Artur konan doyl
Yüklə 2,53 Kb. Pdf görüntüsü
|
yətlilərin, çay sahilindəki keçidlərin təhlükəsizliyini təkrar nəzərdən keçirmələri lazım olduğunu gündəmə gətirir. Bir neçə dəqiqə səssiz oturduq. Holmsu heç vaxt belə kədərli və sarsılmış görməmişdim: -Bu, qürurumu incidir Uatson, əhəmiyyətsiz bir şeydir şübhəsiz, amma qürurumu incitdi. Artıq mənim üçün şəxsi məsələ halına gəldi. Tanrı qüvvət verdiyi müddətcə bu şə- bəkənin izini buraxmayacağam. Adam məndən kömək istə- məyə gəldi və mən onu ölümə göndərdim! - Kürsüsündən atılaraq çətinliklə otaqda irəli-geri getməyə başladı. Solğun yanaqları qızarmışdı və uzun, incə əllərini tez-tez sıxırdı. - Hiyləgər şeytanlar! Onu tələyə necə saldılar görəsən? Çay sahilindəki keçidlər, stansiya yolu üzərində deyil. Təbii, kör- pü elə bir gecədə belə onların məqsədləri üçün lazım oldu- ğundan çox izdiham idi... Nəysə Uatson, baxaq görək uzun vaxtda kim qazanacaq! Mən indi çölə çıxıram! -Polisəmi? -Xeyr. Mən özüm polis olacağam. İstəyərlərsə mən toru hördükdən sonra ağcaqanadları tuta bilərlər; amma ondan əvvəl deyil. Bütün gün öz işlərimlə məşğul oldum və ancaq axşam- dan keçmiş Beyker küçəsinə qayıda bildim. Şerlok Holms hələ gəlməmişdi. Evə girəndə isə saat ona qalırdı. Solğun və bezgin görünürdü. Şkafdan bir parça çörək çıxararaq, təpiş- dirdi və çoxlu su içdi. -Yəqin acsan, - dedim. -Həm də qurd kimi. Bütün gün ağlıma yemək yemək gəlməyib. Nahardan bəri heç bir şey yeməmişəm. -Heç nə? -Bir parça da. Yeməyi düşünməyə vaxtım olmadı. -Yaxşı nələr etdin? Bir ipucu tapdınmı? 136 -Artıq ovcumun içindələr. Gənc Openşoun intiqamı tez- liklə alınacaq. Onlara qarşı öz şeytani üsullarını istifadə edə- cəyik. Yaxşıca düşündüm bunu. -Nə demək istəyirsən? Şkafdan bir portağal çıxardı və qabığını soyaraq çəyir- dəyini masaya qoydu. Arasından beş dənə ayıraraq bir zərfə yerləşdirdi. Zərfin içinə "J. O. üçün S. H." yazdı. Zərfi yapış- dıraraq arxasına; "Ceyms Kalxaun, “Lone Star” Gəmisi, Sa- vanna, Corciya" ünvanını əlavə etdi: -Limana girəndə bununla qarşılaşacaq. Ona yuxusuz ge- cə keçirməyə yetər. Ondan əvvəl Openşoun inandığı kimi o da bunun qədərinin bir işarəsi olduğunu düşünəcək. -Yaxşı, kimdir bu Kapitan Kalxaun? -Dəstənin lideri. Digərlərinə də növbə çatacaq, amma əvvəlcə budur. -İzini necə tapdın? Cibindən, üstündə tarixlər və adlar yazılmış böyükcə bir səhifə çıxardı. -Bütün günümü - dedi, Lloydun qeydlərindən, 83-cü ilin yanvar və fevral aylarında Pondiçerridən keçmiş olan gəmi- ləri arayaraq keçirdim. O aylarda oradan keçmiş olduğu qeyd edilən otuz altı gəmi vardı. Bunlardan biri olan “Lone Star”, dərhal diqqətimi çəkdi. Yola Londondan çıxdığı qeyd edilməsinə baxmayaraq, adı Amerikanın əyalətlərindən biri- nə verilən bir addır. -Məncə Texas? -Hansı olduğuna əmin deyiləm; amma gəminin Ameri- kadan çıxdığını bilirdim. -Sonra nə etdin? -Dundi qeydlərini araşdırdım. “Lone Star” gəmisinin, 85-ci ilin yanvar ayında orada olduğunu görüncə bütün şüb- 137 hələrim təsdiqlənmiş oldu. Sonra, bu an London limanında olan gəmiləri araşdırdım. -Və? -“Lone Star” bura keçən həftə gəlib. Albert Körpüsünə getdiyim zaman, gəminin bu səhər çaydan çəkildiyini və Sa- vannaya getmək üçün ayrıldığını öyrəndim. Qravesendə te- leqraf göndərərək bir müddət əvvəl oradan keçdiyini də də- qiqləşdirdim. Külək şərqə doğru əsdiyindən, bu an Qodvin- si keçmiş, “Wight” Adasına doğru getməkdə olduqlarına əminəm. -Bəs nə edəcəksən? -Onu əlimə keçirdim. Öyrəndiyimə görə gəmidəki tək amerikalılar, o və iki yoldaşı varmış. Digərləri finlandiyalı və almandır. Eyni zamanda bu üçlüyün keçən gecə gəmidə ol- madıqlarını da öyrəndim. Yükləmə bitən kimi onlar, yel- kənli gəmiləri ilə Savannaya çatdıqları zaman poçt gəmisi bu məktubu aparmış, teleqraf da bu üç adamın cinayət şübhəli- ləri olduğu mövzusunda Savanna polisini xəbərdar etmiş olar. Ən yaxşı planlarda belə qüsurlar ola bilər. Arxaların- dakı hiyləgər və qərarlı düşmənlərinin varlığını xəbər verən portağal çəyirdəkləri, Con Openşounun qatillərinin əlinə ça- ta bilmədi. O il, gecə-gündüz bərabərliyi fırtınaları çox uzun və şiddətli keçdi. Savannaya çatacaq olan “Lone Star”ın xə- bərlərini boş yerə gözlədik. Sonradan öyrəndik ki, Atlantik okeanında üzərində "L. S." yazan bir gəmi qalığı tapılıb. “Lo- ne Star”ın taleyi haqqında bilib-biləcəyimiz elə bu oldu. 138 BÜZÜK DODAQLI ADAM 139 Sant – Corc İlahiyyat Kollecinin müdiri və həkim olan Elias Vitneyin qardaşı İsa Vitney, dəhşətli dərəcədə tiryək asılısı idi. Kollecdəykən De Quinceyin kitabını oxumuş və özü də eyni şeyləri yaşamaq üçün tütününə tiryək qataraq bu vərdişə başlamışdı. Bir çoxlarında olduğu kimi, o da at- mağın başlamaqdan daha çətin olduğunu görmüş, amma heyf ki, uzun illər dərmana möhtac, yoldaşları və qohumla- rının utanc və kədər qaynağı olmuşdu. Sarı, solğun üzü, sal- lanan dodaqları və kiçilmiş göz bəbəkləri ilə bir kürsüyə yı- ğılmış olan bu əsilzadə adamın dağınıq həyatı hələ gözləri- min qarşısındadır. Bir gecə - 89-cu ilin iyun ayında - insanın əsnəməyə və saata baxmağa başladığı vaxtlarda qapım dö- yüldü. Oturduğum yerdə dikəldim. Arvadım, əlindəki hör- günü buraxıb xəyal qırıqlığını əks etdirən bir ifadəylə: -Yəqin xəstələrindəndir, - dedi. Çölə çıxmağın lazım ola- caq. Öz-özümə deyindim; çünki onsuz da yorucu bir gün ke- çirmişdim. Çöl qapının açıldığını, aşağıda tələsik söhbət edil- diyini və döşəmə üstündəki sürətli ayaq səslərini eşitdik. Qa- pımız açıldı və içəri tünd rəngli paltar geyinmiş, qara tüllü bir qadın girdi. -Belə gec vaxtda gəldiyim üçün üzr istəyirəm, deyə sözə başladı, amma idarəsini itirərək irəli atıldı; qollarını arvadı- mın boyuna doladı və başını çiyninə qoyaraq ağlamaya baş- ladı. -Ah, başıma elə bir iş gəlib ki, deyə qışqırdı. Köməyə eh- tiyacım var. -Ay allah, dedi arvadım, qadının örtüyünü qaldıraraq, bu ki, Qata Vitneydir. Məni nə qədər qorxutdun Qata! İçəri girəndə kim olduğunu anlamamışdım. -Nə edəcəyimi bilmədiyim üçün düz sizə gəldim. 140 Yüklə 2,53 Kb. Dostları ilə paylaş:
|