46
iqtisadiyyatın - innovativ iqtisadiyyatın mahiyyətini təşkil edir. Innovasion
iqtisadiyyat dedikdə, yalnız elmin nailiyyətlərini öz inkişafında istifadə edən
iqtisadiyyat nəzərdə tutulmur. Bu, elə iqtisadiyyatdır ki, burada intellektual kapital
istehsal sisteminin, korporasiya və şirkətlərin, müəssisə və firmaların dəyərinin əsas
hissəsini təşkil edir. Innovasion iqtisadiyyatda məhz elmi biliklərə, intellektual
kapitala həssas münasibət və qayğı milli daxili məhsulun əsas artımını təmin edir.
Amerika iqtisadçısı R.Solou öz araşdırmalarında sübut edib ki, ABŞ-da iqtisadi
artımın ən azı 50%-i ənənəvi faktorlardan olan əmək və kapitalın böyüməsi
hesabına yox, elmi-texniki tərəqqinin nailiyyətləri sayəsində təmin edilib (o, öz
araşdırmalarını XXI əsrin I yarısı üçün aparmışdır) . Bu gün artıq heç kim şübhə
etmir ki, cəmiyyətin bütün həyat sahələrinin inkişafı birbaşa innovasion
texnologiyaların inkişafından asılıdır və bu bağlılıq durmadan artmaqdadır.
Qabaqcıl ölkələr innovasion silsilələri yaşamaqdadır. Belə olduqda intellektual
istehsala və intellektual kapitala günbəgün artan diqqət də dərkolunandır.Innovasion
silsilələr, bir qayda olaraq, fundamental elmin hesabına yaranır. Son 30-35 ilin
təcrübəsi buna əyani sübutdur.Fundamental kəşf innovasion tsiklin başlanğıc
mərhələsidir. Fundamental tədqiqatların və konstruktor-layihələşdirmə işlərinin
yüksək riskli olmasını nəzərə aldıqda aydın olur ki, dövlət bu sahədə əsas sponsor
kimi qalmalıdır. O da məlumdur ki, dövlət etdiyi qoyuluşun müqabilində kifayət
qədər yüksək gəlir götürür (əgər korrupsiya və rüşvətxorluğa yol verilmirsə).
Məsələn, ABŞ-da bu gəlir 30 faizdən 80 faizə qədər təşkil edir. “Aparıcı ölkələrdə
hökumət müasir proqressiv iqtisadiyyatın "vizit vəsiqəsi" sayılan və əsasən
universitetlər nəzdində fəaliyyət göstərən "elmi parklar"ın maliyyələşməsini, demək
olar ki, bütövlükdə öz üzərinə götürür. Nəticədə həm elm və innovasion istehsal,
həm də dövlətin özü böyük dividentlər əldə edir.Təsadüfi deyildir ki, elmi parklar və
texnopolislər müasir Yaponiyanın "iqtisadi möcüzə"sinin əsası sayılır.Qabaqcıl
ölkələrdə, bir qayda olaraq, dövlət bankları, fondlar və şirkətlər elm tutumlu məhsul
istehsal edən firmalara güzəştli faizlərlə uzunmüddətli kreditlər ayırır, torpaq və
əmlakdan, bina və qurğulardan istifadədə güzəştli rejimlər yaradırlar. Hökumət və
47
yerli hakimiyyət orqanları tərəfindən yeni ideya və ixtiralara həssaslıqla yanaşılır,
onların "inkubasion dövrü"nə xüsusi diqqət yetirilir - nəzərə alınır ki, hər bir yeni
ideya, kəşf və ixtira, körpə uşaq kimi birdən-birə ayaq üstə durmur və ona görə də
xüsusi qayğıya, səriştəli münasibətə ehtiyaclıdır” (20 S. 5).
Azərbaycanın innovasiya sisteminin yaradılmasını və innovasiya fəaliyyətinin
genişləndirilməsini şərtləndirən əsas amillər aşağıdakılardan ibarətdir:
-
iqtisadi təhlükəsizliyin təmin edilməsi, yeni texnologiyalar sahəsində
imkanların beynəlxalq iqtisadi əlaqələrdə istifadəsi;
-
elmi-texniki və innovasiya sferalarında dövlət siyasətinin aparılması;
-
elmi nəticələrin ənənəvi inzbati-amirlik metodları ilə tətbiqinin yenisi ilə əvəz
edilməsinin labüdlüyü;
-
ölkənin əmək potensialının bütün növləri və ilk növbədə yüksək ixtisaslı
-
kadrlar üçün iş yerlərinin yaradılması zərurəti;
-
elm tutumlu istehsal mədəniyyətinin yenidən bərpa
edilməsi .
Qeyd edilənlərin həyata keçirilməsi üçün milli innovasiya sisteminin
yaradılması və uğurlu fəaliyyəti mühüm əhəmiyyət kəsb edir.
Milli innovasiya sisteminin yaranmasına mane olan bir sıra amillər də vardır ki,
onları aradan qaldırmadan bu sistemin yaradılması mümkün deyil.Belə amillərdən
biri ölkədə «mənimsəyici təsərrüfatçılığın» geniş miqyasda mövcudluğu və onun
durmadan inkişaf etməsidir.Bu təsərrüfatçılıq «istehsalçı təsərrüfatçılıqla» yanaşı
fəaliyyət göstərərək onun «paraziti» kimi çıxış edir, bazar münasibətlərinin
formalaşmasını təmin edən bir sıra əhəmiyyətli proseslərin gedişinə mane olur, belə
tədbirləri süni olaraq, hələ təşəkkül mərhələsində bahalaşdırır, istehsalın bərpasında
çətinliklər törədir.Ikincisi, indiyədək ölkədə nə vahid innovasiya proqramları, nə də
innovasiya
layihələri
üçün güzəştli şərait müəyyən edən mexanizm
yaradılmamışdır.Bu sahədə münasibətləri tənzimləyən qanunvericilik sənədləri
paketi hələ ki yoxdur.Üçüncü amil kimi respublikada intellektual mülkiyyət
48
obyektlərinin qiymətləndirilməsi sisteminin yaradılmamasını göstərmək olar. Bu da
bir tərəfdən özəlləşdirilən obyektlərin qiymətinin süni olaraq aşağı hesablanmasına
gətirib çıxarır, digər tərəfdən də elmi-tədqiqat müəsisələrinin innovasiya
fəaliyyətində iştirakını çətinləşdirir, ona olan marağı zəiflədir.Daha bir amil də,
respublikada intellektual məhsul bazarının yaradılmamasıdır.Intellektual məhsul
bazarı milli innovasiya sisteminin yaradılmasının ən başlıca şərtidir.Bunsuz
texnologiyaların, ideyaların kommersiyalaşdırılması mümkün deyil.Keçid şəraiti
üçün vacib olan konsaltinq biznesinin respublikada lazımınca təşəkkül tapmaması
da məhz intellektual mülkiyyət bazarının lazımınca formalaşmamasının
göstəricisidir.
Sxem 1. Milli innovasiya sistemi və onun digər sahələrlə qarşılıqlı
əlaqələri
Azərbaycan Respublikasının innovasiyalı inkişafı əsaslı surətdə aşağıdakı
amillərdən asılıdır:
-
yeni texnologiyaların, yeni texnikanın, ideya və biliklərin istehsalçısı olan
müəssisələr şəbəkəsinin mövcudluğu;
Sosial-iqtisadi sistem
Dövlət
Bazar
Milli innovasiya sistemi
İstehsal
İnnovasiya
müəssisələri
Elmi sistem
Maliyyə
institutları
Elmi-texniki, innovasiya infrastrukturu
İstehsal və sosial
infrastruktur
Sosial sfera
Kadrların
hazırlanması sistemi