132
Azad Nəbiyev
ləməyə başladı.Milli düşüncədə bir durğunluq yarandı. Qarşıdan gələn
təhlükəni yaxşı başa düşən bir sıra katiblər məşhur mədəni abidələri, o
cümlədən «Kitabi-Dədə Qorqud»u yazıya köçürüb xilafətin cəngindən
xilas etməyə təşəbbüs göstərdilər. Bu dövrdə Zərdüşt və Alban mə-
dəniyyətinin bir çox dəyərli abidələri dağdıldı. Ozan sənəti də məhv
edilən dəyərlər sırasında oldu. Lakin ozan institutunun bu tarixi tənəz-
zülü ifaçılıq sənətini və peşəkar improvizatorçuluğu tamamilə sıradan
çıxarıb milli yaddaşdan silə bilmədi.
Yeni tarixi şəraitdə epik ənənə dövrün ictimai-siyasi tələblərinə
uyğunlaşmalı idi. Ozan sənətinin daxilində baş qaldırıb inkişaf et-
məkdə olan yeniləşmə meyli ərəb irticasıyla qarşılaşmada ozanın yeni
sənətkar tipinə çevrilmə zərurətini gündəmə gətirdi. Ozan ənənələri
zəminində peşəkar ifaçılığın yeni tipi – aşıq sənəti meydana çıxdı.
Bu kontominasiya prosesində sələf–xələf ənənəsi pozulmadı. Yeni
sənət özündən əvvəlki institutun başlıca xüsusiyyətlərini – dastan qoş-
maq, qoşqunu musiqi ilə oxumaq, ifa zamanı rəqs etmək, fikri pan-
tomim hərəkətlər – qaş, göz, bədən hərəkətləri ilə tamamlamaq və b.
xüsusiyyətləri olduğu kimi mühafizə edib saxladı.
Təzə sənət tipini əvvəlkindən ayıran fərqlər meydana çıxdı. Birin-
cisi repertuar fərqi idi. Yeni peşəkar improvizatorçu olan aşıqlar öz
repertuarına ayrı-ayrı oğuz bəylərinin, cəngavər və şöhrətli döyüşçü-
lərin qəhrəmanlığını deyil, elin igid oğul və qızlarının sevgi-məhəbbət
duyğularının bütöv mənzərəsini gətirdilər.
İkinci fərq oğuznamə epik modelini təkmilləşdirərək yeni dastan
formasına keçidlə bağlı oldu. Bu, öz strukturuna görə ozan ifasından
fərqli, yeni, modern forma idi. Aşıq öz improvizəsini ustadnamə, du-
vaqqapma və yaratdığı bir sıra başqa ənənəvi şer şəkilləri ilə bəzəyə
bildi.
Ozan institutundan yeni professional ifaçılıq sənətinə keçid eyni
zamanda yeni istilahlar meydana çıxardı ki, onlar barədə mütəxəs-
sislər müxtəlif dövrlərdə ayrı-ayrı qənaətlərə gəlməklə ümumiyyətlə
aşıq sənətinin mənşəyi, yaranması, inkişafı, qayəsi və mahiyyəti barə-
də müxtəlif fikirlər irəli sürmüşlər. Onlardan birincisi aşıq sözü idi.
M.H.Təhmasib haqlı olaraq, yazır ki, «bu söz bizdə vaxtı ilə bir sıra
mənalarda işlənmiş, indi bəzisi arxaikləşmiş, bəzisi isə hələ də
yaşamaqdadır» (9, s.27). Aşığın düymə, dəbilqə, oyun işıq mənaları da
vardır. V.V.Bartold onu «şlem» şəklində tərcümə etmiş (10, s.87),
Azərbaycanda aşiq sənəti
133
M.Kaşğari və V.V.Radlov «işığı» dəbilqə kimi vermişlər (9, 27).
S.Əlizadə bu sözlə bağlı daha ətraflı tədqiqat apararaq, müxtəlif müla-
hizələrə münasibət bildirərək «Kitabi-Dədə Qorqud»dakı aşıq//işıq
sözünün döyüşçülərin döyüş zamanı başına geydiyi «dəmir başlıq»
olduğunu göstərir (11,s.18-25). Göründüyü kimi, «Kitabi-Dədə Qor-
qud»dakı aşıq//işığın aşıq sənəti ilə heç bir əlaqəsi yoxdur. Sənət mə-
nasında qəbul edilən aşıq nisbətən sonrakı hadisədir. M.H.Təhmasib
tədqiqatının bir yerində aşığı ərəbcə «eşq» sözünün faili olan «aşiq»in
dil qanunlarına uyğunlaşmış şəkli və sənət sinkretizmi kimi qəbul et-
mək ehtimalında məsələyə bir qədər yaxınlaşsa da, (9,s.27) aşığın və
aşıq sənətinin meydana gəlmə tarixi şəraitinin araşdırılması hələ ki,
açıq qalmaqdadır.
Çox geniş coğrafi regionda böyük ictimai-siyasi, ideoloji və hərbi
üstünlüklərə malik ərəb xilafəti bütün maneələrə, müqavimətlərə bax-
mayaraq işğal etdiyi ərazilərdə özlərini qısa tarixi müddətdə möhkəm-
lədə bildilər. Xilafətə qarşı müqavimət həmin regionlarda bir qədər
səngidi. Ölkədə zor gücünə islamlaşma başladı. Bu proses bütün milli,
mənəvi-əxlaqi dəyərlər kimi, ozan institutunu da sıradan çıxardı, onu
yasaqladı, bu imprvizatorçuluq ənənəsi ilə bağlı düşüncəni milli yad-
daşdan silməyi qarşısına məqsəd qoydu. İslam əxlaqının sürətli irəlilə-
yişi cəmiyyətdə çox şeyi dəyişdi, şüurlarda yüzilliklərlə kök salan
dəyərləri əvəzlədi və artan sürətlə şüurlarda hökmran mövqeyə keç-
məyə başladı. «...Ozan sənəti Qafqaz-İran və Anadoluda duruş gətirə
bilməyərək İslam mədəniyyətinin güclü təsiri altında aşıq sənətinə»
çevrilməyə başladı (12,s.71). M.Qasımlının bu mülahizəsinin ərazi
baxımından dürüstləşdirilməsinə ehtiyac vardır. Belə ki, aşıq sənətinin
yaranma prosesi Anadoludan başlayıb Şimali və Cənubi Azərbaycanı,
eləcə də Qafqaz-İran ərazisinin farslara aid olmayan regionlarını əhatə
edə bilmişdi.
VIII-IX əsrlərdən başlayaraq islam ideoloqları arasında meydana
çıxan çəkişmə və zidiyyətlər islam qaydalarını yeniləşdirmək, onları
müəyyən mənada yumşaltmaq meylləri ilə bağlı yeni-yeni təriqətlər
meydana gətirməyə başladı. Bunlar içərisində sufilik xalq arasında
daha geniş yayıldı, onun qüdrətli ideoloqları sufiliyi yetgin dünyagö-
rüşə çevirə bildilər. Həllac Mənsur, Əhməd Yasəvi, Mövlanə Cəma-
ləddin Rumi və başqaları sufi düşüncəsində daha irəli gedərək tanrıya,
allaha aşiqlik düşüncəsini yaratdılar. Sufi ideologiyasına görə Allah
134
Azad Nəbiyev
yaratdığı, can verdiyi, həyat verdiyi insana bu canı əmanət vermişdir,
bir gün həmin insan öz tanrısına qovuşmağa məhkumdur. Sufilik allah
sevgisini və allaha aşiqlik düşüncəsini elə qüdrətli bir əxlaq tərzi kimi
cəmiyyətə təlqin etdi ki, bu aşiqliyi vəsf eləyən sənətkarlar xalq içəri-
sində böyük şöhrət qazandılar. Zaman keçdikcə həmin aşiqlər təkcə
allahın böyüklüyünü, ədalətliyini və gözəlliyini deyil, onun yaratdığı
dünyanın, təbiətin, insanın, xüsusən qadının gözəlliyini Allah vergisi
və allah icadı kimi vəsf etməyə başlayan aşıqları yetirdi. Hələ erkən
orta əsrlərdə peşəkar ifaçılıqda bir-birinə yaxın iki üslub formalaşdı.
Biri sufi dünyagörüşü ilə bağlı düşüncəni və allaha sevgini ifa edən
aşiqlər, ikincisi isə allahın yaratdığı qüdrəti – təbiəti, insan gözəllik-
lərini vəsf eləyən aşıqlar idi. Unutmaq olmaz ki, aşıqlar uzun müddət
xalq arasında sufi görüşlərinə əsaslanan qələndərilərin üzərlərinə gö-
türdükləri «işıq» adı ilə də tanınmışlar. (13,s.175) «İşıq»la «aşiq»in
bir-birinə qovuşub «aşıq»ı yaratması isə tamamilə mümkün ola bilən
proses idi. İ.V.Qordlevski bunu vaxtilə düzgün duyaraq yazırdı: «Ola
bilsin ki, burada iki sözün: «işık» (türkcə atəş) və «aşik» (ərəbcə alla-
hın eşqi ilə yanan) sözlərinin kontaminasiyası baş vermişdir (13,
s.175)
Kontaminasiyadan sonrakı təkamül mərhələsində «aşıq» sözünün
sənətin adına çevrilməsi, ozan ifaçılığının bütün xüsusiyyətlərini üzə-
rinə götürüb dildə vətəndaşlıq hüququ qazanaraq bu günə heç bir de-
formasiyaya uğramadan gəlib çıxması isə söz yaradıcılığında ənənəvi
hadisədir.
Aşıq sənətinin bütövlükdə öz sələfindən ona miras qalmış impro-
vizatorluq və ifaçılıq mədəniyyəti tələbləri əsasında yenidən qəliblə-
nib formalaşması isə bilavasitə islam etiqadları əsasında baş vermiş-
dir. Bütün bu hadisələr çox mürəkkəb bir yaradıcılıq dövrü keçirmiş-
dir. Sufi, dərviş görüşlərinin cəmiyyətdə hökmran olduğu, dərvişçili-
yin geniş yayıldığı bir zamanda aşıq sənəti ozan ənənələrini davam et-
dirməklə heç bir səmtə sapmadan öz yolu ilə getmiş, müxtəlif etiqad
və təriqətlərin təsirinə qapılıb milli ifaçılıq və improvizatorçuluq xüsu-
siyyətlərini itirməmişdir.
Sufi əxlaqının başlıca dəyərlərini əks etdirməsinə baxmayaraq
aşıqlıq dərvişilik zəminində formalaşmadı, bu sənət öz əzəli ənənələri-
nə sadiq qaldı, ozan sənəti daxilində baş vermiş intibah onun istiqamə-
tini peşəkar ifaçılıq səmtinə yönəltdi.
Dostları ilə paylaş: |