Azərbaycan Respublikasının Dövlət Ədəbiyyat və İncəsənət Arxivində
H.Zeynallıya aid fond №160, siyahı №1-də on dörd qovluq mühafizə
edilməkdədir. Qovluqların 13-ü bütövlükdə H.Zeynallının nağılşünaslığa
dair fəaliyyətinin bir qismini əks etdirir. 14-cü qovluq isə xalq mahnıları-
na aid materiallardan ibarətdir.
Bu qovluqlarda H.Zeynallının “Azərbaycan nağılları” adlı nəşrə hazır-
ladığı kitabın ayrı-ayrı bölmələri mövcuddur. 9-cu saxlama vahidindəki
“Türk nağılları haqqında” adlı mənbədə müəllif qeyd edir:“Türk nağıl-
larının birinci cildində 86 nağıl toplanmışdır ki, bunlar üç bölümə ayrıl -
mışdır...”. Bu cümlədən belə nəticəyə gəlmək olar ki, müəllif nağıllar
haqqında bir neçə cildin nəşr edilməsini planlaşdırıbmış.
Qovluqlarda mühafizə edilən materiallar üzərində müəllif tərəfindən
düzəlişlər edilmiş, vərəqlər səhifələnmiş, bölmələr bir neçə dəfə nöm-
rələnmiş və müəyyən sistematikaya salınmışdır. Buna görə də aşağıdakı
biblioqrafik təsvirlərdə dəqiqlik və ardıcıllıq olsun deyə ən son sadə qə -
ləmlə arxivin əməkdaşları tərəfindən aparılmış səhifələmə işi (rəqəmləri)
göstərilmişdir. Qovluqlarda vərəqlərin böyük əksəriyyətinin formatı
18x22 ölçüsündədir (indiki A4-ə uyğun) və bəzən bu vərəqlərin yuxarı,
yaxud aşağı hissəsinə əlavə vərəqlər yapışdırlımışdır. Bir qədər kiçik öl -
çülü kağızlarda (şagird dəftərindəki vərəqlərdən ibarət) əlyazmalarına da
rast gəlmək mümkündür. Bütün qovluqlardakı hər yeni başlıq alim tərə -
findən nömrələnmişdir. Vərəqlər üzərindəki əlyazma nömrələrdən başqa
kağızın yuxarı sol küncünə əlavə balaca çap yazısı ilə olan nömrəli
vərəqlər yapışdırılmışdır. Qovluqlardakı vərəqlərin üzərində əlyazısı ilə
olan rəqəmlərlə, bu cür sonradan yapışdırılma kağız üzərində olan nöm-
rələr bəzən eyni olur. Bu müəllifin özü tərəfindən aparılmış nömrələmə
işidir. Məsələn: 8-ci saxlama vahidi altındakı “Azərbaycan türk nağılları
(qısa xarakteristikası)” başlıqlı əlyazmasındakı “269” rəqəmi üç dəfə
(sonradan vərəqə əlavə yapışdırılmış balaca kağızda da “269” yazıl mış -
dır), qırmızı qələmlə yazılmış “76” rəqəmi iki dəfə, “Kitabın içindəkilər”
(s.v.10) vərəqində “297” rəqəmi iki dəfə yazılmışdır. Digər vərəqlərdə də
bu cür nömrələrin təkrarları mövcuddur. Mümkündür ki, müəllif öz fon-
dundakı yazılarının ardıcıllığını bu cür nömrələmişdir. Əgər bu ehtimal
həqiqətdirsə, o zaman arxiv materiallarının böyük hissəsi “yoxdur” de -
məkdi. Çünki, vərəqlərdəki rəqəmlərin nə ilk, nə son, nə də xroniki ar dı -
cıllığını izləmək mümkün deyildir. Bir qism vərəqlərdə isə SSR AEA-nın
möhürü və inventar nömrəsi yer almaqdadır.
2014/
I
86
H.Zeynallı qələminin nəfəsini, dövründəki sözlərin gözəlliyini müasir
təlatümə qatmamaq üçün zamanında müəllif kəlmələrə necə həyat ver-
mişdirsə, eləcə də bu yazıda istifadə edilmiş sitatlar üzərində heç bir də-
yişiklik edilməmişdir.
H.Zeynalının arxivindəki sənədlərə əsasən göstərmək olar ki, nəşrini
nəzərdə tutduğu “Azərbaycan nağılları” kitabının quruluşunu belə nə zər -
də tutmuşdur. Bölmələrin nömrələnməsi müəllifin öz qeydləridir.
Kitabın içindəkilər:
I Müqəddimə
II Giriş – (nağılların qısa xarakteristikası)
III Nağıllar
IV Şərh və izahlar
V Nağıllarda rast gələn dialektizmlər
VI Lüğətçə
VII Qeydlər
VIII Paralel və müvafiq nağıllar göstəricisi
IX Biblioqrafiya
Bu başlıqlara dair materiallar müəllifin özü tərəfindən zamanında hazır
edilmişdir və onlar hazırda H.Zeynallının arxivində var olmaqdadır. Qov -
luqlarda yalnız alimin səkkizinci bölməyə daxil etmək istədiyi “VIII Para -
lel və müvafiq nağıllar göstəricisi” adlı materiala rast gəlinmədi. Qalan
digər bölmələrin hamısı artıq alim tərəfindən nəşr üçün hazır edilibmiş.
Alimin arxivindəki materialların təsviri aşagıda öz əksini tapmaqdadır.
1.Azərbaycan nağıllarına müqəddimə - biblioqrafiya - fond 160, si -
yahı 1, s.v.1.- latın əlifbasında, Azərb. dilində, makina yazısı, üzərində
düzəlişlər edilmişdir - 8 v.
Bu saxlama vahidi altındakı qovluqda H.Zeynallının kitaba daxil etmə -
yi nəzərdə tutduğu “biblioqrafiya” IX bölümə (müəllifin təqdim etdiyi
“kitabın içindəkilər” yazısına əsasən (s.v.10) aid ədəbiyyat siyahısı yer
alır. Bu ədəbiyyat siyahısı H.Zeynallının A.V.Baqri ilə birlikdə 1935-ci
ildə Moskvada “Academia” nəşriyyatında nəşr etdirdikləri “Azərbaycan
türk nağılları” adlı kitabındakı “Biblioqrafiya” başlıqlı bölməyə daxil
edilmiş biblioqrafik təsvirlərdən yalnız edilmiş bir neçə əlavələri ilə fərq -
lənir (2). Məsələn, 2-ci ədəbiyyat S.M.Qənizadənin “Tülkü və Çax-çax
bey.- Bakı, 1896.; Səkkizinci vərəqə daha iki ədəbiyyat – 53. A.А.Ра тас -
кевич. Персидские народные сказки. М.-Л. “Academia” C.39-387; 54.
J.Balte, G.Polivka “Anmerkungen zu den kinder u Hausmärch der Brüder
2014/
I
87
Grimm” Leipzig. 1913-1918. I-III. Berlin.”- əlavə edilmişdir. Nə üçünsə
H.Zeynallı öz dəsti-xətti ilə yazdığı bu son iki təsvirin üstündən xətt çək-
mişdir. Həmçinin müəllif 3-cü vərəqə əlavə etdiyi “Biblioqrafik məlumat
Zeynallı və prof. Baqri tərəfindən tərtib edilmişdir” əlyazmasının da
üstündən xətt çəkmişdir. Müqayisə üçün göstərək ki, “Azərbaycan türk
nağıllarında” 51, sözügedən bölmədə isə 53 ədəbiyyat qeyd edilmişdir.
Əslində ədəbiyyat sıyahısında sonuncu rəqəm 54-dür, lakin 49-cu rə qə -
min ədəbiyyatı yarımçıq buraxılmışdır.
2. Azərbaycan nağılları / toplayanı H.Zeynallı.-1936- C.I.- fond 160,
siyahı 1, s.v.2.- latın əlifbasında, Azərb. dilində, makina yazısı, üzərində
dü zəlişlər edilmişdir - S. 9-224.-215 v.
Bu saxlama vahidi altında aşağıda təqdim edilən nağılların mətnləri
top lanıl mışdır. Burada da nağıl mətnləri qovluqda yer aldığı ardıcıllıqla,
həmçinin müəllifin özünün qələmə aldığı ardıcıllıqla verilir. Ümumiy -
yətlə, ikinci, üçüncü və dördüncü saxlama vahidləri altında müəllifin tərt-
ib etdiyi nağılların mətnləri toplanılmışdır.
10-cu saxlama vahidi altında nağılların mündəricatdakı əksi (Kitabın
içindəkilər - S.10-13. - 3 nüsxə) yer almaqdadır. Nağılların mətndəki ad -
ları mündəricatdakı adları ilə cüzi fərqləndiyi üçün aşağıda nağılların bib-
lioqrafik təsviri hər iki formaya uyğunlaşdırılmışdır. Öncədən qeyd edək
ki, buradakı nağılların hamısı makina yazısıdır və üzərlərində dü zə lişlər
edilmişdir. Müəllif özü nağılları nömrələmişdir, lakin mündəricatdakı
rəqəmlər mətnlərdəki rəqəmlər ilə bəzən müxtəliflik yaradır. Buna görə
də aşağıdakı nağılların təsvirlərində müəllifin verdiyi hər iki böl mə nin
rəqəmləri göstərilmişdir. Mündəricatdakı rəqəmlər ardıcıldır və
mətnlərdəki rəqəmlərlə fərqlilik yaranarkən bu haqda yeri gəldikcə aşağı-
dakı təsvirlərdə məlumat verilmişdir. Həmçinin aşağıdakı təsvirlərdə bir
neçə nağılın sonunda səhifəsi göstərilməmişdir. Bu həmin nağıl mətninin
həmin qovluqda mövcud olmamasından irəli gəlir. Sadəcə olaraq nağılın
adı mündəricatda qeyd edildiyi üçün bu təsvirlərə daxil edilmişdir. Görü -
nür bu müəllifin yarım qalmış həyatının tamamlanmamış səhifələridir.
26 nağıl mətninin sonunda müəllif pasport qeydi versə də (bu qeydlər
aşağıdakı təsvirlərdə öz yerini almaqdadır) sonra bu informasiyaların
üzərindən xətt çəkmiş, belə təsvirə lüzum bilməmişdir. Çünki, o, bu haqda
13-cü saxlama vahidi altında mühafizə edilən qovluqdakı “Qeydlər” böl -
məsində ayrıca informasiya vermişdir. Müəllifin tərtib etdiyi və 2-ci sax -
lama vahidi altında olan nağıllar (I hissə) bunlardır:
2014/
I
88
Dostları ilə paylaş: |