80
HƏMĠDBƏY ġAHTAXTĠNSKĠ
Odlar yurdu, № 16, (447) avqust 1989.
Həmidbəy Ağa Xəlil oğlu Şahtaxtinski 1880-ci il mart ayının 12-də
Azərbaycanın Naxçıvan qəzasının Şahtaxtı kəndində anadan olmuşdur. Orta
təhsilini Naxçıvan gimnaziyasında başa vurduqdan sonra o, İrəvan müəllimlər
seminariyasında oxumuş, orada ―Müsəlman xeyriyyə cəmiyyəti‖ nin üzvü
seçilmişdir. Sonra H. Şahtaxtinski Odessa Universitetinin hüquq fakültəsinə daxil
olmuşdur. Odessa həyatı onun bir siyasi və ictimai xadim kimi formalaşmasında
dərin iz buraxmışdır.
Həmidbəy Şahtaxtinski Universitetdə yaradılmış
―Azərbaycan həmyerlilər təşkilatı‖nın başçılarından və fəal üzvlərindən biri idi.
H. Şahtaxtinski 1912-ci ildə ali təhsilini başa vurub Gəncəyə gəlir, şəhərin
ictimai – siyasi həyatında yaxından iştirak edir. O Yelizavetpol (Gəncə) dairə
məhkəməsində andçı – müvəkkilin köməkçisi vəzifəsində iki ilə yaxın işlədikdən
sonra Bakıya köçərək burada dairə məhkəməsində eyni vəzifədə işə başlayır.
1917-ci ildə Rusiyada fevral – burjua inqilabı baş verdi. Həmin ilin mart
ayından bütün partiyalar açıq fəaliyyətə keçdilər. Yeni partiyalar da təşkil
olunmağa başladı. Rusiyanın müstəmləkə xalqları öz müstəqil dövlətlərini
yatarmaq və azad yaşamaq uğrunda mübarizəyə başladılar. Məhz belə bir dövrdə
H. Şahtaxtinski siyasi fəaliyyətə başlamışdı. Bildiyimiz kimi, keçmiş Rusiya
imperiyasına daxil olan və çarizmin milli – müstəmləkə zülmünə məruz qalan
xalqların böyük əksəriyyəti dil, adət, ənənə cəhətcə bir – birinə yaxın olan
müsəlmanlardan ibarət idi. Buna görə də bu xalqlar imperializmə və müstəmləkə
zülmünə qarşı mübarizədə islam dini bayrağı altında birləşirdilər. Fevral – burjua
inqilabından sonra təsis edilən ―Rusiyada müsəlmanlıq partiyası‖ 1917-ci il
noyabrın axırlarından etibarən özünü ―İttihad‖ partiyaası adlandırdı, siyasət
meydanına bu adla qədəm basdı. Partiyanın proqram və əməli fəaliyyətinə sırf
islam ideologiyası və siyasəti hakim kəsilmişdi. Qarabəy Qarabəyovun (1874 -
1953) sədr olduğu bu partiya M. Ə. Rəsulzadənin rəhbərlik etdiyi ―Türk ədəmi –
mərkəziyyət partiyası‖ ―Müsavata‖ qarşı zidd cəbhə tuturdu. ―Müsavat‖ partiyası
81
Rusiyanı Federativ şəkildə qurmaqla onun tərkibində Azərbaycana muxtariyyət
tələb edirdisə, ―İttihad‖ partiyası hər şeyi islam ideologiyasında görürdü və xalqın
milli dirçəlişinə zidd çıxırdı.
H. Şahtaxtinski Azərbaycan milli şurasının üzvü idi.
1918-ci il mayın 28-də Azərbaycan Demokratik Respublikası elan olundu.
H. Şahtaxtinski bitərəf F. Xoyskinin təşkil etdiyi ikinci (17. 6. 1918) və üçüncü
(26. 12. 1918) hökümət kabinələrində maarif nazirinin müavini vəzifəsini icra
etmişdir. O, 1918-ci il dekabrın 7- də təntənəli sürətdə açılmış Azərbaycan
parlamentinə üzv seçilmiş, nazirlər şurasının sədri Nəsibbəy Yusifbəylinin təşkil
etdiyi birinci hökümət kabinəsində də (14. 4. 1919) həmin vəzifədə işləmişdir. H.
Şahtaxtinski o dövrdə Azərbaycan Respublikasının şəhər və kəndlərində ana
dilində məktəb və seminariyaların açılmasına və digər mütərəqqi tədbirlərin həyata
keçirilməsinə böyük əmək sərf etmişdir. Azərbaycanın ilk ali məktəbi olan Bakı
Dövlət Universitetinin təşkilində onun xidmətini qeyd etmək lazımdır.
H. Şahtaxtinski nazirlər şurasının sədri N. Yusifbəylinin 1919-cu il
dekabrın 22-də təşkil etdiyi ikinci hökümət kabinəsində maarif və dini etiqad naziri
təyin olunmuşdur. Bir müddət sonra, 1920-ci il martın 5-də istefaya çıxmışdır.
Həmidbəy Şahtaxtinski o dövrdə Bakıda mövcud olmuş bir çox mədəni və
maarif cəmiyyətlərinin rəhbərliyinə daxil idi.
1920-ci il aprelin 27-də baş verən hadisələrdən sonra H. Şahtaxtinski Bakı
Dövlət Universitetində dərs deyən ilk azərbaycanlı kadrlardan və ana dilində ilk
mühazirə oxuyan müəllimlərdən biri idi. 1930-cu ildə ona professor adı
verilmişdir. H. Şahtaxtinski universitetdə dərs deməklə yanaşı 1926-cı ildə burada
tibb fakültəsini də bitirmişdir.
H. Şahtaxtinski Stalin repressiyası nəticəsində 1941-ci ildə həbs edilmiş
və 1943-cü il fevralın 3-də Arxangelsk vilayətində həlak olmuşdur.
Mövsüm Əliyev.
82
AZƏRBAYCAN ĠSTĠQLALININ MÜBƏYYĠN
ƏQDNAMƏ
Böyük Rusiya inqilabının cərəyanı ilə dövlət vücudunun ayrı – ayrı
hissələrə ayrılması ilə, Zaqafqaziyanın rus orduları tərəfindən tərkinə mövcüb bir
vəziyyəti – siyasiyyə hasil oldu. Kəndi qüvveyi – məxsusilərinə tərk olunan
Zaqafqaziya millətləri müqəddəratlarının idarəsini bizzat kəndi əllərinə alaraq
Zaqafqaziya Qoşma Xalq Cümhuriyyətini təsis etdilər. Və qayeyi siyasiyyənin
inkişaf etməsi üzərinə gürcü milləti Zaqafqaziya Qoşma Cümhuriyyəti cüzindən
çıxıb da müstəqil Gürcü Xalq Cümhuriyyəti təsisini səlah gördü.
Rusiya ilə Osmanlı imperatorluğu arasında zühür edən müharibənin
təsviyyəsi üzündən hasil olan vəziyyəti hazirə siyasiyyə və məmləkət daxilində
bulunan Azərbaycan dəxi bulunduğu xarici və daxili müşkülatdan çıxmaq üçün
xüsusi bir dövlət təşkilatı qurmaq lüzumunu təqyin edir.
Buna binaən areyi – ümumiyyə ilə intixab olunan Azərbaycan Şurayi –
Milliyyeyi – İslamiyyəsi bütün cəmaətə elan edir ki:
1.
Bu gündən etibarən Azərbaycan xalqı hakimiyyət həqqinə malik olduğu
kimi, Cənubi – Şərqi Zaqafqaziyadan ibarət Azərbaycan dəxi kamil
müstəqil bir dövlətdir.
2.
Müstəqil Azərbaycan dövlətinin şəkli idarəsi Xalq Cümhuriyyəti olaraq
təqrir edilir.
3.
Azərbaycan Xalq Cümhuriyyəti bütün millətlər və bilaxəssə həmcuvar
olduğu millət və dövlətlərlə münasibət hissinin təsisinə əzm edər.