34
UOT 633.31.37;635.65
NOXUD GENOFONDUNUN TƏDQİQİ VƏ SELEKSİYASININ
NƏTİCLƏLƏRİ
L.Ə.ƏMİROV
1-2
, R.S.MİRZƏYEV
1
, Q.M.HƏSƏNOVA
1
, H.İ.MƏMMƏDOV
1
,
A.A.CAHANGİROV
1
, K.B.ŞIXƏLİYEVA
2
, S.M.BABAYEVA
2
,
S.Q.HƏSƏNOVA
2
1-Əkinçilik ET İnstitutu, Bakı -1098, Pirşağı q., Sovxoz №2;
2-AMEA Genetik Ehtiyatlar İnstitutu, Bakı, 1106, Azadlıq prospekti 155
Müxtəlif amillərdən iqlim dəyişkənliyi nəticəsində temperaturun yüksəlməsi yer
kürəsinin bir sıra ölkələrində ərzaq çatışmamazlığına səbəb olur. Xüsusilə, inkişaf
etməkdə olan üçüncü dünya dövlətləri əhalinin ərzaq təminatında çətin problemlərlə
üzləşirlər. Nəticədə əhalinin həm ölkə daxili,həm də ölkə xaricinəmiqrasiya prosesi
baş verir.
Açar sözlər: noxud, genofond, seçmə, müxtəliflik, forma, fotosintez,
transpirasiya
Ключевые слова: нут, генофонд, отбор, разнообразия, форма, фотосинтез,
транспирация
Key words: chickpea, genofund, selection, diversity, form, fotosintez,
transpiration
Ümumdünya səhiyyə təşkilatının verdiyi məlumata görə planetimizdə hər il bir
milyarda yaxın insan normal qidalana bilmir, xroniki aclıq keçirir, on üç milyon insan
isə pis qidalanmadan və aclıqdan tələf olur. Ona görə də hər bir dövlət əhalisinin
ərzaq təhlükəsizliyini təmin etmək üçün əməli tədbirlər həyata keçirir.
Ərzaq paxlalı bitkilər zülal probleminin həllində mühüm rol oynayırlar.
Respublikamızda ərzaq üçün istifadə olunan və qədim zamanlardan becərilən paxlalı
bitkilərdən noxudu göstərmək olar. Bu bitkinin dəni karbohidratlarla, zülallarla, əvəz
olunmayan amin və yağ turşuları, vitaminlərlə (xüsusən B qrupu) və minerallarla
zəngindir. Bunlarla yanaşı göstərilən maddələr insan orqanizmi tərəfindən yüksək
səviyyədə (86%) mənimsənilir və onun inkişafına müsbət təsir göstərir. Qida
rasionunda zülal çatışmamazlığı insan orqanizminə mənfi təsir göstərir və xroniki
zülal aclığı prossesi yaranır ki, nəticədə bir sıra fəsadlar baş verir. Heyvan mənşəli
zülalların çatışmamazlığını paxlalı bitkilər əvəz edə bilirlər. Ona görə də əhalinin
qida rasionunda bu bitkilərdən geniş istifadə edilməlidir.
Noxud bitkisi əhalinin ərzaq çeşidi müxtəlifliyini artırmaqla yanaşı əkinçilikdə
də bitkilərin diversifikasiyasında mühüm rol oynayır. Belə ki, paxlalı bitkilər kök
yumurucuqları əmələ gətirən bakteriyalar vasitəsi ilə havadan sərbəst azotu
mənimsəyərək onu bitkilərin istifadə edə biləcəyi mineral formaya çevirirlər.
35
Bundan başqa bu bitkilər vegetasiya dövründə kökləri vasitəsi ilə torpağa bir
sıra maddələr, o çümlədən vitaminlər, üzvi turşular və s. ifraz edir ki, nəticədə
torpağın mikro florası dəyişir və fitosanitar vəziyyəti yaxşılaşır. Bununla əlaqədar
olaraq paxlalı bitkilərdən sonra əkilən bitkilərin məhsuldarlığı artır və məhsulun
keyfiyyəti də yüksəlir. Onlar yaxşı sələf bitkiləri hesab edilirlər.
Dəmyə bölgələrdə noxudun digər bitkilərə nisbətən üstünlüklərini nəzərə alaraq
BMT-nin Ərzaq və Kənd Təsərrüfatı Komitəsi (FAO) bu bitkinin gələcəkdə əkinçilik
üçün perspektivli bitki kimi quraq regionlarda becərilməsini tövsiyyə etmişdir.
Respublikamızın quraq dəmyə bölgələri üxçün məhsuldar,keyfiyyətli dən
məhsulu verən paxlalı bitkilərin yeni soptlarının yaradılması və kəndli-fermer
təsərrüfatlarında tətbiq edilməısi aktual məsələlərdəndir. Bu aspektdə noxud
bitkisinin özünə məxsus yeri vardır.
Azərbaycanda becərilən noxud populyativ xarakterlidir yəni bir növ xalq
seleksiyası istiqamətli formalardır. Hər bir istehsalçı özünün istəyinə görə nümunəni
artırır və onun toxum materiallarını əkir. Belə formalar mexaniki becərməyə yaramır,
çox əl əməyi tələb edir, xəstəliklərə davamsız olmaqla yanaşı yüksək məhsuldaqrlığa
malik olmurlar. Məhsulun keyfiyyət və kulinar xüsusiyyətləri də nəzərə
alınmır.İstehsalçı ancaq dənin iriliyinə xüsusi diqqət verir.
Bütün yuxarıda göstərilənləri nəzərə alaraq noxudun seleksiyasının elmi əsaslar
üzrə aparılması üçün Əkinçilik ET İnstitutunda və AMEA Genetik Ehtiyatlar
İnstitutunda seleksiya proqramı təşkil edilmışdir.
Respublikamızda ərzaq probleminin həlli ilə əlaqədar olaraq noxudun yüksək
məhsuldar,biotik və abiotik stres amillərə davamlı, keyfiyyətli yeni sortlsrının
yaradılması, optimal becərmə texnologiyasının müəyyən edilməsi, toxumçulugunun
təşkili və onun yayımı qarşıda duran problemlərdəndir. Ölkəmizin ayrı-ayrı
bölgələrində becərilən noxud nümunələri tez-tez kütləvi surətdə fuzarioz və askoxitoz
xəstəliklərinə tutulurlar ki, bunun nəticəsində də istehsalın rentabelliyi aşağı düşür və
fermerlərin bu sahəyə marağı azalır. Becərilən yerli formalar qısa boylu olduğundan
məhsulun mexaniki üsulla yığımı zamanı məhsul itkisi çox olur. Eyni zamanda belə
formaların məhsulunun əmtəəlik xüsusiyyətləri də yüksək olmur [1; 5]. Buna görə də
xəstəliklərə davamlı yüksək məhsuldar, hündürboylu əmtəəlik xüsusiyyətləri yüksək
olan yeni noxud sortlarının yaradılması məqsədi ilə 1997-ci ildən başlayaraq
ICARDA Beynəlxalq Elm mərkəzindən hər il müxtəlif mənşəli noxud nümunələri
indroduksiya olunur.
Alınmış nümunələr Abşeron, Qobustan və Cəlilabad bölgələrində ekoloji
sınaqdan keçirilir. Öyrənilən nümunələr üzərində fenoloji müşahidələr aparılır,
onların xəstəliklərə, yatmaya, şaxtaya, quraqlığa qarşı davamlılığı öyrənilir, boyu,
1000 dənin kütləsi, məhsuldarlığı, dəndə zülalın miqdarı təyin edilmişdir (cədvəl 1).
Noxudun fizioloji parametrlərinin təyin edilməsi də seleksiyada mühüm
əhəmiyyət kəsb edir. Bununla əlaqədar olaraq (cədvəl 2) dən məhsuldarlığının
formalaşmasında aparıcı rol oynayan fizioloyi faktor kimi fotsintezin intensivliyini
qeyd edə bilərik. Fizioloji parametrlərin təhlili göstərir ki, fotsintezin intensivliyi
yüksək olan noxud sortlarının dən məhsuldarlığı da yüksək olur. İntensiv tipli
sortlarda transpirasiya əmsalı və ağızcıqların su keçiriciliyi də nisbətən yüksəkdir.