33
məlumatlar vermiş, ölkənin mədəni inkişafında şəhərlərin aparıcı rolunu xüsusilə
qeyd etmişdir.
1685-1694-cü illərdə İranda və Azərbaycanda olmuş alman alimi və
səyyahı Engelbert Kempferin Azərbaycan (türk) dilinin Səfəvi dövlətinin
hüdudlarında aparıcı rolu, bu dilin zənginliyi və eyni zamanda sadəliyi, müsbət
keyfiyyətləri haqqındakı məlumatları çox əhəmiyyətlidir.
111
Avropa və Osmanlı
müəlliflərinin bəzi əsərlərində dəqiq olmayan məlumatlar (şəhər əhalisinin sayı və
s. haqqında) vardır. Lakin bu cəhət həmin əsərlərin əhəmiyyətini azaltmır.
XVIII əsrin əvvəllərindən Rusiya dövlətinin hakim dairələri “dənizlərə
çıxış əldə etmək” bəhanəsi ilə Cənubi Qafqazda, eləcə də Azərbaycanda öz
mövqelərini möhkəmləndirmək istiqamətində fəal tədbirlər görməyə başladılar.
Səfəvilər dövlətinin zəifləməsi buna əlverişli şərait yaratmışdı. Moskva knyazı
(1721-ci ildən isə Rusiya imperatoru) I Pyotrun təşəbbüsü ilə Cənubi Qafqaza
kəşfiyyat məqsədilə diplomatlar, “səyyahlar” göndərilirdi. XVIII əsrin sonunadək
Azərbaycanda olmuş rus “səyyahları”, “diplomatları” gördüklərini tərtib etdikləri
yol qeydlərində, gündəliklərində əks etdirmişlər. 1716-1718-ci illərdə
Azərbaycanda və İranda olmuş A.P.Volınskinin (1689-1740) fəaliyyəti bu
baxımdan diqqətəlayiqdir. Dövlət xadimi, diplomat olmuş A.P.Volınski 1716-cı
ilin martında Moskva knyazlığının elçisi sifətilə Səfəvilər dövlətinin paytaxtı
İsfahana gedərkən 3 aydan artıq Şamaxı şəhərində qalmış, I Pyotrun tapşırığı ilə
Şirvan haqqında siyasi və iqtisadi səciyyəli məlumatlar toplamışdı.
112
O, I Pyotrun
gizli tapşırığına əsasən Azərbaycanda yubanmalı, ölkə haqqında müfəssəl məlumat
toplamalı idi. A.P.Volınski geri qayıdarkən 8 aya yaxın Azərbaycanda qalmışdı.
113
Başlıca diqqətini hərbi, siyasi, iqtisadi, ticarət məsələlərinə, bölgədə yaşayan
xristian əhalisinin sayına, bu əhalinin siyasi mövqeyinə yönəltmiş A.P.Volınskinin
məlumatları Azərbaycanın XVIII əsr mühitinin öyrənilməsi üçün əhəmiyyətlidir.
Həmin əsrin 20-60-cı illərində Azərbaycanda olmuş rus elçilərinin məlumatları da
əsasən siyasi, iqtisadi səciyyə daşıyır.
114
Azərbaycan ədəbiyyatı inciləri orta çağların Azərbaycan mədəniyyətinin
öyrənilməsi gedişində mütləq nəzərə alınmalıdır. “Kitabi-Dədə Qorqud” dastanı
Azərbaycan tarixinin mühüm mənbələrindən hesab oluna bilər. XV-XVI əsrlərdə
yenidən yazıda maddiləşmiş bu şifahi ədəbiyyat incisinin ilk dəfə qələmə alınması
tarixinin X əsrdən əvvəlki dövrlə bağlı olduğu təxmin olunur.
115
VII-IX əsrlərdə
tam təşəkkül tapmış bu dastanda ən qədim dini-mifoloji təsəvvürlər və bəzi adət-
ənənələr oğuzların ibtidai dövrünə (III-IV əsrlərə), islamaqədərki tarixi dövrə
aiddir.
116
12 boydan ibarət olan “Kitabi-Dədə Qorqud” Azərbaycan mədəniyyəti
tarixinin misilsiz mənbələrindəndir. Orta çağlarda yaşayıb-yaratmış Azərbaycan
ədiblərinin (Əfzələddin Xaqani, Nizami Gəncəvi, İmadəddin Nəsimi, Şah İsmayıl
Xətai, Məhəmməd Füzuli, Molla Vəli Vidadi, Molla Pənah Vaqif və başqaları)
əsərləri də milli mədəniyyət problemlərimizin araşdırılmasına yardım edən
mənbələr sırasındadır.
34
§ 2. Problemin tarixşünaslıqda, elmi ədəbiyyatda
tədqiqi səviyyəsi
“Mədəniyyət” (“kultura”) anlayışının qədim tarixi vardır. Ərəb mənşəli
anlayış olan “mədəniyyət” “oturaq, köçəri olmayan, şəhər həyatına mənsubluq”
mənalarını daşıyır.
117
Avropa mənbələrində, elmi araşdırmalarında geniş istifadə
olunan “kultura” anlayışı isə ilk dəfə antik Roma natiqi və filosofu Mark Tulli
Siseronun e.ə. 45-ci ildə yazdığı “Tuskulan disputları” əsərində işlədilmişdir. Antik
müəllif “kultura”nı nəzəri anlayış kimi işlədirdi.
118
Bu anlayışı yeni mənada ilk
dəfə elmi dövriyyəyə 1767-ci ildə Şotlandiya tədqiqatçısı A.Fergüsson daxil
etmişdir. Anlayışın mahiyyəti haqqında elmi mübahisələr hələ də davam edir.
Mədəniyyət insanın və cəmiyyətin dəyişdirici fəaliyyəti prosesidir, bu
fəaliyyətin bütün növlərinin, habelə maddi və mədəni dəyərlərin dialektik
məcmusudur. Mədəniyyət “cəmiyyətin maddi həyat şəraiti və ictimai
münasibətlərinin başlıca cəhətləri ilə şərtlənmiş mənəvi həyatıdır ki, maddi həyat
şəraitinə, ictimai münasibətlərə özünün əks-təsirini göstərir”.
119
Kulturoloji
tədqiqat əsərlərində bu anlayışın müxtəlif izahı, tərifi verilir.
120
Mədəniyyət nəzəriyyəsi olmadan mədəniyyət tarixinin nisbətən müstəqil
elm sahəsi kimi meydana gəlməsi, təşəkkülü və inkişafı qeyri-mümkün olardı.
Mədəniyyət nəzəriyyəsi ilə mədəniyyət tarixi arasında əhəmiyyətli fərqlər var.
Elmlərdə gedən xüsusiləşmə prosesi tarix elmi üçün də səciyyəvidir. Mədəniyyət
tarixi bu prosesin nəticəsidir və o, nisbi müstəqilliyə malik olan sahədir.
Mədəniyyət tarixinin predmeti, tədqiqat obyekti bəşəriyyətin, cəmiyyətin, konkret
xalqın mənəvi həyatının inkişafı prosesidir. Əgər mədəniyyət nəzəriyyəsi bu
prosesi
konkret-tarixi
şəraitdən uzaqlaşaraq, yüksək mücərrədləşdirmə
səviyyəsində tədqiq edirsə, mədəniyyət tarixi mənəvi həyatın inkişafını konkret-
tarixi səviyyədə, dövrün, regionun, ölkənin xüsusiyyətlərini, konkret-tarixi şəraiti
nəzərə alaraq araşdırır. Mədəniyyət tarixinin mədəniyyət nəzəriyyəsindən başlıca
fərqi də məhz bundadır. Mədəniyyət tarixçisinin mənəvi həyatın bütün sahələri
üzrə (dil, ədəbiyyat, incəsənət, fəlsəfə, elmin müxtəlif sahələri, maarif və s.)
mütəxəssis olması vacib deyil və buna lüzum da yoxdur. Mədəniyyət tarixçisini
“birləşdirici ümumiləşdirmələrə yol arayan sintezatora” bənzətmək olar.
121
Mədəniyyət tarixi yeni sahədir. Hətta bir sıra Avropa ölkələrinin mədəni inkişaf
tarixinə həsr edilmiş ümumiləşdirici əsərlər yoxdur.
Azərbaycan mədəniyyəti ümumbəşər mədəni sisteminin tərkib hissəsidir
və bütün xüsusiyyətləri, səciyyəvi inkişaf tarixi, rəngarəngliyi ilə bu sistemdəki
qarşılıqlı təsir prosesindən kənarda deyildir. Bu mədəniyyət çoxəsrlik, ziddiyyətli
inkişaf prosesinin məhsuludur və ona bəsit yanaşmaq elmi araşdırmalarda
birtərəfliliyə gətirib çıxara bilər. Milli mədəniyyəti qapalı sistem kimi öyrənmək
meyli düzgün elmi nəticələr çıxarmağa imkan vermir. Dinamik və ziddiyyətli
Dostları ilə paylaş: |