89
clusters. In the ω-, γ-, α- and beta zones of gliadin electrophoregrams 38 spectra and
133 electrophoretic patterns were obtained and genetic diversity index (H) was
calculated.
UOT633.11:551.5
QURAQLIQ STRESİNİN YUMŞAQ BUĞDA SORTNÜMUNƏLƏRİNİN
MƏHSULDARLIĞINA VƏ SÜNBÜLÜN STRUKTUR ELEMENTLƏRİNƏ
TƏSİRİ
S.İ.HÜSEYNOV b.ü.f.d. aparıcı elmi işci
Əkinçilik Elmi –Tədqiqat İnstitutu, Bakı, Az 1098 Pirşağı qəs.
Sovxoz № 2, e-mail: hseyfulla.huseynov@rambler.ru
Məqalədə SİMMİT və İKARDA birgə proqramları və yerli bərk buğda
sortlarından hazırlanmış pitomnik materialları üzərində aparılmış elmi tədqiqatlar
verilmişdir. Quraqlıq stresinin yumşaq buğda sortnümunələrinin məhsuldarliğına və
sünbülün struktur elementlərinə təsiri, sünbülün struktur elementlərinin dənin
məhsuldarliğı, 1000 dənin kütləsi və bitkilərin boyu ilə əlaqəsi öyrənilmişdir.
Acar sözlər: yumşaq buğda, sort, məhsuldarlıq, sünbül elementləri, quraqlıq
stresi
Respublikamızın artmaqda olan əhalisinin bazar iqtisadiyyatı şəraitində zülallı
maddələrə olan tələbatını ödəmək üçün dənli bitkilərin dənində məhsuldarlığın,
keyfiyyət və texnoloji keyfiyyət göstəricilərinin miqdarının artırılması hazırki dövrdə
alimlərin qarşısında duran ən böyük problemlərdən biridir. Bu problemlərin həlli isə
ildən ilə getdikcə çətinləşir.
Respublikamızın müstəqillik illərini yaşadığımız zamanda əkinə yararlı
torpaqlarımızın demək olar ki, hamısı pay torpaq kimi vətəndaşlara və kənd
zəhmətkeşlərinin özünə paylanmışdır. Torpaq sahibi olan kənd zəhmətkeşləri seçim
qarşısında qaldılar, pay torpaqlarından necə istifadə etsinlər ki, ailələrinin vəziyyətini
yaxşılaşdırmağı təmin etsinlər və bundan başqa səhər və kənd əhalisini kənd
təsərrüfatı məhsullarına olan tələbatı da pay torpaqlarına malik olan fermerlər
tərəfindən təmin olunmalıdır.
Pay torpaqlarına sahib olan fermerlər hal hazırda çətınliklər qarşısında qalıblar.
Çünki həmin fermerlər torpağın strukturunu, torpaqda əkiləcək bitkilərə lazım olan
qida maddələrinin, nəzərdə tutulan məhsulu almaq üçün torpağa veriləcək qida
maddələrinin (üzvi və mineral gübrələrin) miqdarını, torpaq reaksiyasını (turş,
neytral və qələvi xassəli) torpaqda duzluluğun, kirəşləşmənin və .s. ümumiyyətlə
bitkiyə lazım olan, bütün mənfi və müsbət təsir edən faktorları öyrənmədən, əhalimiz
üçün lazım olan yüksək məhsuldar və yüksək keyfiyyətli, ekoloji təmiz məhsul almaq
üçün hansı tip torpaqda hansı bitkinin əkilməsini bilmirlər.
90
Ona görə də yuxarıda sadalanan problemləri həll etmək üçün taxıl əkiləcək
həmin torpaqların bütün kimyəvi tərkibi təyin olunmalıdır. Ümumiyyətlə buğda
bitkisinin potensial məhsul imkanlarını tam üzə çıxarmaq üçün bu bitkiyə təsir edən
kompleks aqrotexniki və digər tədbirlər tam tətbiq olunmalıdır.
Bu məqsədi həyata keçirmək üçün biotik və abiotik amillərə davamlı yüksək
məhsuldar və yüksək keyfiyyətli buğda sortlarının bioloji və molekulyar
xüsusiyyətlərinin öyrənilməsi üçün Cəlilabad BTS-nin su ilə təmin olunmayan quraq
dəmyə torpaqlarında Beynəlxalq Seleksiya mərkəzi SİMMİT, İKARDA-dan alınmış
və
yerli buğda genefondundan məhsuldarlığına, keyfiyyətinə, quraqlığa
davamlılığına, xəstəlik və ziyanvericilərə qarşı davamlılığına görə seçilmiş müxtəlif
növ yumşaq və bərk buğda sortları əkilərək dənin məhsuldarlığı, keyfiyyəti, qidalılıq
dərəcəsi texnoloji keyfiyyəti və seleksiya əhəmiyyətliliyi öyrənilmiş, yeni yüksək
məhsuldar, yüksək keyfiyyətli, quraqlığa davamlı, xəstəlik və ziyanvericilərə
davamlı sortların yaradılmasında istifadə olunmaq üçün seleksiyaçılara tövsiyə
olunacaqdır [1; 2].
Tədqiqatın məqsədi respublikamızın kəskin fərqlənən torpaq iqlim şəraiti üçün
əkilmiş buğda sortlarında keyfiyyətli dən məhsulunun əmələ gəlməsinin fizioloji və
biokimyəvi xüsusiyyətlərinin öyrənilməsi və bu göstəricilərin yeni yüksək məhsuldar,
yüksək keyfiyyətli və quraqlığa davamlı sortların yaradılması üçün seleksiya
prosesində istifadə olunma mümkünlüyünün araşdırılması, keyfiyyət göstəriciləri ilə
tez yetişkənlik quraqlığa davamlılıq, məhsuldarlıq və keyfiyyət əlamətlərinin
qarşılıqlı əlaqəsinin çoxlu buğda sortları üzərində məqsədyönlü elmi tədqiqatlar
aparılmasıdır.
Təcrübələr buğda genofondundan seçilmiş və yerli perspektiv sotlardan ibarət
150-ə yaxın bərk və yusmaq buğda sortları, hər hesablanan ləkin sahəsi 10 m
2
olmaqla 4 (dord) təkrarda qoyulmuşdur. Çıxışdan başlayaraq vegetasiyanın
sonunadək fenoloji müşahidələr Kuperman metodu ilə aparılmışdır [3; 4].
Cənubi muğan zonasının nəmliklə təmin olunmayan dəmyə torpaqlarında
becərilmış müxtəlif növ bərk və yumşaq buğda sortlarının analizlərindən məlum olur
ki, vegetasiyanın müxtəlif illəri əkilmış sortların məhsuldarlığına kəskin təsir edir.
Təcrübədən məlum olmuşdur ki, tədqiq ounan yumşaq buğda sortlarının
seleksiya əhəmiyyətliliyini öyrənmək üçün bitkinin struktur analizi ilə yanaşı, dənin
məhsuldarlığının öyrənilməsi çox vacibdir.
Aparılmış tədqiqatlar nəticəsində məlum olmuşdur ki, müxtəlif növ yumşaq
buğda sortlarının dən məhsuldarlığı (360-680 q/m
2
) arasında olmuşdur (cədvəl 1).
Tədqiq olunan yumşaq buğda sort nümunələrində ən yüksək məhsuldarlıq 130№58
(680q/m
2
), F.02.N 8.N 9.07 (665 q/m
2
), RBWON SAA-35 (653q/m
2
) sortlarında ən
aşağı məhsuldarlıq isə 2
nd
FAWWEYT FRC 9918(360q/m
2
), 3
rd
WWONSA- 67
(370q/m
2
), Əzəmətli 95(st.) (400q/m
2
), sortlarında qeyd olunmuşdur (cədvəl 1).
Yuxarıda sadaladığımız ən yüksək məhsuldarlığına görə seçilən yumsaq buğda
sortlarının hamısı standart kimi götürülən Əzəmətli 95sortunu məhsuldarlığına görə
üstələmişlər (cədvəl 1).