə alınmaqla
vahid dünya internet sisteminə bənzəyir. Amma bu sistem
dünya internet sistemindən də dəfələrlə mürəkkəb və
zəngindir, istifadə imkanları baxımından isə, ondan dəfə-
lərlə effektiv, sürətli və asan idarə olunandır.
Dərketmə aktının ikinci fazasının və ya birinci yarım-
aktının analizinin nəticələrinə əsaslanaraq belə deyə bilə-
rik ki, insanın beyin aparatı tərəfindən təmasda olduğu
bütün gerçəklik elementlərinə ekvivalent olan intellekt ob-
razları yaradılır. Yadda saxlama məhz intellekt obrazları
vasitəsilə həyata keçirilir.
Qeyd edək ki, haqqında danışılan gerçəklik elementləri
ilə bağlı yaranan intellekt obrazlarının yadda saxlanılması
fazasında da dilə heç bir ehtiyac duyulmur. Əks halda, söz
AMEA Nəsimi adına Dilçilik İnstitutu, Sosiolinqvistika və dil siyasəti şöbəsi
___
Mayıl B. Əsgərov
LİNQVO-PSİXOLOJİ VƏHDƏT NƏZƏRİYYƏSİ
Bakı, 2015, s
.
70
qarşılığı olmayan gerçəklik elementlərinin dərk olunaraq
yadda saxlanılması mümkün olmazdı.
Doğrudan da, əgər dərketmə və təfəkkürün vahidi söz
və ya nitq olsaydı, o halda adı məlum olmayan əşya,
varlıq və hadisələri dərk edə bilməzdik. Gözümüzlə gör-
düyümüz, əlimizlə toxunduğumuz, gözlərimizi yumarkən
belə, dəqiq obrazını bütün təfərrüatları ilə xatırladığımız,
amma adını bilmədiyimiz əşya və varlıqları dərk etdiyi-
mizi inkar etməli olardıq. Bu da nə normal məntiqə, nə də
elmə sığan bir məsələ deyil.
Üçüncü faza. Haqqında danışılan gəzintidən sonra illər
keçir. Bir dəfə təsadüfən hiss etdiyimiz bir çiçək qoxusu,
duyduğumuz melodiya, dad, yaxud gördüyümüz başqa bir
mənzərə həmin “Quba gəzintisi” zamanı eşitdiyimiz musi-
qini, yediyimiz meyvəni və ya bütövlükdə həmin dağ
gəzintisi ilə bağlı bütün təfərrüatları bizə xatırladır.
Beləliklə, dərketmə və təfəkkür prosesinin xatırlama və ya
yada salma adlanan üçüncü fazası reallaşmış olur. Bu
fazada baş verən psixoloji prosesləri bir qədər aydınlaş-
dırmağa çalışaq.
Əvvəlki yarımaktın şərhində insan beynində yaranan
dərketmə və təfəkkür sisteminin dünya internet sisteminə
bənzədiyini qeyd etmişdik. Eyni fikri davam və inkişaf et-
dirərək deyə bilərik ki, yaddaşımızdakı hər hansı məluma-
tın tapılması və ondan istifadə, bir növ “Google” xidmə-
tindən istifadə yolu ilə internet sistemində olan müvafiq
məlumatın axtarılıb tapılmasına və ondan istifadəyə bən-
zəyir. Fərq yalnız ondadır ki, internetdə olan lazımi məlu-
matı tapmaq üçün “Google” axtarış xidməti proqramına
daxil olmaq, axtarılan məlumatla bağlı “açar kod”u daxil
etmək və “axtar” komandası verməklə proqramı işə sal-
Dostları ilə paylaş: |