downloaded from KitabYurdu.az
116
Çar manifestinin çıxması ilə nəticələnən 1905-ci ilin inqilabi hərəkatı
cəmiyyətin bütün təbəqələrini hərəkətə gətirdi, s iyasi partiyaların və təşkilatların
yaranmasına təkan verdi. Həmin ildə Azərbaycanın siyasi səhnəsində ilk olaraq sırf milli,
heç bir ümumrusiya təşkilatının filialı və ya şöbəsi olmayan partiyalar meydana çıxdı.
1905-ci ilin fevralında Gəncədə "Sosial-federalistlərin türk inqilabi komitəsi" yarandı.
Siyasi partiyanın rüşeymi olan bu komitə 1905-ci ilin fevralında iki vərəqə buraxdı
100
. Bu
vərəqələrdə çar hökuməti müsəlmanların hüquqlarını məhdudlaşdırmaqda, Bakıda
millətlərarası toqquşmalar təşkil etməkdə, Qafqazda köçürmə siyasətini həyata keçirməkdə
ittiham olunurdu. Vərəqələrdə sosial-federalist ideyaları, "əsarətin" aradan götürülməsinə,
Qafqaz xalqlarını birliyə, Qafqazın federal quruluşuna can atan bütün təşkilatlarla birgə
fəaliyyətə və bu fəaliyyəti əsas düşmənə - rus hökumətinə qarşı yönəltməyə çağırış öz
əksini tap mışdı.
Beləliklə, Sosial-federalistlərin Türk İnqilabi Komitəsi Azərbaycanda
muxtariyyət və Rusiyanın federativ quruluşu haqqında ideya irəli sürmüş ilk milli təşkilat
idi.
1905-ci ilin yayında Gəncədə "Qeyrət" adlı qrup yaradıldı
101
. O, Şuşada da
müəyyən nüfuza malik idi
102
. Aşkar olunmuş sənədlərə əsasən bu nəticəyə gəlmək olar ki,
məhz bu qrup 1905-ci ilin yayında Gəncədə (Yelizavetpolda) formalaşan ilk milli siyasi
qurum olan
u
Qeyrət" partiyasının əsasını qoymuşdu. Bu partiyada müxtəlif təbəqələr təmsil
olunmuşdu, lakin onun rəhbərləri yuxarı təbəqənin nümayəndələri idi. Onların sırasında
Gəncənin tanınmış hüquqşünasları və ictimai xadimləri Ələkbər bəy Rəfibəyli və Adil bəy
Xasməmmədov
103
, bəzi mənbələrə görə, türk ədəmi-mərkəziyyət partiyasının başçısı Nəsib
bəy Yusifbəyli də var idi
104
.
"Qeyrət" partiyasının qırmızı möhürü və proqramı mövcud idi. Proqramda
gürcü sosial-federalistlərin proqramının təsiri özünü büruzə verirdi. Əsas məqsədlərdən
biri Qafqazın Rusiya ilə federativ münasibətlər qurmaq və bu federasiya çərçivəsində
müsəlman əhaliyə mu xtariyyət vermək id i
105
.
"Qeyrət‖in üzvləri H.Fəttahov, M.H.İsmayılzadə, M.Həlilov və b. əhali arasında
federalizm ideyalarını yaymaqla yanaşı, sosial-demokrat və digər partiya
nümayəndələri ilə birgə bir çox mitinqlərdə millətlərarası savaşa son qoymaq çağırışı ilə
iştirak edirdilər. "Qeyrət" partiyası 1908-ci ilə qədər fəaliyyət göstərdi, lakin bəzi
sənədlərə görə, 1912-ci ildə Balkan müharibələri başladığı dövrdə federalistlər
fəallaşmaqda id ilər.
Siyasi səhnədə isə "Qeyrət" yenidən 1917-ci ilin Fevral inqilabından sonra yeni
liderlər, yeni "Türk ədəmi-mərkəziyyət partiyası" adı və yeni proqramı ilə parlaq
fəaliyyətə başladı.
1905-ci ilin yazı və yayında Rusiya imperiyasının müstəmləkə ucqarlarında
müsəlman xalqlarının siyasi qüvvələrinin birləşməsi prosesi davam edirdi. Azərbaycan
nümayəndələri "Ümumrusiya müsəlman ittifaqı"nın ("İttifaqi-müslimin"in) yaradılmasında
fəal iştirak etmişdilər. Ə.Topçubaşov bu təşkilatın 1905-ci ilin avqustunda Nijni
Novqorodda I (təsis) qurultayının çağırılmasında, proqram sənədlərinin hazırlanmasında və
downloaded from KitabYurdu.az
117
fəaliyyətində bilavasitə iştirak etmiş. 1906-cı ilin avqustunda onun Mərkəzi Komitəsinin III
qurultayında təsis edilmiş daimi bürosuna daxil olmuşdu. Azərbaycan nümayəndələri İttifaqın
komissiyalarına üzv seçilir, onun qurultay, müşavirə və yığıncaqlarında iştirak edirdilər.
"İttifaqi-müslimin" Rusiya müsəlmanları siyasi qüvvələrinin sonralar Rusiya dövlət
dumalarının bütün çağırışlarında müsəlman parlament fraksiyasının fəaliyyətində özünü
göstərmiş birliyin bünövrəsi idi. Fraksiya qanun layihələrinin işlənməsində, sorğuların
hazırlanmasında ümumrusiya müsəlman qurultayının qərar və qətnamələrini rəhbər
tuturdu.
Bakıda 1905-ci ilin noyabrında 17 Oktyabr Manifestinin verilməsindən sonra
ölkədə yaranmış siyasi vəziyyəti müzakirə edən mitinqlər keçirildi. Mitinq iştirakçıları belə
bir məsələdə yekdil idilər ki, manifestin vədləri həyata keçirilməli və ümumi seçki hüququ.
müsəlmanların Rusiya dövlət dumasında mütənasib sayda nümayəndələrlə təmsil
olunması və b. tələblər yerinə yetirilməlidir.
Azərbaycanda burjua xadimlərinin kadetlərə rəğbət bəsləyən bir hissəsi 1905-ci
il dekabrın 4-də Konstitusion Demokratlar Partiyasının Bakı şöbəsinin təşkilində iştirak
etdi. Azərbaycan cəmiyyətinin nümayəndələri İ.Hacınski, İ.Hacıyev, Ə.Topçubaşov,
K.Səfərəliyev şöbənin daimi bürosuna seçildilər. Şöbənin 300 nəfər üzvü var idi. Dövlət
dumasına seçki kampaniyasının gedişində şöbənin fəaliyyəti nəzərə çarpacaq dərəcədə
canlandı. Seçkilərin nəticələri kadet partiyasının populyarlığını bir daha nümayiş etdirdi.
Azərbaycandan olan bütün deputatlar duma fəaliyyəti dövründə daim özlərinin bu partiyaya
mənsubiyyətlərini unutmurdular. 1912-ci ilin yanvarında Yelizavetpol qubernatoru polis
departamentinə bildirdi ki, "ziyalılar başdan-başa kadetçilik eləyirlər: ayrı-ayrı, müstəsna
hallarda ciddi surətdə öz daxili inamlarına görə, əksəriyyəti isə nəyə görəsə, belə hesab
edir ki, kadet platforması hər bir ziyalı üçün mütləq lazımd ır"
106
.
1905-ci ilin payızında "Müsəlman əyanları, ziyalıları və yuxarı təbəqələrin
ittifaqı və müdafiə cəmiyyəti" meydana çıxdı
107
. Cəmiyyət "Bakı şəhərinin məşhur və
hörmətli adamlarına müraciət" nəşr etdirdi. Müraciətdə müəlliflər hökumətə qarşı
yönəlmiş azadlıq hərəkatına rəğbət bildirir
108
, eyni zamanda qeyd edirdilər ki, bu hərəkatdan
müsəlmanlara qarşı istifadə edilməsinə cəhd göstərildiyi təqdirdə cəmiyyətdə birləşmiş
qüvvələr qətiyyətli cavab verəcəkdir...
1906-cı ilin avqust-sentyabr aylarında Bakı və Yelizavetpol qubern iyalarında
"Difa i" partiyası meydana çıxd ı.
Vahid milli siyasi təşkilatın yaradılması məqsədə uyğunluğunun meydana
çıxmasında 1905-ci ildə erməni-müsəlman ziddiyyətlərinin kəskinləşməsi az rol oynamadı.
1906-cı ildə Tiflisdə keçirilmiş barışdırıcı qurultayın siyasi yekunlarından biri
"Daşnaksutyun" və onun silahlı qüvvələrinə qarşı Azərbaycan tərəfindən özünə siyasi
partiya və döyüş drujinaları yaratmaq zərurəti qarşısında qalmasını etiraf etməsi o ldu
109
.
"Difai"nin banisi partiyanın Bakıda yerləşən MK-sına başçılıq edən Ə.Ağayev
idi
110
. Gəncədə, Şuşada, Ağdamda, Bərdədə, Yevlaxda, Tərtərdə, Qarsda, Naxçıvanda,
Vladiqafqazda və b. yerlərdə partiyanın şöbələri yaradılmışdı
111
.
Partiyanın 1906-cı ilin oktyabrında "İrşad" qəzetində dərc olunmuş proqramında
112