Azərbaycanda aşiq sənəti
141
yatı ilə yazılı poeziya arasında ortaq bir təfəkkür modeli kimi götür-
mək də doğru olmazdı. Çünki o, ayrıca və fərqli estetik, yaxud mə-
nəvi-əxlaqi dəyərlər yaratmır, yalnız xalq ənənələrinə və milli-
psixoloji qaynaqlara söykənməklə inkişaf edir.
Aşıq yaradıcılığını davam etdirmək, yaşatmaq, ifa etmək məharəti
imkanlarına görə aşıqlar müxtəlif qruplara və yarımqruplara ayrılırlar.
Bütün hallarda həmin proses şifahi ənənəyə əsaslanır. Sənəti yaşadan
bütün aşıqlar ifa mədəniyyəti imkanından asılı olmayaraq sənətin daşı-
yıcılarıdır. Onların hər birinin aşıq yaradıcılığının cilalanmasında,
nəsldən-nəslə ötürülməsində, folklor mətnlərinin variantlaşmasında
özünə məxsus yeri və payı vardır. Onları bir-birinə qarşı qoymaq, han-
sınınsa xidməti üzərinə kölgə salmaq yanlışlıqlara aparıb çıxarardı.
Çünki onların hamısı ümumilikdə aşıq sənətinə həyat verən, onu
yaşadıb etnik düşüncədəki yerinin pozulmalığını qoruyan sənətkarlar-
dır. (2,s.27-32)
İmprovizə və ifaçılıq, eləcə də yaradıcılıq imkanlarına, mənəvi-
əxlaqi, estetik dəyərlərin ifa qüdrətinə və aşıq sənəti irsini mənimsəmə
səviyyəsinə görə aşıqları aşağıdakı qruplara ayırmaq olar:
Birinci qrupa daxil olanlar ustad sənətkarlardır. Onlar geniş ya-
radıcılıq və ifaçılıq imkanlarına malikdilər. Aşıq sənətinin sirlərinə də-
rindən bələd olub, bədahətən söz deyən, saz havalarını məharətlə ifa
edən, aşıq və dastan repertuarlarını dərindən mənimsəyən, şəgird
yetişdirən sənətkarlardır. Bu aşıqlar da iki tipə ayrılır. Birinci tipə
məxsus olanlar sənətə ənənəvi yollarla yiyələnənlərdir. Onlar öz
həvəs, zəhmət və istedadlarının gücü ilə aşıq sənətinin sirrlərinə
yiyələnib kamil mərhələyə çatır, ustad yanında dərs alır, ölkələr gəzir,
məclislər aparır, dünyəvi, xüsusilə islami dəyərləri dərindən öyrənir,
elin-obanın yol göstərəni, baş biləni, məsləhətçisi olurlar.
Bu tip aşıqlar aşıq sənətinin sirlərini öz ustadlarından öyrənir, son-
ralar öz şəgirdlərinə də sənəti bütöv şəkildə mənimsətməyə böyük hə-
vəs, diqqət və qayğı göstərirlər.
İkinci tip ustad aşıqlar isə qüdrətdən çalıb oxumaq vərdişi alanlar,
butalanma yolu ilə sənətə gələnlərdir. Onlar ilk öncə saz çalıb söz qoş-
mağı bacarmırlar. Yatmış halda, yuxuda ikən onlara badə içirilir, üç
gün üç gecədən sonra yuxudan ayılan kimi saz istəyirlər. Deyildiyinə
görə onlara yuxuda vergi və buta verilir, onlar öz butalarının arxasınca
gedir, sözün gücü ilə ən böyük çətinlikləri aşır, məqsədlərinə çatmaq
142
Azad Nəbiyev
üçün sözlə bütün maneələri dəf edirlər. Onlara öncəgörməlik verilir,
belələri insanların qəlbindən keçənləri duymaq məharəti ilə şöhrətlə-
nirlər. Xalq arasında onlara «haqq aşığı» da deyilir.
Ustad aşıqlar qarşısında qoyulan tələblər böyük idi. Əvvəla, bu tip
sənətkarların çala bilmədiyi saz havası, söyləyə bilmədiyi dastan ol-
mamalıydı. Belə ustadın yanında şəgird dayananlar da bütün bu kimi
sənətkarlıq bacarığına yiyələndikdən sonra müstəqil şəkildə məclis
apara bilərdilər. Butalananlar isə daha şöhrətli sənətkarlar idi. Məclis-
lərdə onların qabağına aşıq çıxmazdı, çıxsaydı da məğlub olardı.
Ustad sənətkarların hər iki tipi improvizatorçu idi. Onlar orta əsr
aşıq sənətinin forma və məzmunca tarixi yüksəlişinin əsasını qoymuş,
aşıq yaradıcılığını sənətkarlıq baxımından yeni mərhələyə yüksəlmə-
sini təmin etmişlər.
Aşıqların ikinci qrupuna ifaçı aşıqlar daxildir. Aşıq sənətinin ya-
şadılmasında, xalq içərisində kütləvi şəkildə yayılmasında, ustad sə-
nətkarların qoşub-düzdüklərinin qorunub saxlanmasında bu aşıqların
əvəzsiz xidmətləri vardır. Bu tip aşıqlar özləri saz havası, nağıl, das-
tan, şer şəkilləri yaratmırlar. Onlar yalnız özlərindən əvvəlki ustadla-
rın və şöhrətli müasirlərinin yaratdıqlarını diqqət və qayğıyla qoruyub
saxlayır, məclislərdə ifa edirlər. İfaçı aşıqlar içərisində də qüdrətli sə-
nətkarlar az olmamışdır. Onlar xalqın zəngin milli mədəniyyətinə tari-
xən böyük qayğı ilə yanaşmış, çalışmışlar ki, hər hansı folklor mətnini
heç bir dəyişikliyə uğratmadan milli yaddaşda olduğu kimi ifa etsinlər.
İfaçı aşıqların bir çoxu təhrifi bağışlanılmaz hesab edir, deyilənləri
doğru, dürüst ifa etmələri, ustadların sözünü yaşatmaları ilə böyük
iftixar hissi keçirirdilər. İfaçı aşıqlar içərisində deyilənləri təhrif edən,
saz və söz mədəniyyətini qoruyub saxlamağa o qədər də səriştəsi ol-
mayanlara da təsadüf edilir. Onlar xalq ədəbiyyatına, milli folklor ir-
sinə əslində böyük ziyan vurmuş hesab edilərdilər. Vaxtilə ustad sə-
nətkarlar, məsələn, Aşıq Ələsgər, Molla Cümə, Xaltanlı Tağı, Aşıq
Bilal, Aşıq Mirzə, Aşıq Əsəd belələrinin sazını əlindən alıb meydan-
dan çıxarar, onlara aşıqlığı yasaq edər, ya da yenidən ustad yanına şə-
girdliyə göndərərdilər. Xalq özü də belə aşıqları qəbul etməz, onların
saz çalıb məclis aparmasına o qədər də meydan verilməzdilər.
Bütün təhriflərinə baxmayaraq aşıq sənətinin xalq arasında geniş
şəkildə yayılmasında, onun qorunub saxlanmasında və sonrakı nəsil-
lərə ötürülməsində ifaçı aşıqların əməyi böyük olmuşdur. Onların aşıq