74
Azərbaycanın Qarabağ zonasında yaşamışdır. Maraqlısı odur ki,
Kavar formasında bu etnonim Tərtər rayonunun ərazisindən olan
Qavartu hidronimində özünün ilkin formasını saxlamışdır.
Əslində Qavartu etnohidronimi Kavar etnonimindən və
mənsubiyyət bildirən -lu şəkilçisinin fonetik forması olan--tu
hissəsindən ibarətdir. Dilaektlərimizdə və başqa türk dillərində
l-t fonetik hadisəsinə görə –lı, -lu şəkilçilərinin –tı, -tu
formalarında tələffüzü mövcuddur (49, 377).
Qədim Oğuz yurdu Ermənistanda kabar etnonimi əsaslı
etnotoponimlər az deyildir. Məsələn, QƏMƏRLI- Irəvan
xanlığının Karpibasar mahalında kənd adı; ƏLIKƏMƏRLI-
Irəvan quberniyasının Sürməli qəzasında kənd adı; KƏVƏR-
Irəvan xanlığının Göycə mahalında kənd adı; KƏMƏRLI-
Irəvan xanlığının Qarnibasar mAhalında kənd adı; Qabarəli
Irəvan xanlığının Dərəçiçək mahalında kənd adı; Qabırbulaq
1728-ci ildə Irəvan əyalətində Abaran nahiyəsində kənd adı;
Qavar – Irəvan xanlığının Göyçə mahalında kənd adı və s. kimi
etnotoponimlər çoxluq təşkil edir. Bu etnotoponimlərin
Ermənistan ərazisində müxtəlif regionlarda yayılması onların
areallıq xüsusiyyətini bir daha təsdiqləyir.
75
2.12.Qarqar əsaslı areal etnotoponimlər.
Qarqar qədim türk mənşəli tayfalardan biridir. Hələ biz.
er. I əsrində Strabon qarqar tayfasının adını çəkmiş və onların
Şimali Qafqazda yaşamalarını qeyd etmişdi.
K.V.Trever I əsrdə Albaniyada Qarqar düzü adlı yerin
mövcud olduğunu göstərmişdir(131, 48).
S.T.Yeremyan isə həmin düzün Mil düzü olması fikrini
irəli sürmüşdü.
Müəyyən mənbələrdə qarqar tayfasının qədimdə Qarabağ
düzündə də yaşaması və bununla əlaqədar həmin düzün Qarqar
ölkəsi adlanması fikri də qeyd edilmişdir(94).
Orta əsrlərdə Qazaxıstanda, keçən əsrdə Gürcüstan və
Dağıstanda, Türkmənistanda və s. yerlərdə mövcud olmuş
Qarqar adlı toponimlər, şübhəsiz ki, eyniadlı qədim türk tayfa
adı ilə bağlı yaranmışdır (111). M.H.Vəliyev də inqilabdan
əvvəl Azərbaycanda Qarqar adlı 5 oykonim və 1 hidronimin
olduğunu göstərmişdir (68, 20). Hazırda Azərbaycanda bu tayfa
adının ilkin variantı yalnız mənbəyini Qarabağ silsiləsinin şimal-
şərq yamaclarından alan qədim Qarqarçay hidronimində
mühafizə etmişdir.
M.Ismayılov Qarqarların miladdan qabaq IV-II yüzillik-
lərdə Qafqaz dağlarının ətəklərində məskunlaşdığını qeyd
etmişdir(39,161).
Strabonun, Treverin, Yeremyanın albanlar haqqında ver-
dikləri fikirləri təhlil edib onlara münasibətini bildirən
Q.Qeybullayev belə bir qənaətə gəlir ki, Qarqar düzənliyi, Qar-
qar knyazlığı, Qarqar şəhəri (Beyləqan yaxınlığında) kimi adlar,
XIX əsrdə Azərbaycanda bu adda olan 5 kənd adı Qarqar
etnonimi ilə bağlıdır (88, 29).
Gədəbəydə olan bir toponimin - Xarxar toponiminin
Azərbaycanın Alban vilayətindəki qədim qarqar tayfa adının
qismən təhrif olunmuş variantının özündə əks etdirdiyi ehtimal
olunur. Həmin yaşayış məntəqəsinə bu adın vaxtilə qarqar
76
tayfası tərəfindən salınmış və xarabalığının son dövrlərə qədər
qalması qeyd olunmuş Qarqar adlı məskənin adıdır(64).
H.Mirzəyev göstərir ki, dil və tarixi faktlara əsasən demək
olar ki, nəinki, Her-Her, hətta Xar-Xar, Xal-Xal, Kər-Kər,
Kəngər toponimləri də mənşə etibarı ilə qarqar etnonimi ilə bu
və ya digər cəhətdən, az və ya çox dərəcədə bağlıdır(55, 184).
A.Qurbanov qarqarların indiki Mil-Qarabağ düzlərində
yaşamasını qeyd edir və göstərir ki, «Mil düzü» qədim dövr-
lərdən «Qarqar düzü» adlanmışdır(49, 393).
F.Cəlilov yazır: Strabonun Qoqar (ena), qədim erməni
mənbələrinin isə Quqar(k) şəklində verdiyi Göyər mahalı da
azərbaycan tayfalarından olan göyərlərin adı ilə bağlıdır.
Erməni tarixçisi Favstos Buzand masaget (mazkut) hökmdarı
Senesanın başçılığı ilə Ermənistana hücum edən Alban tayfaları
sırasında hunlarla quqarların adını yanaşı çəkir. Göründüyü
kimi, həm Quqar (Qoqar) toponimi, həm də quqar etnonimi göy
sözünün qədim formasını əks etdirir(23, 151-152).
N.Məmmədov göstərir ki, qarqarlar qədim Alban tayfa-
larından birinin adıdır və Qarqar sıra dağları, Qarqar düzü,
Qarqar çayı, hələ bizim eradan əvvəl Azərbaycanda məskən
salan türkdilli qarqar tayfasının adını bir abidə kimi qoruyub
saxlamaqdadır. Müəllif bu fikri sübut etmək üçün qarqar sözü və
onun fonetik variantları olan Xar-xar, Xal-xal, Hər-hər, Her-her,
Qer-qer, Gər-gər, etnonimlərin arealının çox geniş olduğunu
faktlar əsasında sübut edir. Qarabağda Qarqar, Gədəbəydə
Xarxar, Naxçıvanda və Cənubi Azərbaycanda Xalxal,
Dərələyəzdə, Eçmiədzində, Dağlıq Qarabağda Hərhər//Herher,
Qədim Oğuz yurdu Calaloğluda Gərgər toponimləri areal
etnotoponimlər toplusunu təşkil edir(53, 111, 137-138).
H.Mirzəyev Qarqar və Kəngər tayfa adları arasında ya-
xınlıq olduğunu qeyd edir. Alim fikrini sübut etmək üçün gərgər
və kəngər sözlərinin eyni yuvadan formalaşdığını, n samiti ilə r
samitinin bir-birini əvəz edə bilməsi faktlarını diqqət mərkəzinə
çəkir(60, 186).
77
Ermənistan ərazisində Qarqar tayfa adı ilə aşağıdakı et-
notoponimlər qeydə alınmışdır: Qurqar –Ermənistanın Pəmbək
bölgəsində tarixi mahal adı ; Quqarçay - Pəmbək bölgəsində çay
adı; GƏRGƏR-Tiflis quberniyasının Borçalı qəzasında kənd adı;
GƏRGƏR- Əzizbəyov rayonunda kənd adı; GƏRGƏR-
Stepanavan rayonunda kənd adı; GƏRGƏR-Əzizbəyov rayonunda
Arpaçayın qollarından birinin adı XX əsrin 30-cu illərində çay
ermənicə Erer adlandırılmışdır; Herher -Şərur-Dərələyəz qəzasında
kənd adı; Hərhər – Dərələyəz nahiyyəsində kənd adı. Verilmiş et-
notoponimlərinə Ermənistanın müxtəlif bölgələrində rast gəlinməsi
onların yayılma arealını və bu türk tayfasının hələ qədimdən həmin
ərazidə məskunlaşmasını bir daha təsdiq edir.
2.13. Kuşi əsaslı areal etnotoponimlər.
Kuşi qədim türk tayfasıdır. Azərbaycan toponimiyasında
bu tayfanın məskunlaşması nəticəsində yaranmış bir sıra
toponimlər vardır. V.V.Bartolda görə quşçu tayfasının qısa tarixi
belədir. Eramızdan əvvəl II əsrdə Orta Asiyanın əyalətləri
hunların hücumlarına məruz qalır. Hunlar tərəfindən məğlub
edilmiş və qərbə tərəf sıxışdırılmış xalqlar Çin mənbələrində
yosti adı ilə məlumdur. Məhz yosti sözünün transkripsiyası tək
halda quşi, cəm halda quşan formasını vermişdir. Türküstanın
şərqindəki indiki Turfan şəhərinin yerləşdiyi vilayət də o zaman
Quşi adlanmışdır. N.V.Piqulevskaya yazır ki, quşanların
tərkibində türklər də vardır. Əli Hüseynzadə quşçu
toponimlərinin mənşəyinə dair məqalə yazmışdır. Məqalədə
müəllifin fikrincə, quşçu etnonimi «quş» (ov quşu) sözündəndir
və bu adı daşıyanlar monqolların XI əsrdə qıpçaqlar üzərində
Şimali Qafqazda qələbəsindən sonra Azərbaycana gəlmişlər.
Lakin bu fikir səhvdir. Əvvələn ona görə ki, türklərdə quşçu adı
ilə məlum tayfa farslarda kuşan şəklində olmuşdur. N.Q.Piqu-
levskaya yazır ki, quşanların əsl adı quiş olmuşdur. M.H.Və-
liyev isə göstərir ki, qara hunlar 227-ci ildə Azərbaycana kuşi
adı ilə gəlib məskunlaşmışlar.
Dostları ilə paylaş: |