84
kunlaşan xalqlar sırasında Muğan coğrafi adının mənşəyinə dair
çoxlu əfsanə və rəvayətlər mövcuddur. Həmin əfsanələrin
bəzilərində Muğanı qəhrəman bir oğlan kimi, bir qrup
rəvayətlərdə isə gözəl bir qız kimi təsvir edirlər. Hələ e.ə. VI
əsrdə yaşamış yunan tarixçisi və coğrafiyaşünası Miletli
Hekatay Araz çayı yaxınlığında muk adlı tayfanın yaşamasını
qeyd etmişdir. Bizim e. ə. V əsrdən əvvəl yaşamış qədim yunan
tarixçisi Herodotun verdiyi məlumata görə Qafqaz dağları
arasındakı düzlərdə maqa, muki, muqa adlı tayfa yaşamışdır.
Eramızın 1 əsrində yaşamış coğrafiyaşünas Strabon isə Muğan
coğrafi adını «Moqan» kimi qeyd edərək onun Kür və Araz
çayları ətrafında yerləşməsini göstərir. Bundan əlavə Ibn Əl-
Kəba, X əsrdə yaşamış ərəb tarixçisi Əl Müqəddəsi və Ibn Hey-
kəl, X əsrin coğrafişünası Yaqut Həməvi və başqaları göstə-
rirlər ki, Muğan vaxtilə həmin ərazidə yaşamış muğanlarla
əlaqədar olaraq meydana gəlmişdir. Həmçinin XIVəsr coğ-
rafişünası Həmdulla Qəzvini, XIV-XV əsrin görkəmli alimi
Əbdürrəşid Bakuvi və başqa orta əsr tarixçiləri əsərlərində
Muğan adı haqqında bəzi mülahizələr söyləmişlər.
Muğan coğrafi adına antik müəlliflərin əsərlərində «Mo-
xoena (Ammian Marselin), Plinidə «Moxan–kur» erməni
mənbələrində «Muxanx» (Moisey Xorenski), ərəb mənbələrində
«Muqan», «Muğan» (Balazori, Təbəri, Istəhri, Ibn-əl Kəba,
Yaqut Həməvi və b.) gürcü mənbələrində «Mukavan» yazılış
formalarına rast gəlinir.
XVIII-XIX əsrin məşhur Azərbaycan səyyahı coğrafişü-
nası Hacı Zeynalabdin Şirvani «Büstanüs səyyahə» (Səyahət
bostanı) adlı əsərində Muğan adının mənşəyinə toxunaraq yazır:
«Elə deyirlər ki, oranı (Muğan vilayətini –N.M) Muğan adlı bir
adam bina etmişdir və bəziləri deyirlər ki, oranı muğlar və
möbüdlər abad eləmişdir, bəziləri də bu fikirdədir ki, Gəncə,
Qarabağ, Bərdə Muğan şəhəridir». Coğrafiyaşünas alim
R.M.Yüzbaşov Hacı Zeynalabdin Şirvaninin bu fikri ilə qismən
razılaşaraq qeyd edir ki, Muğan şəhərinin ilk sakinləri muğ
85
qəbiləsinə mənsub əhalidən ibarət olmuşdur. Toponimdəki «an»
sonluq olub məkan, yurd bildirir. Bir sıra tədqiqatçılar Muğan
coğrafi adını Midiya tayfalarından biri olan maq tayfasının adı
ilə əlaqələndirir. Tarixçi alim Kamal Əliyev Muğan adını muk
tayfasının adı ilə bağlı olduğunu yazmışdır.
Muğan adının hansı dilə məxsus olması məsələsi də təd-
qiqatçıları maraqlandırmışdır. Akademik Ziya Bünyadov gös-
tərir ki, hazırda tarixçilərin türk adlandırdıqları və böyük türk
qəbilə birləşmələrindən olan hunlar V əsrdə Azərbaycanın
Muğan ərazisinə köçüb orada məskunlaşmışlar. Ilk orta əsrlərdə
hunların Kür və Araz düzənliklərində yaşaması tarixi
mənbələrdən məlumdur. Ziya Bünyadovun əsərində XVII
əsrlərdə Azərbaycanda Hun tayfalarından olan Muğan adlı bir
xanın adı çəkilir. Bizcə, həmin dövrdə Azərbaycanda hun
tayfalarından olan Muğan xan orada, indiki Muqan ərazisində
məskunlaşmış və düz onun şərəfinə Muğan düzü
adlandırılmışdır.
Muğan düzündə salınmış Muğan şəhəri də təxminən VII
əsrdən hunların Azərbaycana gəlməsindən/ sonra yaranmışdır.
Muğan şəhərinin VII əsrdən sonra Muğan düzündə salınması da
bizim müşahidələrimizi təsdiq edir.
Müşkür düzü (Quba, Xaçmaz inzibati rayonları ərazisində)
etnonimik oronimlərdən biridir. Bu coğrafi ad e.ə. Qafqaz
Albaniyasının şimal-şərqində yaşamış maskut xalq adının təhrif
formasıdır.
Yalnız XVII əsrin ortalarında Azərbaycanda olmuş Hol-
landiya dənizçisi Yan Streys müşkür oronimini muskar kimi
yazmışdır. Deməli, təxminən bir əsr müddətində «muskat» sözü
«müskür» və «müşkür» formasına çevrilmişdir. XVII əsrin
sonlarında isə toponimin adı artıq musskür kimi çəkilir.
Çox qəribədir ki, maskut etnonimi özünün ilkin formasın-
da müasir Xaçmaz və Quba inzibati rayonları arasında mövcud
olan Maskatar düzü oronimində indiyədək saxlanmışdır. Oronim
86
maskut (maskat) və ləzgi dilindəki «ar» şəkilçisindən ibarət olub
«Maskut düzü» mənasını daşıyır (53, 153-155).
Məlumdur ki, bir sıra təkrarlanan eyni oykonimlər Adını
daşıdığı məntəqənin keçmişdə mənsub olduğu şəxsin adının
artırılması ilə bir-birindən fərqləndirilir. Azərbaycan to-
ponimiyasında bu model əsasında diferensiallaşdırılmış 6 yerdə
təkrarlanan üç oykonim qrupa təsadüf edilir. Muğancıq Mehrab
–Muğancıq Müslüm (Şərur)(29, 130).
H.Z.Şirvani Muğan toponimi haqqında iki fikir olmasını
yazır: «Deyirlər ki, oranı Muğan adlı bir adam bina etmişdir.
Bəziləri isə deyirlər ki, oranı müğlar və möbüdlər abad
etmişlər.» Eyni zamanda, o, Muğan çölündə Kür çayının
sahilində uzaq keçmişdə Muğan adında bir şəhərin olmasını,
şəhərin əhalisi, üzümçülük, əkinçilik, bağçılıqla məşğul
olduğunu qeyd etmişdir. Doğurdan da, hələ XII əsrdə
Azərbaycan şairi Nizami Gəncəvi (1141-1209) özünün «Leyli
və Məcnun» poemasında «Mənə Muğandan şərab gətirin» –
yazmışdır. XIII əsrdə monqolların hücumu zamanı şəhər
xarabazara çevrilmişdir(73, 16).
Q.Ə.Qeybullayev Azərbaycanda Muğanlı oykonimlərinin
çoxluq təşkil etdiyini və onların orta əsrlərdə Muğan düzündə
yaşamış müxtəlif tayfaların toplusunun ümumiləşdirilmiş adını
ifadə etməsini qeyd edir. Rus səyyahı I.Kotov XVII əsrdə Muğan
düzündə muğanların yaşadığını demişdir.
Muğanlı qəbiləsinə daxil olan tayfaların tam adları məlum
deyildir. XX əsrin əvvəllərində Muğanda 40-dan çox
yarımköçəri tayfanın varlığı irəli sürülür.
XIX əsrin ortalarında muğanlı tayfa birliyi geniş olmuş,
ona Aləhmədli, Qarabayramlı, Əliyetməzli, Mollalar, Qa-
rabaşlar, Sərxanlar və s. nəsillər daxil olmuşdur (88, 72).
Muğanlı - Ağcabədi, Qazax, Zaqatala rayonlarında kənd
soveti, Bərdə rayonunun Kələntərli, Qubadlı rayonunun Zilanlı,
Zəngilan rayonunun Gilətağ və Hacallı sovetliyində, Iliç
Dostları ilə paylaş: |