_________Milli Kitabxana_________
168
qalmış, Gədəbəy rayonunun Söyüdlü kəndində məskunlaşmış və
burada da vəfat etmişdır. Aşiq Savad Şəfiqizinin həyat yoldaşı Te-
mirdən saz çalmaq öyrənməsi onun ictimai mövzularda qoşmalar
yazmağında az rol oynamamışdır. O, aşıqlıq etmiş, məclislərdə, el
şənliklərində özünün, xüsusən də ustad sənətkarların dillər əzbəri
olan şeirlərini oxumuşdur. Onun “Olarmı”, “Götür” rədifli qoşması
və gəraylısı vətən həsrətinə həsr olunmuşdur.
Başxanım Şəfiqızının qoşmalarında vətən sevgisi, övlad
məhəbbəti, sənətə qiymətlə yanaşı, bir nisgil də hiss olunur. Bö-
yük Vətən müharibəsində həlak olmuş iki oğlunun dərdi onun
poetik misralarında öz əksini tapmışdır:
Fələyin özü də sağalda bilməz,
Bədənimdən bir cüt qolum kəsilib.
Sözüm
kəndirlənib, kəlməm dolaşır,
Sitəm xəncəriylə dilim kəsilib, –
deyən şair “Gəlin”, “Sən götür” rədifli şeirlərində və silsilə baya-
tılarında çəkdiyi qəm-qüssəni, tökdüyü göz yaşını, fələyin sitəmi-
ni bədii dillə tərənnüm edir. Onun şeiriyyəti oğlu şair Xəyallı Hə-
sənin yaradıcılığına bir təkan, bir ədəbi məktəb olmuşdur. Dayısı
Molla Hacı Rəhimin tərbiyəsi ilə formalaşan Hacıyev Həsən
Məhərrəm oğlu (1903-1966) dini təhsil alan, molla kimi tanınmış
və şair Xəyallı Həsən kimi şöhrət qazanmışdır. O, dövrünün Aşıq
Ələsgərin qardaşı oğlu Nəçəflə, Aşıq Hüseyn Bozalqanlı, Abdul-
la, Bəhmən Göyçəli, Aşıq Əsəd, Ağdabanlı Şəmşir və b. kimi sə-
nətkarları ilə dostluq etmiş, 2000 beytə yaxın şeir yazmışdır. Tək-
cə şeir yazmaqla kifayətlənməmiş, xalqın yaddaşından dastan və
nağıllar toplamaqla məşğul olmuşdur. Onun arxivində çapı vacib
olan böyük həcmli “Dərvişi Beççə” nağılı, “Abbas və Gülgəz”,
“Qurbani və Pəri xanım” dastanlarının çap olunmamış variantları,
el şairlərinin şeirləri vardır.
Xəyallı Həsənin “Alındı”, “Gəl alım”, “Olar” rədifli şeirləri
böyük sənətkar olduğunu, aşıq şeiri üslubunda əvəzsiz nümunələr
yaratdığını göstərir. ”Nurlar” nəşriyyatında şairin “Axtar məni”
şeirlər kitabı 2006-cı ildə işıq üzü görmüşdür. Həsən Xəyallının
_________Milli Kitabxana_________
169
övladları Sərraf Şiruyə, Nəbi, Əmirxan, Aqil İman, nəvələri Qıl-
man İmanlı, Züfiyyə, Aqşin onun layiqli davamçılarıdır. Poeziya
aləmində öz imzaları və çoxsaylı kitabları ilə məşhurdurlar. Sər-
raf Şiruyə “Ağlama, bülbül, ağlama”(1994), “Ölümdən sonrakı
ömür” (1997), “Bu ocağın odu sönməz” (1998), “Cəsurlar”
(2000), “İgid ölər, adı qalar” (2000), “Ayrılığın sonu varmış”
(2006), “Könlüm Göyçəni istər” (2006), “Tərtərin yaralı cənga-
vərləri” (2006), “Mən haqqa sığınmışam” “Hər görüş bir xatirə-
dir” (2007), “Göyçədən gələn səslər” (2008), Zülfiyyə Şiruyəqızı-
nın “Mən bir sınmış budağam”, Qılman İmanın “Səni axtarırdım
özümü tapdım” (2004), “Hardan düşdün yadıma sən” (2008) şeir-
lər kitabının müəllifləridir. Yeri gəlmişkən qeyd edim ki, Sərraf
Şiruyə aşıq şeirinin “təcnis” janrında ən çox yazan, müasir Azər-
baycan ədəbiyyatında qüdrətli təcnis ustadı kimi tanınır.
Məmməd (İrəvanlı) Cəfərov 1894-cü ildə İrəvan quberni-
yasında Keşişkənddə anadan olmuşdur. O, öz tərcümeyi-halında
yazır: “1904-10-cu illərdə muzdurluqla yaşamışam. 1910-1914-
cü illərdə Ukraynanın Tuva vilayətində su kəməri tunelində işlə-
mişəm... 1914-1917-ci illərdə Bakıda Musa Nağıyevin neft bu-
ruqlarında fəhlə işləmişəm... 1917-1920-ci illərdə erməni-Azər-
baycan savaşında Bakıdan İrəvana getdim. Orada da yaşamaq
mümkün olmadı. 1920-1926-cı illərdə Gədəbəy mahalında yaşa-
mışam...” Didərginlik həyatı yaşadığı bu illərdə aşıq Məmməd
Cəfərov dərdini saza söyləmiş, onunla həmdərd olmuş, yaşayış
yerini dəyişmiş, Ağdamın Qərvənd kəndində məskunlaşaraq həm
təsərrüfatla məşğul olmuş, həm də aşıq sənətini özünə peşə
seçmiş, el şənliklərində çalıb-oxumuşdur.
Məhərrəm Alçalı (1825-1910) Göyçənin Alçalı kəndindən-
dir. O, aşıqlar arasında Aşıq Məhərrəm kimi tanınmış el şairi-
aşıqlarındandır. Onun həyatı çox məşəqqətli və ziddiyyətli keç-
miş, 1905-ci ildə ermənilərin Göyçədə törətdikləri qırğınlardan
bərk sarsılmış, gördüyü hadisələri şeirlərində təsvir etmişdir:
Yaşılbaş sonalar tərk oldu səndən,
Həsrət qaldın gəlin-qıza, bulaqlar.
_________Milli Kitabxana_________
170
Aşıq Məhərrəmin yaradıcılığında deyilənlərə görə ustadna-
mələr çoxluq təşkil etmişdir. Lakin bəziləri başqa aşıqların şeirlə-
rinə qarışdığından, çox az qoşmaları aşıqlar tərəfindən ifa olunur.
“Bulaqlar” şeirindən onun təbiətə vurğunliğu daha aydın görünür:
Qarlı dağlar alçaqlanmaz, ucalmaz,
Leşkər çəkib xotkarlardan bac almaz.
Orda gəzən qüssə çəkməz, qocalmaz,
Yetirsə də sinni yüzə bulaqlar.
...Məhərrəm arzular qəlsin baharın,
Ərisin kirmələr, tökülsün qarın.
Dahanda dad versin abı-kövsərin,
Olsun içənlərə məzə bulaqlar.
Muğum Məmmədov 1903-cü ildə Göyçə mahalının Zağalı
kəndində anadan olub, uşaqlıq illəri muzdurluqda keçsə də, qaç-
qınlığın başlandığı ilk vaxtlarda Gəncə şəhərinə köçmüş, saza, sö-
zə olan həvəsi onu Ağdaş diyarının Ləki kəndinə, oradan da Şə-
kinin Göybulaq kəndinə gətirib çıxardıb. Ağır, əzablı, yoxsul
günlər keçirən Muğum 1927-ci ildə Cəfərabadda məskunlaşıb.
Burada təsərrüfat işlərində, müxtəlif vəzifələrdə çalışıb, təqib olu-
naraq həbsxanaya düşüb. Həbsxanadan qayıdandan sonra Şəki di-
yarında tanınmış aşıqlardan biri kimi, Göyçə aşıq sənətinin özəl-
liklərini iştirakçısı olduğu məclislərdə yayıb.
XX yüzilliyin ortalarında Göyçə aşıqlığında yüksək ifaçılıq
məharəti göstərmiş ustad sənətkarlardan biri Aşıq Hümmət Mə-
hərrəm oğlu Daşdəmirov (1876-1951) gənc yaşlarından şeirə,
saz sənətinə maraq göstərmiş, ustad yanında şəyirdlik etmiş, pe-
şəkar ifaçı aşıq kimi məclislər keçirmiş, ustadlıq etdiyi həmkən-
dlisi Aşıq Rəcəb Əli oğlu Əhmədov (1913 -2006) saz çalmağı
ondan öyrənmişdir
Аşıq Hümmət Dаşdəmirоv gənc yаşlаrındаn Göyçənin
Inəkdаğı kəndində məşhur еl sənətkаrı Аşıq Qəhrəmаnın yаnındа
şəyirdlik еtmiş, ustаdındаn хеyir-duа аlаndаn sоnrа pеşəkаr-ifаçı
аşıq kimi məclislər keçirmiş, öz sənətini istəyində olanlara
həvəslə öyrətmişdir. Həmkəndlisi Аşıq Rəcəb, qаrdаşı оğlu
Dostları ilə paylaş: |