233
Azər Almaniyada, Rur vilayətində kömür mədən-
lərini gəzib, alman fəhlələrinin ağır həyatı ilə tanış olur.
Bu mədənlər ―Dantenin cəhənnəmindən seçilməyən‖
yoxsullar məzarıdır. Bu məzarın qurbanları isə qabarlı
əllərdir. Əsarət və köləliyə qarşı çıxan fəhlələri
sahibkarlar işdən qovmuşdur. Özlərini fəhlələrin rəhbəri
adlandıran yalançı sosialistlər isə sahibkarları müdafiə
edirlər. Azər öz ixtiyarlarını, talelərini kapital
xidmətində olan yalançı sosialistlərə tapşırmış fəhlələrin
sadəlövhlüyünə acıyıb, onlara yeni, namuslu rəhbərlər
arzu edir (―Kömür mədənində‖.)
―Azər‖ dastanında Cavid məzlum Şərq xalqlarından
bəhs
edirkən
fars
feodallarının
və
imperialist
müdaxiləçilərinin zülmü altında inləyən qardaş-ba-
cılarını, cənubi azərbaycanlıları da unutmur. Dastanın ən
qiymətli, məzmunlu parçalarından biri olan ―Kor
Neyzən‖ hissəsində şair İran feodalları tərəfindən gözü
çıxarılmış bir urmilinin faciəli həyatını təsvir etmiş, bu
qəhrəmanın həyatı ilə müstəmləkə şəraitində yaşayan
Cənubi Azərbaycanın bütün zəhmətkeşlərinin qəmli
taleyini ümumiləşdirməyə müvəffəq olmuşdur.
Azər Sovet Azərbaycanında kənddə gəzib dolaşırkən
uzaqdan, bir bağçadan qəmli bir ney səsi eşidir. Bu səs
onun bütün varlığını sarsıdır, neyin təsirindən beli
bükülmüş kimi əsasına dayanaraq, addım-addım səs gələn
tərəfə gedir. Həmişə şad görünən Azərin bu kədərli halı
suya gedən tanış kənd qızlarının təəccübünə səbəb olur.
Qəmli ney səsi təbiətə də təsir edirmiş kimi üfüqlərdə
ulduzlar qızarır. Zöhrə ulduzu da Azərə baxıb durur;
sanki o da bu səsdən həyəcanlanmışdır.
Neyin səsini yaralı qəlbin fəryadına oxşayan bir mahnı
təqib edir. Azər bağçaya daxil olur. Bir çardaq altında iki
gözdən, dünya işığından məhrum edilmiş bir kor
əyləşmişdir. Ney çalan, qəmli mahnılar oxuyan da odur.
234
Azər salamlaşır, hörmətlə qəbul edilir. Bu dərdli insanın
həyatının qəmli tarixçəsi ilə tanış olur, adını soruşur.
Bədbəxt
adamın
adı
Qəhrəmandır.
O,
Cənubi
Azərbaycandan, Urmi şəhərindəndir. Vətənində bir əsir
kimi yaşamış Qəhrəman illərlə əfşar elindən olan bir
xana mirzəlik etmişdir. Xanın heç də atasına oxşamayan
nəcib qızı Mələknisa Qəhrəmanı sevmiş və ondan da
qarşılıqlı bir məhəbbət görmüşdür. Lakin xan öz qızının
Qəhrəmana aşiq olduğunu bilincə qəzəblənib zavallı
katibin gözlərinə mil çəkdirmiş, onu əbədi dünya
işığından məhrum etmişdir. Qəhrəman da, ―Şeyx
Sənan‖dakı kimi, ―könüldə nuri-məhəbbət, gözündə
pərdeyi-zülmət‖ olan korlardan birinə çevrilmişdir. Sonra
o, xanlar, ərbablar mühitində yaşaya bilmədiyindən qoca
dayısı ilə vətənin şimal hissəsinə, Sovet Azərbaycanına
gəlmişdir.
İndi Qəhrəman burada insan kimi azad yaşamağa
imkan tapmışsa da, yenə Urmini və ilk sevgilisi Mələk-
nisanı unuda bilmir. Çalıb inlətdiyi ney, qoşduğu
mahnılar da bu hicran dərdinin ifadəsidir. Qəhrəmanın
faciəsindən son dərəcə mütəəssir olan Azər ―gəl səninlə
sirdaş olaq‖ deyə onun yanında əyləşir, bir də çalıb
oxumasını xahiş edir. Qəhrəmanın yeni mahnısı füsunkar
Cənubi Azərbaycan torpaqlarının, gözəl Urminin tərifi ilə
başlayır:
Urmi bir şəhərdir, ətrafı gülzar,
Gül bağları var ki, gəzənlər azar
Zərdüştün günəşi orda az qızar.
Çox zaman mayisdən seçilməz yazı,
Xoşdur o torpağın hər sözü, sazı.
Urmi bəzi cəhətlərdən Zərdüştə oxşayan Azər üçün də
doğma bir diyardır. Zərdüşt də bu şəhər ətrafında
235
doğulmamışdırmı? Belə olduqda o bu mahnıdan necə
mütəəssir olmaya bilər? Qəhrəman öz mahnısını davam
etdirir:
O gül diyarında şən bir bülbülə
Uyub qondum mən də bir qonçə gülə.
Xain bir ovçunun namərd əliylə
Ömrümün baharı xəzanə döndü,
Dünya gözlərimdə zindana döndü.
...Yardan uzaq düşdüm, gəlib gedən yox,
Uğrunda bitdiyim nazik-bədən yox.
Dərd alıb sağımı, ölüm solumu,
Namərd Araz kəsdi mənim yolumu.
1
(―Kor Neyzən‖.)
Cavidin bu illərdə Cənubi Azərbaycan xalqının taleyi
ilə xüsusi maraqlanması onun yaradıcılığında və
görüşlərində son dərəcə diqqətəlayiq bir hadisə idi. Bu,
Caviddə vətənpərvərlik hisslərinin yeni, geniş məzmun
kəsb etdiyini göstərirdi. Heç təsadüfi deyildir ki, haman
illərdə şair Cənubi Azərbaycan həyatından bəhs edən
―Telli saz‖ adlı ayrıca bir dram da yazmışdır. Dramda
Sovet Azərbaycanının yeni, azad həyatı ilə Cənubi
Azərbaycandakı müstəmləkə zülmü qarşılaşdırılır. Şair
qardaş-bacılarını azadlıq uğrunda yeni mübarizələrə
səsləyirdi. Çox təəssüf ki, bu əsər, onun məzmunu bir
çoxlarına məlum olsa da, əlyazması hələlik əldə yoxdur.
―Azər‖də müharibə əleyhinə mübarizə mövzusu da
mühüm yer tuturdu. Almaniya və İtaliyada faşizm ideya-
larının yayıldığı illərdə Qərb həyatı ilə bilavasitə
yaxından tanış olan şair imperialist dövlətlərin yeni bir
dünya müharibəsi hazırladıqlarını hiss etmişdi. Şair üçün
aydın idi ki, burjua diplomatiyası aləmində zahirdə
1
H.Cavid. Seçilmiş əsərləri, səh. 611.
Dostları ilə paylaş: |