Background – olayın tarixçəsi
“Qaynaq”, “mənbə”, “mənşə”, “bioqrafik məlumatlar”... Bu sözlər
“background”un
ingilis
dilindən
Azərbaycan
dilinə
tərcüməsidir.
“Background” artıq olmuşlardır, baş vermiş faktlardır. Bir sözlə, hadisənin
dosyesi, onun kökləridir. Elə buna görə də “background”u Azərbaycan dilinə
termin olaraq “qaynaq informasiya” və ya “ön tarixçə” kimi tərcümə
edəcəyik. Backgrounda bəzən “xatırlatma” da deyirlər. Bu qeyri-rəsmi
terminin formalaşmasına səbəb milli mətbuatımızda qaynaq materialın
təqdimatında “xatırladaq ki” ifadəsinin işlənməsidir. Bir qədər əvvəl təhlil
edilən yazıda olduğu kimi.
Qaynaq informasiya nə dərəcədə vacibdir? Xəbəri onsuz yazmaq
olmazmı? Qaynaq informasiya xəbərin özü deyil, onun ön tarixçəsidir.
Amma bu tarixçənin xəbərə birbaşa dəxli olmalıdır. Məsələn, biz ipoteka
kreditinin verilməsindən yazırıqsa, ön tarixçə xəbərin fokusuna xidmət
etməli, Azərbaycanda ipotekanın ümumi tarixi barədə dastan olmamalıdır.
Aşağıdakı xəbər bu tələblər səviyyəsindədir:
Örnək 4. poteka krediti almaq üçün 140 nəfər müraciət edib. V.
Familqızı, “525-ci qəzet”, 10 avqust 2006.
poteka kreditlərinin verilməsinə başlanan vaxtdan bu günə
qədər 140 nəfər kredit almaq üçün müvafiq müvəkkil
banklara müraciət edib.
poteka Fondundan verilən
məlumata görə, indiyə qədər müraciət edənlərin yalnız 63
nəfərinə kredit verilib.
Lid
Vətəndaşlara təqdim edilən 63 kreditin 12-i yenidən
maliyyələşdirilib. Müvəkkil banklar tərəfindən verilən
Lidin izahı
ipoteka kreditinin orta məbləği 21 min 750 manat olub.
poteka Fondu tərəfindən aparılan monitorinqlər nəticəsində
məlum olub ki, kreditlə mənzil alanlar hər mənzilə orta
hesabla təxminən 34 min manat pul verib. Kredit götürən
vətəndaşlar tərəfindən alınan mənzillərin orta sahəsi isə 62
kvadrat metr olub. Kredit alanların böyük əksəriyyəti
imkanlı şəxslərdir. Belə ki, borc götürənlər kreditlərə görə
orta hesabla hər ay 270 manat ödəyiblər.
Xatırladaq ki, ipoteka kreditləri 3 ildən 15 ilə qədər verilir
və onların faiz dərəcəsi illik 12 faizdən çox olmur. Krediti
almaq istəyən vətəndaşların aylıq gəliri isə kreditin
qaytarılması üçün hesablanan məbləğdən ən azı 2 dəfə çox
olmalıdır. Digər tərəfdən ipoteka krediti hesabına ev almaq
istəyənlər nəzərdə tutduqları mənzilin dəyərinin 30 faizini
özləri ödəməlidir. Bu il dövlət büdcəsindən ipoteka
kreditlərinin verilməsi üçün 26 milyon manat vəsait ayrılıb.
Ancaq bu günə qədər ayrılan vəsaitin yalnız 3 faizindən
istifadə edilib.
Qaynaq
informasiya,
ön tarixçə
Göründüyü kimi, bu xəbərdəki qaynaq informasiya oxucuya ipoteka
kreditinin şərtləri barədə informasiya verərək ona xəbərdən yararlanmaq,
düzgün qərar qəbul etmək imkanı yaradır. Demək, düzgün qaynaq
informasiya verməklə biz oxucuya xidmət edirik.
Yaddaş vərəqi: “Background”u –ön tarixçəni necə yazmalı
nsanın backgroundu onun ömürlüyü – tərcümeyi-halıdır. Hadisənin
backgroundu onun ön tarixçəsidir. Demək, backgroundu – qaynaq
materialı yazanda bioqrafiya prinsipinə əməl etmək lazımdır. Yəni:
•
Hadisələri xronoloji ardıcıllıqla düzülməli.
•
Tarix və hadisələr bir-birini izləməlidir.
•
Yalnız baş vermiş olaylar – Faktlar haqqında yazın.
•
Bioqrafiya prinsipinə əməl edin. Yəni sizin “Mən 1972-ci ildə Bakı
şəhərində doğulmuşam. 1979-cu ildə Nəsimi rayonundakı 1 saylı orta
məktəbə
getmişəm”
yazmağınız
kifayətdir.
Bu
zaman
“valideynlərimin dediyinə görə, mən 1972-ci ildə Bakı şəhərində
doğulmuşam. btidai sinif müəllimim Fəridə xanımın sözlərinə görə,
1979-cu ildə Nəsimi rayonundakı 1 saylı orta məktəbə getmişəm”
yazmaq nə qədər yersizdirsə, “background”da da istinadlara eyni
dərəcədə ehtiyac yoxdur.
•
Qısa və yığcam, sanki arayış yazırmışsınız kimi yazın. “Xatırladaq
ki”, “qeyd edək ki” və s. ifadələrdən qaçın. “Xatırladaq ki”, “qeyd
edək ki” yazmaqdansa, nəyi xatırladıb, nəyi qeyd etmək istədiyinizi
birbaşa yazın.
•
Tarix yox, tarixçə yazın. Qaynaq informasiya xəbərdə açıqlanan
məsələyə aydınlıq gətirməli, onun tarixçəsini izah etməlidir. Məs.,
söhbət təhsil sistemində islahatlar çərçivəsində yaradılmış pilot
məktəblərin fəaliyyətindən gedirsə, qaynaq informasiya ümumən
təhsil sistemi islahatları tarixindən deyil, pilot məktəblər barədə
olmalıdır.
•
Qaynaq informasiyanı abzasdan yazın.
•
Qaynaq informasiya ilə bağlı internet resursları – veb.səhifələri
göstərin.
“Əkinçi”nin çevrilməmiş piramidası
450 il bundan sabiq Osmanlı türkləri Avropaya daxil olub Rum
dövlətinin Qəstəntiniyyə şəhərini zəbt edib ona slambul, yəni islam şəhəri
ad qoyub, ətrafda vaqe olan xaçpərəst vilayətlərini həm zəbt ediblər. Bir
neçə il bundan sabiq zikr olan vilayətlərin bəzi ki, olsunlar Serb və Qaradağ,
yəni Əşqüdrə və Əflan və Bağdan əyalətləri, Osmanlı dövləti ilə cəng edib
onun zirdəstindən çıxıb, indi ancaq dövləti-Osmaniyyəyə müəyyən olan xərc
verirlər, amma ümurati-daxiliyyələri özləri ilədir.
Bu halda ki, Bosnə və Qerdseqovinə əhli Osmanlı dövləti ilə cəng
edirlər, onların həm muradı oldur ki, zikr olan əyalətlər kimi olsunlar. Zikr
olan əyalətlərdən Serb və Qaradağ əhli Bosnəyə kömək etməkdən muradları
oldur ki, Osmanlıya heç xərc verməsinlər.
Çünki Serb və Qaradağ əhli Bosnəyə kömək etməyi məlumdur və
keçən həftə tel gəlmişdi ki, Osmanlı dövləti Serb və Qaradağı zəbt etmək
istəyir, ona binaən danışıq var idi ki, Avropa dövlətləri o cəngə qarışacaqlar.
Amma indi tel gəlib ki, Osmanlı əsgəri ol əyalətlərin sərhədini keçməyib və
keçmək istəmir.
“Əkinçi” qəzeti,
Təzə xəbərlər, 28 aprel 1876
Birlikdə çalışaq
2006-cı
ilin
isti
yay
günlərinin
birində
Kayseri
Erciyez
Universitetində çalışan həmyerlimiz astrofizik smayıl Yusifovdan maraqlı
Dostları ilə paylaş: |