43
dövlətləri başçılıq edir. Dünya əhəmiyyətli vacib ixtiraların bir çox hissəsi Avropa
ölkələrində, əsasən İsveçrədə yaranmışdır. Bununla belə, ölkədə indiyə qədər
innovasiya fəaliyyətinin surəti (xüsusən 2009-2012 illər üçün) yüksək olaraq
qalmaqdadır. Buna səbəb dövlətin elmitədqiqat işlərinə və innovatorların
rəğbətləndirilməsinə
diqqət
yetirilməsi,
əsaslı
investisiya
ayırmasıdır.
Kardiostimulyator, kürəvipodşipnik, təhlükəsiz kibrit, «Tetra-Pak», ortopedik
inplantlar və əczaçılıqdakı son nailiyyətlər İsveç innovasiyasının ixtiralarının
məhsuludur. Lissabon strategiyasına müvafiq olaraq Avropanın «2010-cu ilin ən
dinamik elmli və yüksək rəqabət iqtidarlı iqtisadiyyat» mərkəzinə çevrilməsi
siyasətində öndə gedən dövlətlərdən biri İsveçdir. Müasir texnologiyalar üzrə
dünyada lider dövlətlərdən biri olan Almaniya və onun sahibkarlıq fəaliyyətində
innovasiyanın rolunu qiymətləndirməyə bilmərik. Dünya birinciliyi uğrunda
Almaniya, ABŞ və Yaponiya kimi dövlətlərlə innovasiya mühitində rəqabət aparır.
Məlumdur ki, dünyada baş verən böhran əsasən istehsalatın, əməyin keyfiyyətini
dəyişir, bu da innovativ gedişlərə təsir göstərir. Hazırda Rusiya iqtisadiyyatı,
xüsusən də istehsal və ağır sənayedə baş verən böhran nəticəsində yaranmış
durğunluq böyük narahatçılığa səbəb olur. Zəngin təbii ehtiyatlarına, elmi-istehsalat
və kadr potensialına malik olmasına baxmayaraq yaşayış səviyyəsinə, məhsulun
keyfiyyətinə, əməyin səmərəliliyinə görə Rusiya inkişaf etmiş ölkələrdən çox geri
qalır. Ona görə də ölkədə innovasiya biznesi və keyfiyyətli məhsulların istehsalı
üçün əlverişli şərait yaradılmalıdır. Bunun uçun innovasiya məhsuluna tələbat və
uzunmüddətli maliyyə vəsaitin olması vacib şərtdir. Hələ ki Rusiyada yüksək
keyfiyyətli kütləvi istehlakın tətbiqini təmin edən innovasiya mexanizmləri və bunu
həyata keçirə biləcək investisiya qoyuluşu sistemi zəifdir. Belə ki, əsaslı vəsait
qoyuluşu innovasiya iqtisadiyyatının inkişafı üçün zəmin yaradan daha gəlirli
sahəsində əksini tapır. Bu gün Rusiyada fəaliyyət göstərən vençur fondları kiçik də
olsa müəyyən irəliləyişin göstəricisidir . Hər bir dövlət öz innovativ-texnoloji
inkişaf fəaliyyət modelini öz iqtisadi durum səviyyəsinə görə seçir. Nümunə olaraq
deyə bilərik ki, innovativ texnoloji inkişaf fəaliyyətini daha çox kosmos və hərbi
44
sahəyə yönəldən ABŞ modeli öz mövcud potensialı və xüsusiyyəti ilə tamamilə
digərlərindən fərqlənir. Yaponiya isə əsasən konkret texnologiyalara üstünlük
verərək hazırda robot istehsalı ilə irəlidədir. ABŞ dövləti dünya böhranından
dayanıqlı iqtisadi inkişafda çıxış yolunu innovasiya sahəsinə, əsasən elmin
inkişafına ən çox investisiya ayırmaqda görür. Burada elmin inkişafına ayrılmış
investisiya daha perspektivli və vacib hesab edilir, Rusiyada isə əksinə, bu bir
problemli büdcədən asılı tam təminat tapmayan sahə olaraq qalır. Ölkədə
investisiya, istehlak və elmi tədqiqatlarla əlaqə yaradan ixtisaslı kadr problemi
vardır. Aparılmış müşahidələr əsasında aşağıdakı qeydləri etmək olar: - ali məktəb
innovasiya quruluşunun ilkin bazası olmalıdır; - innovasiya inkişafının
yaranmasında üstünlük təşkil edən fundamental elmi tədqiqatlar ölkədə elmi-texniki
mənbə və ehtiyatların fəallaşmasını təmin etməlidir; - Elmlər Akademiyasının
fundamental tədqiqatlar sahəsində fəaliyyəti ali təhsil müəssisələrinin tədqiqat
laboratoriyaları ilə inteqrasiya əsasında çevik innovasiya siyasətini həyata keçirərək,
dövlət qurumları ilə xüsusi kapital və banklarla əməkdaşlıq edərək iqtisadi inkişafın
innovasiya əsaslı formalaşması yollarını müəyyən etməlidirlər.
45
FƏSİL II: RESPUBLİKAMIZDA DÖVLƏT İNNOVASİYA SİYASƏTİNİN
MÜASİR VƏZİYYƏTİ
2.1. Azərbaycan Respublikasının innovasiya potensialı
"Müxtəlif ölkələrin tarixinə, keçmişinə, təcrübəsinə nəzər salaraq görürük ki,
ölkənin inkişafını, potensialını elmin inkişafı müəyyən edir.... İnkişaf etmiş
ölkələrin təcrübəsinə nəzər salsaq, onu da görəcəyik ki, nə təbii ehtiyatlar, nə coğrafi
vəziyyət yox, məhz intellektual potensial, elmin səviyyəsi o ölkələrin tərəqqisini
müəyyən və təmin edir, ölkəni inkişaf etmiş ölkəyə çevirir".(19). Cəmiyyətimizin
sürətli və sabit inkişafından doğan müvəffəqiyyətlər, müasir tarixin və zamanın
tələbləri bizi artıq innovasion ictimai sistem, innovasion (proqressiv) iqtisadiyyat,
nümunəvi və mütərəqqi mənəvi həyat barədə daha dərindən düşünməyə və əməli
işlər görməyə vadar edir. Cəmiyyətin və dövlətin innovasiyalara olan kütləvi və
kəskin tələbatı bu gün bir fakt olaraq qalmaqdadır. İçtimai yeniləşmə zərurətindən
qaynaqlanan bu tələbat çoxşaxəli və çoxsəviyyəlidir. İnnovasion tələbat yeni iqtisadi
üsul və formalardan tutmuş yeni sosial təşkilatlanma və idarəetmə məsələlərinə
qədər problemləri əhatə edir. Biz bir tərəfdən, qabaqcıl elmi-texniki və texnoloji
nailiyyətləri mənimsəməli, müvafiq iqtisadi, təsərrüfat sistemi daxilində bu
nailiyyətlərdən səmərəli istifadə etməli, digər tərəfdən, fərdi və kollektiv
yaradıcılığa, daha yüksək birgə yaşayış və birgə fəaliyyət mədəniyyətinə yol açan
sosial-siyasi, hüquqi norma və prinsiplər əsasında təşkilatlanıb tənzimlənən ictimai
mühit yaratmalıyıq. Burada bir məsələni diqqətinizə çatdırmaq istərdim: Dünya
ölkələrin təcrübəsi göstərir ki, həqiqi innovasion tələbat o vaxt etibarlı surətdə
ödənilir ki, yeniləşmə istəyində olan cəmiyyətdə pozitiv mahiyyətli mənəvi (ruhi)
çevriliş baş verir, iqtisadiyyat, idarəetmə, siyasi və bütövlükdə ictimai həyat elmi
biliklərə, intellektual resurslara arxalanmaqla qurulur, fəalliyət göstərir. Əlbəttə ki,
bu zaman qabaqcıl ölkələrin təcrübələrindən istifadə etmək lazımdır (məs.:
ABŞ, Yaponiya, Sinqapur, İsrail və s.). Qeyd etdiyim ölkələrin elmi-texniki
siyasətinin təhlili göstərir ki, elm, istehsal və sosial həyatın qarşılıqlı əlaqəsi bu
ölkələrin dövlət siyasətinin başlıca vəzifəsidir. Həm də bu yeni tipli