28
Doğrudan da, böyük ordusu olan atabəy Qara Sunqur sultan üçün təhlükə
törədirdi.
Atabəy Qara Sunqur öz müstəqil mövqeyindən istifadə edərək, 20 minlik
qoşunun başında Həmədana doğru hərəkət etdi. Hicri 533 (iyun, 1139)-cü ilin
əvvəlində atabəy Həmədana yaxın laşdı və sultana vəziri əl-Həzin ini edam
etdirmək üçün belə bir qəti tələbnamə göndərdi: " Ya vəzirin başını bizə göndər, ya
da biz başqa sultana xid mət edəcəyik". Bu tələbnamən in mətni dövlətin bütün gör-
kəmli əmirlərinə göndərild i
1
.
Heç bir vaxt belə bir əks-hücuma məru z qalmayan Sultan Məsud özünü
itirdi və Qara Sunqurla mübarizə aparmaq üçün kifayət dərəcədə hərbi qüvvəsi
olmadığından, bu qəti tələbi qəbul etməyə məcbur oldu. Vəzir edam edild i, onun
başı Qara Sunqura göndərild i
2
.
Qara Sunqurun şəxsi vəziri İzz əl-Mülk Tahir sultanın vəziri oldu. O, uzun
müddət sultanın müstəqilliy ini əlindən aldı. Bundan istifadə edən əmirlər dövlət
torpaqlarının böyük hissəsinə özbaşına yiyələndilər. Onların qarşısını almağa
sultanın gücü çatmırdı
3
.
Azərbaycan hakimi atabəy Qara Sunqur sultandan narazı ə mirlərin başçısı
oldu. Sultana mü xalif qüvvələrin mərkəzi Azərbaycanda yerləşdi və Məsud da
qüdrətli atabəyin hücumunun qorxusundan fəaliyyət sərbəstliyini itirdi
4
. Qa ra
Sunqurun təkidi ilə Sultan Məsud şahzadə Davudu özünə vəliəhd təyin etdi. Ancaq
bir az keçmiş ismaililər Davudu öldürdülər və bununla da sultanın daha bir rəq ibi
aradan qaldırıld ı
5
.
553 (08.09.1138-27.08.1139)-cü ildə atabəy Qara Sunqur sultan Məsudun
nüfuzunun tamamilə aşağı düşdüyündən istifadə edərək, böyük bir ordu ilə Farsa
doğru yürüşə başladı. O, bu əyaləti tutub şahzadə Səlcuq şahın hakimiyyətinə
tapşırdı. Buna baxmayaraq, Qara Sunqur Azərbaycana qayıtdıqdan sonra, Farsın
keçmiş hakimi Bo z Apa öz yerinə döndü, Səlcuq şahın qüvvələrini dağıtdı, özünü
əsir alıb İsfid-Dəc qalasına saldı. Sultanlıq taxtı uğrunda çarpışan bu şah zadənin
taleyi qaranlıq qald ı. Ço x gü man ki, o, həmin qalanın məhbəsində öldürülmüşdür
6
.
Atabəy Qara Sunqur Səlcuq şahın kö məyinə gəlmək istəyirdi ki,
Azərbaycanda, xüsusən Gəncədə güclü zəlzələ olduğunu eşidib, öz paytaxtına -
Gəncəyə qayıtdı. Onun bütün ailəsi Gəncədə zəlzələdən həlak olmuşdu. Qara
Sunqurun özü də şəhəri bərpa edərkən xəstələndi və ağ ciyər iltihabından 535
1
Əl-Hüseyni, vər.62a.
2
İbn əl-Əsir, VIII, səh. 363; İbn əl-Cövzi, X, səh.79; Əl-Bundari, səh. 187; Ravəndi, səh.222.
3
İbn əl-Əsir, VIII, səh.363.
4
Yenə orada, səh.369.
5
İbn Teğriberdi, V, səh.271; Həmdullah Qəzvini, Tarix-i qozidə,səh. 364.
6
İbn əl-Əsir, VIII, səh.365; əl-Bundari, səh.188-189; Ravəndi, səh.222.
29
(17.08.1140-05.08.1141)-ci ildə öldü. O, ölü mündən qabaq əmir Çavlı ət-
Toğrulunu öz yerinə A zərbaycan və Arranın hakimi təyin etmişdi
1
.
Sultan Məsud atabəy Qara Sunqurun ölümündən istifadə edərək, əmir
Çavlını ö zünə yaxın laşdırmaq, bununla da çoxlu hərbi qüvvələrin toplaşdığı
Azərbaycanın əmirləri tərəfındən gələcəkdə törənə biləcək təhlükədən özünü
qorumaq qərarına gəldi. Sultan Çavlıya fəxri geyimlər hədiyyə verdi, ona
Azərbaycanın və Arranın canişin i hüququnu təsdiqləyən barat göndərdi. Bir ildən
sonra Çavlı sultanın qərargahına gəldi, orada Rey hakimi əmir Abbasla görüşərək,
birgə fəaliyyət haqqında onunla gizli saziş bağladı.
Bu zaman Qara Sunqurun Gəncədəki əmiri Qutluq sultana qarşı qiyam
qaldırdı. "O, erməni ili 591 (14.02.1142-13.02.1143)-ci ildə Gəncədən böyük bir
ordu ilə baş qaldırıb, Xudagəray dağlıq əyalətinə getdi, Katolikos Sığ ıncağı
adlanan qalaya, sonra da Karapetin Sığ ıncağı adlanan başqa bir qalaya ya xın laşdı.
O, hər iki qalanı uzun müddət mühasirədə saxlayıb, böyük çətinliklə onları ələ
keçirib dağıtdı, uçurtdu və yandırdı. O, qiyamını dayandırmayaraq, b ir neçə gün
ağalıq etdi. Sonra İrandan Çavlı adlı sipəhsalar gəldi. O, Qutluğun qiyam etdiy i
Gəncə qapılarına qədər ordulara başçılıq edird i. Çavlı şəhəri bir ay mühasirədə
saxlayandan sonra ələ keçirtdi, kilsələri uçurtdu, monastırları tamamilə yandırtdı,
əyanları q ırdı, ço xlu döyüşçünü əsir ald ı"
2
.
O biri il, ə mir Çavlı Arrana hücum etdi, Tovuz qalasını və bir sıra başqa
qalaları tutub, Azərbaycana qayıtdı
3
.
1146-c ı ilin başlanğıcında Fars və Xuzistan hakimi Boz Apa, Su ltan
Məsuda qarşı baş qaldırdı. O, Su ltanın qardaşı oğlanları şahzadə Məhəmməd və
şahzadə Məlik şahla birlikdə ordu ilə Şirazdan yola çıxdı. Su ltanın qardaşı şahzadə
Süley man şahı yanında saxlayan Rey hakimi Abbas da öz ordusu ilə ona qoşuldu.
Bütün bunlardan narahat olan sultan "özünün ən sadiq xadimi atabəy İl -
Dənizi (Eldəniz) "Azərbaycandan təcili kö məyə çağırdı. [Eldəniz] sultanın
uşaqları ilə birlikdə böyük ordu ilə onun yanına -Kirmanşaha gəldi. Sultan onunla
birlikdə Bağdada yollandı və bütün qışı orada qışladı"
4
.
Boz Apa və Abbas sultanlığının mərkəzi Həmədanı tutdular, orada bir neçə
əmir ö z ordusu ilə onlara qoşuldu. Müttəfıqlər buradan əmir Çav lıya məktub
yazıb, ona söz verdilər ki, əgər Məsud üzərində qələbə çalınsa, dövlətin əmirləri
arasında birincilik ona çatacaqdır. Çav lı əvvəlcə razılıq la cavab verdi, sonra isə
fikrindən daşınıb Məsudun tərəfini saxladı və bu haqda da Bağdada - Sultana
məlu mat çatdırd ı. Hər yerdən əli üzü lmüş Sultan Çavlının təklifini razılıqla qəbul
edib, Marağaya gəldi və Çavlının ordusunun böyüklüyünü görüb sevindi. Görünür
ki, Su ltan öz hakimiyyətini möhkəmləndirmək üçün müəyyən ümidini Çav lıya və
1
İbn əl-Əsir, VIII, səh.369; əl-Bundari, səh.190; Ravəndi, səh.223.
2
Мхитар Гош стр. 13; Самуил Анеци, стр.132.
3
Мхитар Гош стр. 13-14.
4
Ravəndi, səh.224; əl-Bundarinin əsərində İldəniz yerinə Çavlı gedir (səh.199).
Dostları ilə paylaş: |