AMEA Nəsimi adına Dilçilik İnstitutu, Sosiolinqvistika və dil siyasəti şöbəsi
___
Mayıl B. Əsgərov
LİNQVO-PSİXOLOJİ VƏHDƏT NƏZƏRİYYƏSİ
Bakı, 2015, s
.
120
ilkin mənimsənilməsi analogiya prinsipi əsasında baş
verir. Uzunmüddətli istifadə nəticəsində daşlaşmış olan bu
yanlışdan bütünlüklə yaxa qurtarmaq o qədər də asan
olmur. Belə insanlar lazım gələndə öz nitqlərində bütün
ədəbi dil normalarına, yəni qrammatik və sintaktik qayda-
lara əməl etsələr də, ekstremal vəziyyətlərdə, məsələn,
qorxanda əsəbiləşəndə özlərindən asılı olmayaraq yenidən
hafizələrinə həkk olmuş dialektizmlərə qayıdırlar. Belə
yanlış analogiyalardan tam azad olmağın yeganə yolu hə-
min yanlış analogiyanın doğru analogiya ilə əvəzlənməsi,
eyni tərzdə “daşlaşdırılmasıdır”. Bu isə gərgin əmək və
diqqət tələb edən uzunmüddətli prosesdir.
Qrammatik formaların birinci intellekt obrazı və ger-
çəklik elementi, onların mahiyyəti və yaranma mexanizmi
ilə bağlı buraya qədər deyilənləri
ümumiləşdirərək belə bir
qərara gələ bilərik: Qrammatik formaların birinci sıra ger-
çəklik elementi ilkin mərhələdə alışqanlıq, vərdiş və
analogiyalar əsasında formalaşan, sonrakı hər kontakt
nəticəsində dəqiqləşdirilən və təkmilləşdirilən abstrakt
təsəvvürlərdir ki, onların da dərk olunması nəticəsində
həmin formaların birinci intellekt obrazı yaranmış olur.
Təbiidir ki, qrammatik formanın birinci intellekt obrazı
göz önündə canlandırılan və ya təsəvvür olunan heç bir
real və ya vizual obraza ekvivalent deyil. Bu cəhəti ilə
qrammatik formalar mücərrəd isimləri xatırladır.
Qrammatik forma yalnız müstəqil bir tam mahiyyəti
daşıyan digər (adətən leksik formaların) intellekt obrazları
ilə birləşdikdə həmin intellekt obrazının ekvivalent olduğu
gerçəklik elementinin digər gerçəklik elementləri ilə əlaqə
və münasibətlərini əks etdirir. Ayrılıqda isə qrammatik
formanın gerçəklik elementi
abstrakt təsəvvürdən başqa
AMEA Nəsimi adına Dilçilik İnstitutu, Sosiolinqvistika və dil siyasəti şöbəsi
___
Mayıl B. Əsgərov
LİNQVO-PSİXOLOJİ VƏHDƏT NƏZƏRİYYƏSİ
Bakı, 2015, s
.
121
bir şey deyildir. Məsələn, Azərbaycan dilində ismin yerlik
hal şəkilçisi olan
-da
2
şəkilçisi ilə bağlı mövcud olan
abstrakt təsəvvürlərdən bəziləri aşağıdakı kimidir:
1) Orta məktəbin ilk 4 sinfini oxumuş 81 yaşlı təqaüdçü
Yaqub Abdullayevin abstrakt təsəvvürünə görə,
“-da, -də
artırılan söz, iş görən adamın yerini
göstərir
1
”.
2) Orta məktəb həcmində verilən abstrakt təsəvvürə
görə, “İsmin yerlik halı əşya və ya hərəkətin yerini bil-
dirir...
-da
2
şəkilçisi ilə düzəlir”
2
.
3) Ali məktəb həcmində verilən abstrakt təsəvvürə
görə, “İsmin yerlik halı, başlıca olaraq yer məzmunu ifadə
edir. Bu halda işlənən sözlər ya iş və hərəkətin, ya da
əşyanın yerini bildirir”
3
və s.
Müxtəlif mənbələrdən götürülmüş bu şərhlər bir daha
sübut edir ki, bu və ya digər qrammatik formanın gerçək-
lik elementi
abstrakt təsəvvür olmaqla yanaşı, kommuni-
kant kontingentindən və onlarda formalaşmış analogiya-
lardan asılı olaraq fərqliliklərə malikdir, daim dəyişir və
inkişaf edir. Bununla belə, həmin
abstrakt təsəvvür aid ol-
duğu kontingent tərəfindən müvafiq qrammatik formadan
lazımi səviyyədə istifadə oluna bilməsi üçün kafidir.
Eyni bir kateqoriyaya aid şəkilçilərlə düzələn bütün
qrammatik formalar artırıldığı bütün kök və ya əsaslarda
eyni məna çaları yaradır, yəni bağlandığı əsas intellekt ob-
razına ekvivalent olan gerçəklik elementi ilə digər gerçək-
lik elementləri arasında mövcud olan eyni tipli əlaqə və
1
Abdullayev Yaqub Hacı oğlu, Oğuz rayon sakini, 81 yaşında.
2
Nağısoylu M. Azərbaycan dili (Ali təhsilə hazırlıq kurslarının dinləyiciləri üçün
dərslik). Bakı, “Zirvə yayınları”, 1999, s. 42.
3
Hüsеynzadə M. Müasir Azərbaycan dili. Morfologiya. III hissə. Bakı. “Maarif”,
1983, s. 61.