Azərbaycan Milli Elmlər Akademiyası Mərkəzi Elmi Kitabxana (mek) h e s a b a t 2016
Yüklə 388,4 Kb. Pdf görüntüsü
|
- Bu səhifədəki naviqasiya:
- Başqa nəticələr: Qanunvericiliyə islahat yönümlü təkliflər verilib.
- Əməkdaşların geniş həcmdə sosial müdafiəsi həyata keçirilib .
- Vəsaitlərin xərclənməsi.
- MEK kitab və jurnal fondlarının zənginləşməsi
Qanunvericiliyə islahat yönümlü təkliflər verilib. 12 aprel 2016-cı il tarixində AMEA Mərkəzi Elmi Kitabxanasında “Kitabxana işi haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2016-cı il 4 mart tarixli 174-VQD nömrəli Qanununun tətbiqi haqqında Azərbaycan Respublikası Prezidentinin Sərəncamının icrasını təmin etmək məqsədilə MEK tərəfindən irəli sürülmüş təkliflərə həsr olunmuş konfrans keçirildi. Konfransda mövcud qanuna MEK tərəfindən irəli sürülmüş əlavə və dəyişikliklərlə bağlı təkliflər səsləndirildi. Təkliflər ümumi müddəalarda yer alan əsas anlayışlara verilən təriflərə düzəlişlər, kitabxana işi haqqında dövlət siyasətinin əsas prinsipləri və vəzifələri haqqında maddələrə yeni ifadələrin əlavə olunması, “Kitabxana sistemi” fəslində bəzi kitabxanaların statusunda dəyişikliyə dair, “Kitabxana fondu” adlı fəsildə yer alan maddələrə, eləcə də kitabxanaya vurulmuş zərərə görə məsuliyyət kateqoriyasına, kitabxana işçilərinin sosial müdafiəsi ilə bağlı maddəyə dəyişiklik, “Nəşriyyat işi haqqında qanun”a əlavə və dəyişiklikləri özündə ehtiva edir. Diqqət çəkən təkliflər sırasında “Nəşriyyat işi haqqında” Qanunun 18-ci maddəsinə kitabın buraxılış məlumatına dair Vahid Elektron Qeydiyyat-axtarış kataloqunun hazırlanması və tətbiqi məqsədi ilə biblioqrafik təsvirin mərkəzləşdirilmiş şəkildə təsnifat indeksləri daxil olmaqla universal standartlara uyğun olaraq verilməsi, təsvirin Azərbaycan, beynəlxalq və MARC 21 standartlarını özündə cəm etməsi, mərkəzi nəşriyyat portalında yerləşdirilməsi, Azərbaycan Respublikası ərazisində fəaliyyət göstərən kitabxanaların mərkəzi nəşriyyat portalına çıxışının olması və portal vasitəsilə vahid elektron biblioqrafik təsvirin eksport imkanının olması oldu. Təsvirin verilməsində müəllifin və ya tərtibçinin iştirakının zəruriliyi vurğulandı, təkliflər paketinə salındı və AMEA rəhbərliyinə təqdim olundu. Bunlarla yanaşı, Azərbaycan Respublikasının Prezidenti yanında Ali Attestasiya Komissiyası Heyətinin “Dissertasiyaların AAK-a təqdim edilməsi qaydaları haqqında” 16.11.2007-cı il tarixli (protokol № 17-R) qərarına əlavələrin edilməsi, “Azərbaycan Respublikasının Prezidenti yanında Ali Attestasiya Komissiyasının fəaliyyətini tənzimləyən bəzi normativ hüquqi aktların təsdiq edilməsi haqqında” Fərmanın “Dissertasiyaların təqdim olunması və müdafiəsi haqqında” maddəsinə dəyişikliklərin edilməsi ilə bağlı təkliflər də səsləndirilib.
Azərbaycanın MRY bazasının AMEA MEK-də formalaşdırılıb yerləşdirilməsini və kitabxanada vahid elektron idarəedilmə sisteminin qurulmasını nəzərə alaraq, elmi tədqiqat işlərinin vahid elektron “Elmi-intellektual baza”sının formalaşdırılması və mövcud elmi informasiyanın mübadiləsini təmin etmək məqsədilə, AMEA elmi müəssisə və təşkilatlarının kitabxanalarına Vahid elektron qeydiyyat sistemi tətbiq edilməsi qərarı verildi, eyni adlı elmi konfrans keçirildi, iştirakçıların yekdil rəyi ilə təşəbbüs dəstəkləndi, konfransdan sonra ümumi təlim və eləcə də MEK-də iş yerlərində hər təşkilat üçün fərdi təlimatlandırmalar aparıldı, təşkilatlara yeni Vahid elektron qeydiyyat cədvəli verildi. Nəticədə AMEA-nın 26 institutunun
kitabxanasında yeni qeydiyyat sisteminin tətbiqinə başlanıldı, qalanlarında isə yeni qeydiyyat sisteminin tətbiqinə hazırlıq işləri aparılır. Əməkdaşların geniş həcmdə sosial müdafiəsi həyata keçirilib . Əməkdaşların əmək hüquqlarının təmin edilməsi üçün ödənişsiz hüquqi xidmət, sağlamlıq hüququnun təmin edilməsi üçün ödənişsiz səhiyyə xidmətləri göstərilir. Müntəzəm olaraq MEK-in strukturunda yeni qurum kimi yaradılmış İctimai Səhiyyə bölməsi tərəfindən peşə xəstəlikləri, peşə zərərləri, mövsüm sağlamlıq problemləri ilə bağlı məlumatlandırma aparılmış, binanın optimal sanitar vəziyyəti təmin edilmiş, işçilərə iş yerlərində ilkin və təcili tibbi yardım xidmətləri göstərilmiş, işçilərə ambulator kartlar açılmışdır. İlkin tibii yardım 283 əməkdaşa, təxirəsalınmaz tibbi yardım 12 əməkdaşa, bilavasitə iş yerində tibbi yardım 6 əməkdaşa çağırış əsasında göstərilib. Tibbi yardım həmçinin oxucu, mühafizəçi, iaşə obyekti, “Elm” nəşriyyatı və Radiasiya Problemləri İnstitutunun əməkdaşlarına, Beynəlxalq Konfrans iştirakçılarına göstərilib. Səhiyyə Nazirliyinin Respublika QİÇS-lə Mübarizə Mərkəzi, İctimai Səhiyyə və İslahatlar Mərkəzi və başqa strukturları ilə əməkdaşlıq nəticəsində ödənişsiz səhiyyə xidmətləri, peşə xəstəliklərinin profilaktikası, ödənişsiz diaqnostik müayinələr (ginekoloq, mammoloq, stomatoloq, endokrinoloq, ekspress qan analizi) aparılmışdır, ilkin və təcili tibbi yardım göstərilmiş, əməkdaşların iş vaxtlarına və sosial xərcləmələr büdcəsinə qənaət edilmiş, daimi nəzarət məqsədilə individual ambulator kartlar açılmışdır. Respublika Epidemiologiya və Gigiyena Mərkəzi ilə əməkdaşlıq nəticəsində MEK kitab fondları, oxu zalları, personal otaqlarında, ictimai iaşə yerlərində sanitar normaları təmin edilmişdir. Əməkdaşlar bazar qiymətlərindən ucuz, geniş çeşidli və sağlam qida ilə təmin edilmişdir. MEK-də hüquqi yardım xidməti çalışır, Respublika 4 saylı Hüquqi məsləhətxanasının yüksək dərəcəli hüquqşunas heyəti ilə əməkdaşlıq edilir, müəssisənin və əməkdaşların hüquqları müdafiə olunur. Əməkdaşların sosial aktivliyi artırmaq məqsədilə qanvermə aksiyası keçirilmiş, aksiyada MEK-in və AMEA-nın institutlarından 62 əməkdaş iştirak etmiş, Mərkəzi Qan Bankına 28 litr qan göndərilmişdir. Vəsaitlərin xərclənməsi. MEK-ə 2016-ci il üzrə açılmış vəsait tam təyinatı üzrə və qənaətlə xərclənmiş, mühasibatlıq işləri elektronlaşdırılmış, əməkdaşlara mühasibatlığa dair informasiyanı əks etdirən fərdi qeydiyyat kartları açılmış, Dövlət Soial Müdafiə Fondu, Dövlət Statistika Komitəsi, Vergilər Departamentinə aylıq və rüblük hesabatlar vaxtında və dəqiq təqdim olunmuşdur. Bütün əməliyyatlar hesablaşma cədvəllərində, memorial orderlərdə və baş kitabda öz əksini tapmışdır. MEK kitab və jurnal fondlarının zənginləşməsi əsas hissəsində büdcə xərcləmələrinin hesabına yox, məcburi nüsxələrin, hədiyyələrin və mübadilə olunan mənbələrin hesabına baş vermişdi. Yeni çeşiddə və keyfiyyətdə e-resurslar yaradılıb və istifadəyə verilib. Bu
resurslara MEK-in elektron kataloqu, MEK-in rəqəmsallaşdırdığı sənədlər (Nadir Kitab Fondu, Şərq Ədəbiyyatı Fondu, Avropa ədəbiyyatı fondunda mühafizə Yüklə 388,4 Kb. Dostları ilə paylaş:
|