Azərbaycan mühacirət irsi 1
Azərbaycan mühacirət irsi
Yüklə 2,04 Mb. Pdf görüntüsü
|
- Bu səhifədəki naviqasiya:
- Azərbaycan mühacirət irsi
- - 27 Aprel 1920-ci il... Ölkəmizin gözəl üfüqlərində dalğalanan Milli Azərbaycan Bayrağının endirilərək
- İstiqlal, Hürriyyət, Milli Hegemonluq şüarımızdır deyə hayqıraraq, mənəviyyatımızın sapsağlam olduğunu, davamızda səbatlı olduğumuzu bir kərə daha dünya əfkarı
- QARDAŞ YARDIMI (Qəhrəman Türk Ordusunun Azərbaycana girişinin 39-cu ildönümü münasibətilə)
Azərbaycan mühacirət irsi 156 rus millətlərin təbii sərvətlərindən əldə etdikləri gəliri, dünya kommunizminin və proletar diktaturasının qurulmasına sərf edərək, hürr insanlığa gətirmək istədikləri “haqq, ədalət, kültür, yaradıcı zehniyyət, milliyyət və fərd hürriyyəti ilə üsuli idarəsinin” canlı bir örnəyi... Əlbəttə, dünya mədəniyyətinə əsrlərcə hizmət etmiş, hürr yaşamaqda ikən silah zoru və sinsi taktiklər ilə kölələşdirilən mədəni bir millətin bolşevik idarəsindəki halı... - 27 Aprel 1920-ci il... Ölkəmizin gözəl üfüqlərində dalğalanan Milli Azərbaycan Bayrağının endirilərək, İstiqlalının rus-bolşevikləri tərəfindən çalındığı bir gün... Qızıl Rus – bolşevik orduları orduları tərəfindən istila edilən Azərbaycan, qanı bahasına 28 May 1918-ci ildə qazanmış olduğu Milli İstiqlalını itirdiyi kimi, ən seçkin övladlarının da həm vətən daxilində, həm də xaricində işğal dövrü mücadilələrində qurban vermişdir. Nə öz torpağımız, nə də bu torpağın yetişdirmiş olduğu Milli Azərbaycan gəncliyi, bu qəhrəman Mücahitləri bir an da özlərindən ayrı görməyəcək, onların əziz ruhlarını istiqlal eşqi ilə dolu isti və səmimim bağırlarına basacaq, Azəri Milliyyətçiliyinin bir həqiqi örnəyi olaraq, abidələşmiş Milli İstiqlal mücadiləsinin təməl daşı kimi daima mənəvi hüzurlarında əyiləcək və beləcə şan və şərəflə dolu xatirələrini yaşadacaqlar. İkinci bir 28 May günü mütləq yaxınlaşmaqdadır; yaxınlaşan bu May günü heç şübhəsiz ki, 27 Aprel 1920-ci ildə fələyin qara qələmi ilə əleyhimizə yazmış olduğu tarixin qaranlıq seyrini lehimizə dəyişdirəcək. Əlbəttə, o xoş günün parlaq zəfərindən doğacaq olan şimşəklər 37 ildən bəri ana yurdun üzərini sarmış olan zəhərli qara buludları dağıdacaq, əsarət zəncirini qıracaq, təhəqqüqü (gerçəkləşdirilməsi) üçün qəhrəmanlarımızın uğrunda sevə-sevə şəhid olduqları İstiqlal günəşi doğacaq, sis və dumanla qapadılmış ölkəmizi təkrar aydınladacaqdır. Azərbaycan mühacirət irsi 157 Əlbəttə, o zaman, o gözəl gündə bu əziz və müqəddəs qurbanlarımızın, hürriyyət meydanlarının şərəfli mövkilərinə (mövqelərinə) dikiləcək abidələri, İstiqlal günəşinin parlaq şüaları ilə aydınlanacaq, istisi ilə isinəcəkdir. Sarsılmaz bir iman, dərin bir güvənlə gözləməkdə oldu- ğumuz Milli İstiqlal ülgüsünün çox yaxın bir gələcəkdə təhəqqüq (gerçəkləşmə) etməsi ilə, qara torpaqların altında əbədi istirahətgahlarında yatan İstiqlal şəhidlərinin mübarək cəsədləri, bu mənəvi milli varlıq məfhumunun işığı altında ruhən, gənc nəsil isə bu xoşbəxt günü mənən və maddətən yaşayacaqdır; biri ruhani, digəri isə maddi aləmdə dadmış olacaqdır. Vəziyyətin böyle olacağına qəti bir inancla güvəndiyimizə görə, bu günün gəns nəslinə düşən tək, fəqət çox məsuliyyətli ideal Milli bir vəzifə vardır: o da davamıza bütün varlığı ilə sarılmaqdır. Davanı mənimsəmək, ondan uzaqda qalmamaq, təklif və dəvət gözləməmək, ona ciddiyyət və səmimiyyətlə bağlanmaq, heç bir maddi mənfəət gözləmədən mücadiləyə qatılmaq, onun ana prinsiplərinə sadiq qalmaq – qeydsiz-şərtsiz Milli İstiqlal hədəfini güdmək, bu ülvi, milli qayəni ziyanlı mahiyyətdə olan pozğun fəaliyyətlərə qarşı əli silahlı, növbə gözləyən bir əsgər kimi durmaq deməkdir. Mədəni cəsarətimizlə şüurlu olaraq məntiqimizə uyğun bunu edərkən, bu gün cahanşümul bir önəm qazanmış olan davamızın səlaməti üçün bu yolda bütün ömür və əməklərini sərf etmiş Milli Mücahitlərimizin tutduqları xətti hərəkəti təqib etmiş olduğumuzdan əmin və müstərih (şad olma, sevinmə) olacağıq. Zira çevik iradəli milliyyətpərvər Azəri gənclərindən ki, yaxşı ilə pisi, səlamətlə fəlakəti təqdirə qadirdir, bunun xaricində bir şey gözlənə bilməz; binaənaləyh (ona görə də), milli səlamət doğru yolda, doğru yol isə davanı İstiqlalçı Azəri ilə gələnlərinin qavradıqları kimi iştirak etməkdədir. Əlbəttə, ana yurdumuzun rus-bolşevik istilasına, düşmən boyunduruğu altına cəbrən girdiyi gündən bəri həyatın ən Azərbaycan mühacirət irsi 158 təhlükəli və acı günlərini əzablarla yaşamış və hələ də yaşamaqda olan Azəri gəncliyi, bu qorxunc hadisələrdən ibrət alaraq, Milli hədəflərini, bütün enerjilərini bu inkişaf etdirməkdədir; 27 Apreldə hamı bir ağızdan əzəli düşmənə qarşı: İstiqlal, Hürriyyət, Milli Hegemonluq şüarımızdır deyə hayqıraraq, mənəviyyatımızın sapsağlam olduğunu, davamızda səbatlı olduğumuzu bir kərə daha dünya əfkarı ümumiyyətinə hazırlamalıyıq. “Azərbaycan” aylıq kültür dərgisi. İl: 6, Aprel 1957, say: 13(61) QARDAŞ YARDIMI (Qəhrəman Türk Ordusunun Azərbaycana girişinin 39-cu ildönümü münasibətilə) Birinci Dünya müharibəsinin patlak verməsi ilə, o zamana qədər sömürgeci dövlətlərin basqı və işğalında qalan bir çox millətlərin müqəddəratında önəmli rolu haiz bəzi siyasi və kültürəl təşəkküllər özünü göstərir, zaman keçdikcə bu nüvə halında olan təşəkküllər milli müəssisə halını alır və bunlardan da tam təşkilatlı siyasi partiyalar doğmağa başlayırdı. O cümlədən, digər millətlərdə olduğu kimi, Azəri Türkləri də müxtəlif dövrlərdə qarşılaşdıqları qüvvələri bitərəf edərək, milli mücadilənin qayəsinə çatmaq üçün, sağlam təməllərə istinad edən proqramlı siyasi bir partiyaya zərurət yarandığını dərk etmiş və 1911-ci ildə “Müsavat” Xalq Partiyasını qurmaqla savaşa daha şumullü bir şəkildə girişmişdilər. Millətin sinəsində doğmuş olan bu partiya məmləkətin hər tərəfində hummalı (enerjili) fəaliyyətə keçərək, yeni təşkilatlar qurmaqla milli qurtuluş məfkurəsini yayır və münəvvər kütləni Yüklə 2,04 Mb. Dostları ilə paylaş:
|