ictimaiyyətlə əlaqələri sürətli kommunikasiya məcrasına keçirilmiş, bütün sosial
media imkanlarından istifadə edilmiş, məlumatın formalaşdırılmasında MEK
əməkdaşları ilə yanaşı və bərabər həcmdə akademik icmanın iştirakı təmin
olunmuşdu.
İctimaiyyətlə əlaqələr.
2016-cı ildən başlayaraq MEK-in Azərbaycan, rus və ingilis
dillərində çevik və interaktiv rəsmi internet səhifəsi (
www.mek.az)
yaradılıb, sayta
və korporativ yazışmaya
mek.az
domain-i istifadəyə verilib, Facebook, Twitter,
VK, İnstagram kimi sosial şəbəkələrdə səhifələr açılıb, Youtube-da rəsmi sosial
kanal açılıb, media ilə sıx əməkdaşlıq qurulur, MEK əməkdaşları AzTV, ATV,
Lider, CBC, İctimai, Культура və başqa telekanallarda çıxış edir, MEK fondları
barədə məlumat verir, media şirkətləri tərəfindən MEK-də ictimaiyyətin marağına
səbəb olan verilişlər çəkilir, MEK-in məkanı informasiya ötürücüsü kimi aktiv
istismar olunur.
İnformasiya təqdimatı multiməkan və multiformat rejimində keçirilir. İstənilən
mövzuda tədbir keçirilirsə, sərgi hazırlanırsa, MEK fondlarında mühafizə olunan
sənədlər fondlardan qaldırılıb sərgilənir, mənbələr e-kataloqa daxil edilir, , virtual
sərgi yaradılır, sərgi salonunda bütün ekranlarda və videodivarda nümayiş etdirilir,
Youtube-da yerləşdirilir, video-köşklərdən sayt materiallarına çıxış verilir, sərginin
mövzusuna aid yeni elektron kataloqdan çıxarış yardımçı vasitə kimi sərgidə
təqdim olunur, nümayiş etdirilən material paket şəklində rəqəmsallaşdırılır, Sərgi
salonunun ekranlarında eyni zamanda dörd müxtəlif çarx nümayiş etdirilir.
MEK-in ictimai əlaqələri müxtəlif təşəbbüslər vasitəsilə də qurulur:
“Kolleksiya təqdimatları”. İctimai əlaqələr Beynəlxalq Münasibətlər və
İctimaiyyətlə Əlaqələr şöbəsinin Kitabxana-Xidmət şöbəsi ilə sıx əməkdaşlığı
vasitəsilə də qurulur. Cəmiyyətdə mütaliə və kitabxanada saxlanılan mənbələri
araşdırma meyllərinin artırılması məqsədilə kitabxana fondlarında saxlanılan və
tədqiqatçılara
məlum olmayan mənbələrin araşdırılıb üzə çıxarılması,
qruplaşdırılmış və ya kolleksiya formatında təqdim olunması həyata keçirilir.
Mövcud kolleksiyalara (Georq Hazai, Mirzə İbrahimov, Mikayıl Useynov,
Yevgeniy Belyayev, Abbas Zamanov, Yevgeniy Paxomov, Yevgeniy Bertels,
Zahid Hüseynzadə) əlavə olaraq müxtəlif meyarlar əsasında seçilmiş mənbələr –
elektron resurslar, 10 ən qədim kitab, Şərq Fondunun inciləri, Azərbaycan
Fondunun inciləri, Nadir Fondun inciləri – akademik icmaya və geiş ictimaiyyətə
təqdim olunur. Təqdimatlar hər həftənin cümə axşamı eyni vaxtda, personal və
oxucu girişlərində, eləcə də MEK-in saytında və Facebook səhifəsində təqdimatın
mövzusu və məkanı öncədən elan edilməklə keçirilir və tədbirdən sonra MEK
saytında yerləşdirilir.
MEK-də “Paralel sorğu” layihəsi. Oxucu zövqünün formalaşması və
istiqamətləndirilməsi, cəmiyyətdə mütaliə meylinin artması, kitabxana fondlarının
məqsədyönlü zənginləşdirilməsi funksiyası daşıyan və oxucu auditoriyasını
könüllü tərəfdaşa çevirən “Paralel sorğu” layihəsi həyata keçirilmişdir. Sorğu
iştirakçılarına – MEK istifadəçiləri və “MEK istifadəçisi olmayan ziyalılar”a “Son
bir ildə mütaliə etdiyiniz və oxunmasını tövsiyə etdiyiniz bədii və elmi əsərlər
hansılardır?” sualı ilə müraciət olunmuşdur. Sorğu nəticəsində iki siyahı
formalaşmış, siyahılarda adı çəkilən əsərlər kitabxana fondlarında yoxdursa əldə
edilib MEK fondlarına daxil edilmiş, oxu zallarında, MEK saytında və Facebook
səhifəsində yerləşdirilmişdir. Növbəti mərhələdə siyahılarda kəsişən adlar və
əsərlər müəyyən edilmiş, müəlliflər ilə görüş planı tərtib edilmişdir (məs., yazıçı
Rövşən Abdullaoğlu ilə 22 sentyabr 2016-cı il tarixində). Layihə 2017-ci ildə
davam etdirilir.
“MEK-də açıq kitabxana” layihəsi 15 iyul 2016-cı il tarixdən etibarən MEK-də
fəaliyyətə başlayıb.
“MEK-də Açıq Kitabxana” kimi başlayan layihəyə d
ünya
kitabxana təcrübəsində mövcud olan, Azərbaycanda
isə davamlı layihə şəklində
Mədəniyyət və Turizm Nazirliyinin və M.F.Axundov adına Milli Kitabxananın
təşəbbüsü ilə yaradılan “Açıq kitabxana” layihəsi “Mən oxudum, sən də oxu”
devizi ilə daha bir çalar – oxucular tərəfindən də kitabxanaya kitabların gətirilməsi
və mübadiləsi imkanını əlavə etdi. Layihənin məqsədi insanları maraq doğura
biləcək formatda mütaliəyə sövq etmək, kitab paylaşmaq və kitab hədiyyə etmək
mədəniyyətini təbliğ etmək, kitabxana imkanlarını oxuculara yaxınlaşdırmaq,
“məkan kitabxana kimi” yanaşmasını tətbiq etməkdir. Layihənin icrası MEK
istifadəçilərinin ən çox biri-biri ilə təmasda olduğu internet-kafe məkanında
başlanılıb. Artıq MEK-in mübadilə fondundan, əməkdaşların şəxsi kitab
fondlarından, oxucular və MEK-in ziyarətçiləri tərəfindən kitablar ayrılıb və
oxucuların sərbəst istifadəsinə verilib. Oxucular və əməkdaşlar “MEK – açıq
kitabxana” layihəsi çərçivəsində mütaliə etdiyi kitabı kitabxanaya bağışlaya və
oxumadığı kitabı aparıb oxuya bilərlər.
“Kitab hədiyyəsi aksiyası”. MEK mübadilə fondunda mühafizə olunan bir sıra
kitabların müəssisə və təşkilatların kitab ehtiyaclarını qarşılamaq məqsədilə
hədiyyə aksiyası çərçivəsində hədiyyə edilmişdir.
Beynəlxalq əlaqələr və təşəbbüslər
Sənəd mübadiləsi aparılan ölkələr və müəssisələr: ABŞ Konqres Kitabxanası,
Rusiya Milli Kitabxanası, Rusiya Dövlət Kitabxanası, Misir Milli Kitabxanasına,
Almaniyanın Potsdam Universitet Kitabxanası, Çin Milli Kitabxanası,
Bolqarıstanın Sofiya Universiteti, Cenevrə Botanika Mərkəzi, Berlin Universitet
Kitabxanası, Şotlandiyanın Edinburq Milli Kitabxanası, Sloveniya Akademiya
Kitabxanası, Polşa Universitet Kitabxanası, Fransa Mərkəzi Kitabxanası,
Rumıniya Elmlər Akademiyasının Kitabxanası, Yaponiya Neft – Kimya
Cəmiyyəti, Belarus Milli Kitabxanası, İngiltərə, Avstriya, Çexiya, İsveç, Səudiyyə
Ərəbistanı, Finlandiya, Bosniya və Hersoqavinya, Niderland, Misir, Macarıstan,
Serbiya, Meksika, Norveç, Özbəkistan, Türkmənistan, Qazaxıstan, Belçika, İtaliya
MEK-in abunə olduğu beynəlxalq e-resurslar: BIOONE URL, EBSCO
PREMIER, EDWARD ELGAR JOURNALS & DEVELOPMENT STUDIES E-
BOOKS, IOPSCIENCE, OXFORD ENGLISH DICTIONARY, OXFORD
REFERENCE ONLINE, ROYAL SOCIETY JOURNALS COLLECTION,