101
işıq salır.
“1926 və 1930-cu illərdə mən Bakıya səfər etmiş-
dim. Lakin o zaman Vəzirov Azərbaycanda deyildi.
Görünür, 1930-cu ildən sonra qayıtmışdır”
1
– deyə
nədənsə digər müasirləri ilə müqayisədə Yusif Vəzirin
şəxsiyyəti və ömür yolu üzərində daha geniş dayanan
müəllif fikrinə davam edərək yazırdı. Əslində isə
burada faktlara nabələdlik, yaxud yazıçısını daha çox
qaralamaq niyyəti göz önündədir. Doğrudur, Asan
Səbrinin I Türkoloji qurultaya qatıldığı 1926-cı ilin
fevralında Yusif Vəzir hələ vətənə dönməmişdi. Azər-
baycan hökumətinə müraciətindən sonra yalnız həmin
ilin aprelində Bakıya qayıda bilmişdi. Təbii ki, hər
şeylə belə yaxından maraqlanan Asan Səbrinin mət-
buatdan, yaxud Bakıda olduğu günlərdə ünsiyyət sax-
ladığı dairələrdən hər hansı məlumat almaması inan-
dırıcı görünmür.
Nəhayət, krımlı müəllif Yusif Vəzirlə bağlı xeyir-
xahlığı ilə seçilməyən, əksinə, əqidə və qələm yolda-
şının üzərinə kölgə salmağa xidmət edən fikirlərinə
yekun vuraraq yazırdı: “Bir neçə il bundan əvvəl
Azərbaycan türk mətbuatında dəfələrlə Vəzirov barə-
sində məlumatlar yayılmışdı. Onun proletar yazıçıları
cəmiyyətinin üzvü olduğu qeyd edilirdi. Yusif bəy
Vəzirovun proletar yazıçısına çevrilməsi məni xeyli
təəccübləndirdi. Qatı millətçi – müsavatçı, ittihadçı və
Antantanın casusu (! – V.Q.) Vəzirov indi gözlənilmə-
dən proletar yazıçısı olmuşdu! Onun xaricdən nə za-
1
Асан Сабри Айвазов. История национального движения в Крыму,
«Ватаным», 2005, № 3, 47-48.
102
man və hansı tapşırıqlarla qayıtdığı təbii ki, bəlli de-
yil, lakin fransız agenti olması faktdır!”
1
Asan Səbrinin şəxsiyyət və yaradıcılığına, habelə
ideallarının səmimiliyinə və gerçək türk sevgisinə,
Krım-tatar xalqına məhəbbətinə yaxşı bələd olduğu
azərbaycanlı həmkarı barədə belə qəzəb və hiddətlə
danışmasının səbəbləri qaranlıq qalır. Lakin sadəcə bir
məsələni unutmaq olmaz ki, sitat gətirdiyimiz sətirlər
NKVD zindanında yazılmışdı. Burada isə yalnız bir
janr – donos keçərli sayılırdı. Amma istənilən halda,
müəllifin fəaliyyətinə xüsusi diqqət yönəltdiyi Yusif
Vəzir işi başından aşan Krım ÇK-sı üçün o qədər də
zəruri obyekt deyildi. Lazımlı sayıldığı təqdirdə
Azərbaycan çekistləri məsələ ilə özləri məşğul ola bi-
lərdilər.
Elə isə yersiz canfəşanlığın səbəbi nə idi? Fikrim-
cə, əslində münasibətlərin gerçək mənzərəsi Krım-
tatar jurnalistinin təsvir etdiyindən fərqli səciyyə daşı-
yırdı. Asan Səbri ilə Yusif Vəzir biri-birlərini yaxşı ta-
nıyırdılar. Müstəqil Krım-tatar dövlətinin mövcudluğu
uğrunda birgə mübarizə aparmışdılar. Həmkar və
həmfikir olmuşdular. Mövcudluğu bir neçə ay çəkən
kiçik türk dövlətinin qurucuları sırasında yer almış-
dılar. Bolşevik zindanında mübarizə yoldaşlarından
imtina etmək, yaxud günahı onların üzərinə atmaq
perspektivsiz də olsa, çıxış yollarından biri sayılırdı.
Donosun yazılmasını zərurətə çevirən əsas amil də
yəqin özünüqoruma instinkti olmuşdu. Azərbaycanlı
1
Асан Сабри Айвазов. История национального движения в Крыму,
«Ватаным», 2005, № 3, 47-48.
103
həmkarını sərt ittiham etməklə, Asan Səbri müəyyən
mənada özünü sığortalamaq, ehtimali zərbələri ney-
trallaşdırmaq istəmişdi.
Əslində hadisələrin təsvir olunan məcrada cərəyan
etmədiyini, əksinə, tam fərqli xarakter daşıdığını sü-
buta yetirmək üçün yetərincə dəlil-sübutlar vardı. Bu-
rada həmin qəbildən olan maraqlı bir mənbəyə də
diqqəti çəkmək istərdim: 1919-cu ildə Yusif Vəzir
Azərbaycan Cümhuriyyətinin İstanbuldakı diplomatik
nümayəndəsi təyin olunanda, rusdilli “Tavriçeskiy
qolos” qəzeti Asan Səbrinin redaktorluğu ilə çıxan
“Millət”ə istinadən “Krımlı diplomatın karyerası” adlı
məqalə çap etmişdi. Bu barədə Yusif Vəzirin xarici
işlər naziri M.Y.Cəfərova 12 iyul 1919-cu il tarixli 32
saylı məktubunda məlumat verilirdi
1
. Mətni bütünlük-
də məktuba daxil edilən yazıda əsasən azərbaycanlı
diplomatın həmin dövrə qədərki fəaliyyətindən söz
açılırdı: “Millət” qəzetinin məlumatına görə, xarici
işlər naziri Cəfər Seyidəhmədin keçmiş müavini Yusif
bəy Vəzirov Azərbaycan Respublikasının Krım, Polşa
və Ukrayna hökumətləri yanında diplomatik nüma-
yəndəsi təyin olunub. Yusif bəy Vəzirov indi Simfe-
repoldadır, Tatar Direktoriyasının ədliyyə müşaviri və
milli siyasətə rəhbərlik edən üç şəxsdən biridir”
2
.
1
Азербайджанская Демократическая Республика (1918-1920). Внешняя
политика (Документы и материалы). Изд. »Азербайджан», Баку, 1998,
с. 293.
2
Карьера крымского дипломата, «Таврический голос», 1919 г., № 17
(sitat Азербайджанская Демократическая Республика (1918-1920).
Внешняя политика (Документы и материалы) kitabından (s. 293-294)
götürülüb.
104
Bir müddət sonra Yusif Vəzir yeni təyinatı ilə
əlaqədar Ağməsciddən ayrılanda Asan Səbri da daxil
olmaqla Tatar Direktoriyasının rəhbərliyi onun şərə-
finə qəbul düzəltmişdi. Tədbir yerli mətbuatda, eləcə
də “Millət” qəzetində işıqlandırılmışdı. M.Y.Cəfərova
yuxarıda istinad etdiyimiz məktubda bu barədə deyi-
lirdi: “Krımdan ayrılmadan əvvəl tatarlar şərəfimə
təntənəli vida yeməyi verdilər. Ziyafətdə parlamentin
sədri S.C.Xəttatov, müavini S.Özənbaşlı, parlament
üzvü Şəfiqə xanım Qasprinskaya, Tatar Direktoriya-
sının başçısı A.Misgərli, Hərbi Nazirliyin rəhbəri ge-
neral A.Milkovski, “Millət” (bir daha vurğulamağa
ehtiyac var ki, baş redaktor Asan Səbri idi – V.Q.) və
“Krım” qəzetlərinin redaktorları, Şəhər Dumasının
qlasnıları və başqa şəxslər iştirak edirdilər. Nitqlər
söyləndi və müstəqil Azərbaycan Respublikasının çi-
çəklənməsi şərəfinə badə qaldırıldı. Cavab nitqimdə
mən Krım tatarlarının və digər soydaşlarımızın gə-
ləcək mədəni tərəqqisində bizim respublikanın vacib
rolunu qeyd etdim”
1
.
Göründüyü kimi, milli müstəqillik və türk birliyi
eyforiyasının yaşandığı 1919-cu ilin yayında Asan
Səbri Ayvazovun nəzərində Yusif Vəzir qətiyyən “qa-
tı millətçi, müsavatçı, ittihadçı və Antantanın casusu”
deyildi. Hətta sonradan duyuq düşdüyü kimi, “fransız
casusu” da deyildi, sadəcə sadiq və səmimi mübarizə
yoldaşı idi. Onları birləşdirən kifayət qədər ümumi
cəhətlər, ortaq dəyərlər vardı. Lakin nəzərə alaq ki,
1
Азербайджанская Демократическая Республика (1918-1920). Внешняя
политика, с. 294.
Dostları ilə paylaş: |