13
redaktorluğunu üstlənmiş dostum Əkbər Qoşalıya
təşəkkür etmək istərdim.
Özəl və əlavə bir təşəkkürü isə o günlərin canlı şa-
hidi, peşəkar və təcrübəli fotoqraf S.Rasimə ünvanla-
maq istərdim. O, heç bir təmənnasız həmin günlərə
aid fotolarla bu kitabımızı zənginləşdirmiş oldu. Var
olsun.
Sayğılarla, Azər HƏSRƏT
Facebook: Azer Hasret
Twitter: Azer Hasret
Youtube: Azer Hasret
14
Sözə başlarkən
Dədəli Azərbaycan Respublikasının lap quzeyində
yerləşən, Rusiya Federasiyası ilə həmsərhəd sonun-
cu rayon olan Xaçmazın gözəl kəndlərindəndir. Xaç-
maz-Xudat yolunun, demək olar, orta məsafəsində
yerləşən bu kənd həm qədimliyi, həm də uzun
müddət o tərəflərin mərkəzi rolunu oynamasıyla se-
çilib.
Kənd hələ Sovet İttifaqı dağılandan sonra da bir
müddət mərkəz rolunu oynayacaqdı. Çünki çev-
rədəki bütün kəndlər üçün kənd sovetliyi, sov xoz
idarələri, fermalar və yeganə 10 illik orta məktəb
bu kənddə idi. Ona görə də Nağıoba, Hacıabdurah-
manoba, hətta Sibiroba kəndlərinin uşaqları öz
kənd lərindəki ibtidai məktəbi bitirən kimi 4-cü
sinfə Dədəliyə gəlirdi. Bostançı kəndinin uşaqları
isə 9-cu sinifdən buraya gəlməyə başlayırdı. Onların
kəndindəki məktəb 8 illik idi.
15
Nağıoba tərəfdə bir də ləzgilərin Xıraxoba (Qı-
raqoba) dediyi, əhalisi büsbütün ləzgilərdən ibarət
olan kənd vardı. Balaca bir kənd idi. Amma oranın
uşaqları oxumaq üçün Dədəliyə gəlmirdi. Xıraxo-
balılar heç Azərbaycan sakinləri də sayılmırdılar.
Azərbaycan dilini bilənlərinə də çox nadir hallarda
rast gəlmək olardı. Kənd Xaçmaz rayonunda, yəni
Azərbaycanda yerləşsə də, Dağıstana aid idi. Onla-
rın pasportlarında Azərbaycanla bağlı heç bir qeyd
yox idi. Bəs, bu necə olurdu?
Deyilənlərə görə, Xıraxobalılar haradasa 1950-ci
illərdən bu yerlərdə məskunlaşmağa başlayıblarmış.
Dədəlinin yaşlı insanları danışırdı ki, onlar Qusarça-
yın sahilində, palıdların əhatəsində olan bu yerdən
özləri üçün qışlaq kimi istifadə edirlərmiş. Burada
evlər də yox imiş. Sadəcə ilk gəlişlərində xalq arasın-
da “qazma” deyilən yeraltı yaşayış komaları qurub-
larmış. Torpağı haradasa 2-3 metr dərinliyə qədər
qazıb otaq düzəldirlərmiş. Üstünü də ağac budaqla-
rıyla bağlayıb torpaqla örtər, sonra da suvaqlarmış-
lar. Lap hərbi obyekt kimi.
O vaxt hələ adı da olmayan bu yurda ləzgilərin
hər qış gəlib yerləşməsini görən Rusiya hökuməti
Azərbaycanla razılıq əldə edərək Xıraxobanı həmin
16
o sakinlər üçün icarəyə götürübmüş. Bu hadisə
1954-cü ildə olub. Rusiyayla Azərbaycan arasında 30
illik icarə müqaviləsi bağlanıbmış. Sonra müqavilə
müddəti 1984-cü ildə bitincə yenidən razılaşma olub
və daha 20 il uzadılıb. Yəni 2004-cü ilə qədər. Kəndə
Xıraxoba adı da ləzgilər orada oturuşduqdan sonra
verilib.
Xıraxoba indi 1954-cü ilin qazmalarından ibarət
deyildi. Orada ümumiyyətlə qazma adında bir şey
qalmamışdı. Heç qışlaq da demək olmazdı ora. Çün-
ki əhalinin hamısı oturaq həyata keçmiş, özlərinə
iki mərtəbəli evlər tikib yerləşmişdilər. Kənddə
poçt, məktəb və digər dövlət idarələri də fəaliyyət
göstərirdi. Camaatı da ətraf kəndlərin əhalisi ilə qay-
nayıb-qarışmışdı. Xeyirdə-şərdə iştirak edir, hətta
qız alıb, qız da verirdilər Xıraxobalılar. Amma pas-
portlarında yenə də Azərbaycanla bağlı heç bir qeyd
yox idi. Bu kənd Xaçmaz rayonunun tən ortasında
yerləşsə də nə rayona, nə də Azərbaycana bağla-
na bilməmişdi. Onlar gəlmə idilər, qonaq idilər və
yəqin ki, bir gün seçim qarşısında qalacaqdılar: ya
Azərbaycanlı olmaq, ya da bağlı olduqları diyara
geri dönmək. Hər halda, üstündə yaşadıqları torpaq-
17
lar onların deyildi. Bu torpaqlar Dədəlinin gündoğa-
nında, Nağıobanın düz yanında yerləşirdi.
Dədəli coğrafi olaraq da mərkəzdə yerləşirdi. Bu-
radan günbatana Qusarçay, gündoğana isə Uzuno-
ba yolu gedirdi. Quzeyə gedən yol Bostançı və ətraf
kəndlərə aparıb çıxarırdı. Bir də güney tərəfə yol var-
dı. Amma burada yol elə kəndin içində bitir, dışarı
çıxmırdı. Yol bitdikdən sonra tarlalar, onun ardınca
da meşələr başlayırdı. Bu ərazinin sağ tərəfi Dərəbağ
adlanırdı. Dərəbağ bitdikdən sonra Çəpərxır deyilən
yer vardı. Lap sonadək getdikdə isə “İt meşəsi” baş-
layırdı. Zəngin bitki örtüyü olan bu meşə həm də
çöl toyuğu, çaqqal, dovşan, canavar kimi canlıların
məskəni idi.
Ümumiyyətlə isə, hər tərəfi meşəylə əhatə edil-
miş, ilin ən azı 8 ayı torpağından bar-bəhər toplanan
bu cənnət-məkan kənd Azərin uşaqlıq xatirələrilə
doluydu. Kəndin elə bir meşəsi, bağı yox idi ki, onun
ayağı ora dəyməmiş olsun. Bir tərəfdə “İt meşəsi”,
digər tərəfdə Alapalıdlıq, başqa bir tərəfdə “Molla-
nın meşəsi” uzanıb gedirdi.
Azər uşaqlığını bu meşələrdə keçirmişdi. Hələ o
da yadındaydı ki, isti havalarda meşələrdə ayaqyalın
gəzməyi xoşlardı. Evdən çıxanda ayağında ayaqqa-
18
bı olardı. Elə ki, bir az aralandı, ayaqqabılarını bir-
birinə bağlayıb atardı çiyninə. Çünki ayaqyalın olan-
da sulu yerlərdən də rahat keçə bilirdi. Səhərdən
axşama meşədə, çöldə-bayırda gəzib-dolaşsa da
ayağına tikan batmazdı. Batsa da xəbəri olmazdı. O
qədər ayaqyalın gəzməyə öyrəşmişdi ki, artıq daş-
kəsəkli yollarda, kələ-kötür yerlərdə yumşaq xalça
üzərində gəzirmiş kimi gəzərdi. Bir də yay ayların-
da yüksək qovaq, palıd ağaclarının başına çıxıb qora
yeməsi vardı.
Bu kənd belə kənd idi. Azər də belə Azər idi.
Hələ xalq arasında adına Qobu deyilən Qusarça-
yın bəzən sakit, bəzən də dəli-dolu sular axan yata-
ğında da onun ayaq izləri vardı. Azər hər yay dostla-
rıyla bu çaya balıq tutmağa gedərdi. Fürsətkən çayda
çimməyi də yaddan çıxarmazdı. Düzdür, çox zaman
çayın suyu dayaz olurdu. Lakin balaca kənd uşaqla-
rının ºənlənməsi üçün bu da yetərli idi.
Dədəlinin quzey-doğusunda, Nağıoba yolunun
sol tərəfində bir də göl vardı. Əslində, göl deyildi o.
Süni su anbarı idi. Amma yetərincə geniş və üzmək
üçün dərin olduğuna görə göl deyirdilər el arasın-
da. Kənddə elə bir uşaq olmazdı ki, həmin göldə
çimməsin. Orada həm də yaxşı balıq olurdu. Ətrafı
Dostları ilə paylaş: |