Azərbaycan Milli Elmlər Akademiyası Mərkəzi Elmi Kitabxana (mek) h e s a b a t 2016
Yüklə 388,4 Kb. Pdf görüntüsü
|
- Bu səhifədəki naviqasiya:
- Strateji hədəf 3. Peşəkar heyətin formalaşması.
- Azərbaycanca dil bölməsində Azərbaycan Milli Ensiklopediyasından məqalələrin yerləşdirilməsinə başlanılmışdır. Son iki ay ərzində 300-ə yaxın
təlim keçirildi, yeni elektron qeydiyyat bazası təqdim olundu və yeni elektron bazanın tətbiqi başlanıldı. Strateji hədəf 3. Peşəkar heyətin formalaşması. Peşəkar heyətin formalaşması təlimatlandırma və təlimin yerli və xarici təcrübə ilə interqrasiyası üzərində qurulub. Təlim mövzuları kitabxana idarəetmə sistemində texniki və proqram yenilikləri, universal sistemləşdirmə qaydaları, dünya elmi və mədəni irsinin Azərbaycan haqqında məlumatlar daxil olmaqla vahid qeydiyyat sisteminə salınması, sərbəst resursların formalaşdırılması və başqa istiqamətləri əhatə edir. Təlimlər MEK strukturu daxilində (1-ci kateqoriya), MEK strukturları arasında (2-ci kateqoriya) və kənar təşkilatlara (3-cü kateqoriya) aparılır. Peşəkar heyətin formalaşmasında MEK əməkdaşları Azərbaycanda və xarici ölkələrdə keçirilən tədbirlərdə vahid strategiya və mesajlarla, eləcə də təqdimat üslubu ilə çıxış edir, MEK-in kolleksiya təqdimatlarının, ekskursiyaların, təlimatların, konfranslarda çıxışların mövzuları uzlaşdırılır, tədbirlər əlaqələndirilir və komanda yanaşması tətbiq olunur. Peşəkar heyətin formalaşması daimi prosesdir, hesabat ilində əsasən aşağıdakı mövzularda həyata keçirilib:
İnformasiya Texnologiyaları, Beynəlxalq Münasibətlər və İctimaiyyətlə Əlaqələr, İnsan Resursları və İnzibati şöbələri üçün ayrı-ayrılıqda hazırlanmış “Əsasnamə və vəzifə öhdəlikləri” üzrə aparılmışdır. Çarpazlaşan və baza bilik və bacarıqların əldə olunması (2-ci kat.) spesifik fəaliyyətinə görə fərqlənən struktur bölmələri tərəfindən (“Kitabxana-Xidmət”, “Proqramçılar”, “Sərbsət Elektron Resurslar”, “Təlimlər” şöbə və bölmələri) biri- birinə və AMEA institutlarının əməkdaşları və kənar müəssisələrə (3-cü kat.) “Vikipediyada məqalələrin yerləşdirilməsi”, “Vahid Qeydiyyat Sistemi”, “Elektron resurslardan (EBSCO, Thomson Reuters-in Web of Science, OCLC, Royal Chemistry Society) istifadə qaydaları”, “Elmi-intellektual bazanın yaradılması” mövzularında təlimlər zamanı təmin olunub. Təcrübənin kənar müəssisələr ilə paylaşılması. MEK əməkdaşları ali təhsil müəssisələrin tələbələri və AMEA institutlarının əməkdaşları ilə təlim və təcrübə mübadiləsi həyata keçirir. MEK-də formalaşmış müasir təcrübənin tək kitabxanaçılıq sahəsində deyil, informasiya texnologiyaları sahəsində də tətbiq imkanları akademik müəssisələrin rəhbərləri tərəfindən qiymətləndirilmişdir. MEK-ə ünvanlanmış müraciətə əsasən adı çəkilən sahələrdə təhsil alan tələbələr, AMEA institutlarının kitabxana rəhbərləri və elmi işçilər üçün müxtəlif mövzularda təlim və təcrübə proqramı həyata keçirilmişdir. Əgər ilk mərhələdə tələbələr ilə təcrübə işinin əsas sahəsi MEK-in köçürülməsi zamanı kitabların üzərinə barkodların və e-çiplərin vurulması, siyahıya alınması, qablaşdırılması idisə, hazırda təcrübə proqramında “VİS-LİB” daxil olan resursların email modulları üzərində təcrübə, “Müasir rəqəmsallaşdırma”, “Elmi-intellektual bazanın
yaradılması”, “Vikipediya”, “Vahid Qeydiyyat Sistemi” kimi mövzular daxil edilib. Təlim və məşğələlərin əsas fərqi real rejimdə olması, iş yerlərində təcrübənin keçirilməsi, təlimdən sonrakı nəzarət, təlim iştirakçılarının elmi sahələrinə uyğun çalışmalar və sərbəst elektron resurslarda real yerləşdirmələrin olmasıdır. Ümumilikdə hesabat ilində 767 iştirakçıya 80 təlim keçirilmişdir. Peşəkar heyəti formalaşdıran təlimlər sırasında “Vikipediyada məqalələrin yerləşdirilməsi” və “Elmi-intellektual bazanın yaradılması” xüsusi yer tutur. Mühüm nəticə 4: Vikipediya elektron ensiklopediyasının Azərbaycanca dil bölməsində məqalələrin yerləşdirilməsi və redaktə edilməsi sistem şəklini almış, MEK əməkdaşları tərəfindən və MEK əməkdaşlarının Vikipediya mövzusunda keçdiyi təlim iştirakçıları tərəfindən SER-də yerləşdirilən məqalələrin sayı sürətlə artmış, Vikipediya elektron ensiklopediyasının Azərbaycanca dil bölməsində Azərbaycan Milli Ensiklopediyasından məqalələrin yerləşdirilməsinə başlanılmışdır. Son iki ay ərzində 300-ə yaxın məqalə yerləşdirilmişdir. Azərbaycanın qədim tarixinin və zəngin mədəniyyətinin, müstəqillik illərində qazanılmış siyasi, iqtisadi, sosial və mədəni nailiyyətlərinin təbliğ edilməsi, ana dilində informasiya resurslarından onlayn istifadə imkanlarının genişləndirilməsi və bu məlumatların sərbəst elektron resurslarda və sosial şəbəkələrdə daha geniş yer almasına nail olmaq məqsədilə “Vikipediyada məqalələrin yerləşdirilməsi” mövzusunda təlimlər silsiləsinə başlanılmışdır. Təlimlərin əsas məqsədi – elektron ensiklopediyada məlumatların və məqalələrin yaradılması prinsiplərini, qaydalarını və üsullarını öyrətmək, eləcə də Vikipediyada etibarlılıq səviyyəsi yüksək olan məqalə və məlumatların sayını artırmaq, məqalələrin redaktə edilməsini təmin etməkdir. AMEA müəssisə və təşkilatları tərəfindən yerləşdirilməsi nəzərdə tutulan materialların spesifikliyini nəzərə alaraq, AMEA-nın 24 təşkilatına hər müəssisəyə 5 gün olmaq şərtilə təlim keçirilmiş, təlimdən sonrakı nəzarət və məsləhətləşmə təmin edilmişdir. Ümumilikdə, MEK Təlimlər bölməsi tərəfindən AMEA-nın institut və təşkilatlarının əməkdaşlarına, eləcə də Bakı Dövlət Universiteti, Bakı Slavyan Universiteti, “İşıq” qadınlar klubu, QHT-lərə Dövlət Dəstəyi Şurası və ali məktəblərin tələbələrinə Vikipediya üzrə hər təlim qrupuna 5 gün olmaq şərtilə cəmi 28 təlim keçirilmiş, keçirilən təlimlərdə 167 nəfər iştirak etmişdir. Bütün təlimlər MEK vəsaiti hesabına keçirilmişdir. Strateji hədəf 4. Beynəlxalq əməkdaşlığın və ictimaiyyətlə əlaqələrin qurulması. MEK beynəlxalq münasibətlərin və ictimaiyyətlə əlaqələrin qurulmasını və inkişafını önəmli hesab edir. MEK haqqında məlumat əlçatan, dolğun və obyektivdir. AMEA Mərkəzi Elmi Kitabxanasının beynəlxalq münasibətləri və Yüklə 388,4 Kb. Dostları ilə paylaş:
|