48
Səh.—308 Aras və Ares adlandırırlar. Əski Culfaya və ya qədim Culfaya
getmək üçün Arazı keçirlər. Bəzi müəlliflər qədim müəlliflərin Ariamen
adlandırdıqları şəhərin viran qalmış əski Culfa olduğu qənaətinə gəlirlər. Ona görə
bunu qədim Culfa adlandırırlar ki, İsfahanla üzbəüz tikilmiş başqa bir Culfadan
fərqləndirsinlər. Bu şəhəri qədim adlandırmaqda tamamilə haqlıdırlar, çünki o,
başdan-başa dağıdılmış və viran edilmişdir. Təkcə böyüklüyü hiss olunur. Bundan
başqa heç nə təsəvvür olunmur. Bu şəhər çay boyunca, sahil uzunu salınmışdır: dağ
döşündə yerləşir. Çətin və bərk küçələr saysız-hesabsız istehkamlar vasitəsilə
qorunur. Ermənilərin deməsinə görə, bu şəhərdə dörd min ev olmuşdur. İndi
xarabalıqlara əsasən demək olar ki, bunun yarısına qədər (iki min ev—V.A.) ola
bilərdi. Hələ bunların da əksəriyyəti daxmalardan, dağda qazılmış və adamların
yaşamasından daha çox, sürü üçün yararlı olan mağaralardan ibarətdir. İnanmıram
ki, dünyada Qədim Culfa kimi daha çox barsız-bəhərsiz və idbar bir yer olmuş
olsun. Həqiqətdə onun qonşuluğunda daha xoşbəxt və daha barlı-bəhərli yerlər var.
Burası da doğrudur ki, daha quru, daha daşlı bir yerdə yerləşən şəhəri heç
görməmək olurmu? Uzun bir amfiteatra bənzədiyindən görünüşü yaxşı idi. Hazırda
ancaq təxminən hamısı ermənilərdən ibarət olan otuz ailə vardır.
Culfanı xaraba qoyan I Abbas olmuşdur və onun bütün məharəti Culfanı
möhkəmləndirməyə sərf edilmişdir. Türk ordusunu ərzaqdan məhrum etmək
məqsədilə, eyni sərhəd xəttində yerləşən Ermənistanın digər yerlərini və Naxçıvanı
xarabazara çevirmişdir. Culfanı da bu məqsədlə xaraba Səh.—309 qoymuşdur. Bu
incə siyasətçi və bu böyük kapitan öz qüvvələrinin düşmən qüvvələrinə bərabər
olmadığını görərək, hər il farsların gəlməsinə, orda istilaçılıq etməsinə mane
olmaq, onları müvəqqəti də olsa dayandırmaq üçün vasitələr fikirləşərək, Ərzurum
və Təbriz arasındakı yerlərin İrivan və Naxçıvan xətti boyunca səhraya çevirməyi
qərara aldı. Adətən türklər bu xətdən keçib gəlir, orda öz ordularını doyuzdurmaq
üçün kifayət qədər ərzaq tapır və möhkəmlənirdilər. Belə ki, o, (I Abbas—V. A.)
oradan adamları və taxılı daşıtmış, bütün kəndlərə və bütün ağaclara od
vurdurmuşdur; hətta bir çox su paylaşdıran kalonkaları zəhərləmişdi. Bu barədə
tarix kitablarında yazmışlar. Kimlər ki, onları oxuyublar, bunun ona tamamilə
müvəffəqiyyət gətirdiyini bilirlər.
Yaşadığımız yerə qayıtmaq üçün Araz məşhur çaydır və İrivanı Midiyadan
ayırır. Başqalarının təsdiq etdiyi kimi, o öz mənbəyini Nuhun gəmisi dayandığı
dağdan alır. Ola bilsin ki, onun adı məşhur Ararat dağının adından götürülmüşdür.
O, burdan axıb Xəzər dənizinə tökülür. Bu, böyük və çox iti axan, sürətli çaydır.
Öz axını boyunca saysız-hesabsız adsız kiçik çayların və çoxlu sel sularının
hesabına şişir. Culfanın yuxarı hissəsində və müxtəlif yerlərdə dəfələrlə bu çay
üzərindən körpü salmışlar, lakin bütövlükdə gəmilərə bənzəyən bəzi bəndlər və
ağac tirlər çayın təzyiqinə davam gətirməmişdir. Havalar yumşalanda, yazbaşı
qonşu dağlardan əriyib axan qar sularından şişir, qəzəbli olur, bəndləri və başqa
qurğuları ağzına alıb aparır. Həqiqətdə isə, suların səsi Səh.—310 və axınının sürəti
49
ilə adamları heyrətə gətirir. Biz onu (Araz çayını—V. A.) bir dəfəyə otuz adam və
iyirmi at götürən böyük bir gəmidə keçdik. Mən ancaq özümlə adamlarımı və
yükümü keçirdim. Onu dörd adam idarə edirdi. Onlar yavaş-yavaş sahil boyunca
üç yüz addım yuxarı qalxdılar. Suyun axarında çaşaraq barkı (böyük yelkənli
gəmi—V.A.) tərk edərək, onu o biri sahilə çəkib, yana dartmaq üçün uzun və güclü
üfüqi sükandan istifadə etdilər. Bir göz qırpımında sel onu (gəmini—V.A.) ifadə
edilə bilməyən bir coşğunluqla beş yüz addım axıtdı. Qayıqçılar Arazdan belə
keçirlər. Onlar çayı keçib qayıtmağa iki saatdan çox vaxt sərf etdilər. Çünki onu
keçmək üçün çox səy göstərmək lazım gəlir. Qışda suyun səviyyəsi aşağı düşəndə
çaydan dəvə ilə də keçmək olur. Bərə Culfadan yarım lyö kənarda, çayın yatağının
ən geniş olduğu və daha sakit axdığı bir yerdədir.
Deyirlər ki, Araz Ermənistanı Midiyadan ayırır. Əvvəllər Asiyada imperiya
sayılan bu krallıq (Midiya—V.A.) hazırda Səfəvi dövlətinin bir hissəsinə
çevrilmişdir. Farslar onu Azərbeyan və ya Azürpekan adlandırırlar. Bu əyalət
Səfəvi imperiyasının ən böyük əyalətlərindən biridir. Şərqdən Xəzər dənizi və
Hirkanla, cənubdan Part əyaləti ilə, qərb tərəfdən yuxarı İrivanla və Araz çayı ilə,
şimalda isə Dağıstanla həmsərhəddir. Deyildiyi kimi, Dağıstan dağlıq ölkə olub
Moskva kazakları ilə həmsərhəddir. Torus (Tavr ?—V.A.) dağlarının bir hissəsini
Səh—311 əhatə edir. Bu əyalət qədim müəlliflərin Azarka adlandırdıqları Şərqi
Midiyadan və həmçinin Atropati və ya Atropaten adlanan qərbi, yaxud kiçik
Midiyadan ibarətdir. Assuriya yuxarı İrivanın bir hissəsidir. Farslar deyirlər ki, bu
əyalət Azərbaycan, yəni «od yeri» və ya «od ölkəsi» adlanmışdır. Çünki ən məşhur
od məbədi burada tikilmişdir. Onda atəşpərəstlərin allah hesab etdikləri od
saxlanırdı, bu dinin baş kahini orda yaşayırdı. Atəşpərəstlərin qalıqları olan Qebrlər
bu yerin Şamaxıdan ikigünlük məsafədə olduğunu göstərirlər. Onlar qaçılmaz bir
həqiqət kimi, əmin edirlər ki, hələ də müqəddəs od ordadır, yerin altından çıxan
məkin oduna bənzəyir. Oda sitayiş üçün gedənlər onu alov şəklində görürlər. Onlar
bu oda tamam zarafata bənzəyən daha bir xüsusiyyət də əlavə edirlər: orda yeri
qazıb üstünə qazan qoymağı bacarsalar, bu od onu qaynadır, içində olanları bişirir.
Azərbaycan adına yenidən qayıtmalı olsaq deməliyik ki, etimologiyası
düzgündür. Belə ki, «az» yiyəlik halın artiklidir. «Ər» və ya «ur» qədim fars
dilində, qədim Şərq idiomlarının əksəriyyətində olduğu kimi «od» deməkdir və
pekan «yer» və ya «ölkə» mənasını verir. Təkcə bunu bilirəm ki, bəzi adamlar onu
«Asurpekan» şəklində tələffüz edir və yazırlar. Bu da «Assur ölkəsi» deməkdir.
Belə deyirlər ki, bu böyük əyalət Assuriyanı tərkibinə daxil etdiyindən (bütün
müəlliflərin fikri belədir) Assur sözünü özünə ad götürmüş və belə adlanmışdır.
Mənim fikrimcə də, bu, elə həmin şeydir. Mən belə hesab edirəm ki, «Assur» sözü
«as», «ur» sözündən əmələ gəlmişdir. «Od» mənasındadır. Muaz bütpərəst şahzadə
olan, oda sitayişi Səh.—312 işə salan və Sama çatan hissəni və onun ata mülkü
Xaldeyanı fəth edən Nəmruddan danışarkən deyir ki, bu patriarxın (qəbilə
başçısı—V. A.) oğlanları oddan geri çəkildilər; çünki Aşşur orada tək idi. Kifayət