BAKINI BOLŞEVİKLƏRDƏN XİLAS ETMƏK ÜÇÜN
GÖRÜLƏN TƏDBİRLƏR
Bakı azad edilir
Gəncədə bərqərar olan Azərbaycan hökuməti Bakıda və onun çevrəsində
yaşayan müsəlmanların düşdüyü dəhşətli vəziyyətdən xəbərsiz deyildi. Bakını tezliklə
azad etmək hökuməti ən çox narahat edən məsələ idi. Bu məqsədlə hərbi hissələr
təşkil edildi və kömək üçün Gürcüstana müraciət olundu. Lakin başı öz daxili
problemlərinə qarışan, vətənlərindəki bolşeviklərlə mübarizə aparmaq məcburiyyəti
qarşısında qalan gürcülər lazımi yardım göstərə bilmədilər. Elə bu vaxt bolşevik
qoşunları Bakı yaxınlığında və Göyçayda dəmir yolunu ələ keçirib tezliklə Gəncəni
tutmaq məqsədi ilə Kürdəmirə doğru irəliləməyə başladılar.
Türkiyədən kömək
Digər müsəlman ölkələrindən heç bir yardım və kömək almağa ümid
olmadığı, Bakı faciəsinin təkrarlanması təhlükəsinin meydana çıxdığı bu çətin
vəziyyətdə Azərbaycan hökuməti asayişini təmin etməyə borclu olduğu xalqı qırğına
verməmək üçün türkləri köməyə çağırmaqdan başqa bir yol görmədi. Onların hərbi
yardımı sayəsində Azərbaycan hökuməti tərəfindən yaradılmış ordu ilk növbədə
dəmir yolunu azad etdi, sonra isə Şamaxını bolşeviklərdən təmizlədi və Bakını
mühasirəyə aldı. İki aydan sonra şəhər Azərbaycan qoşunları tərəfindən azad edildi.
AZƏRBAYCAN HÖKUMƏTİ BOLŞEVİKLƏRİN BƏRBAD HALA
SALDIQLARI ÖLKƏDƏ QAYDA-QANUNU BƏRPA EDİR
AZƏRBAYCAN PARLAMENTİ
Bərpa
Bakının süqutu Azərbaycan hökumətinə ölkədə qayda-qanunu daha sərbəst
və asan şəkildə bərpa etmək imkanı verdı. Ən vacib problem qanunvericilik
orqanlarını yenidən yaratmaq idi. Çünki, siyasi və hərbi özbaşınalıqlar nəticəsində
Azərbaycan Milli Şurasının iclaslarının keçirilməsi dayandırılmışdı. Təbii ki, bu da öz
növbəsində Müəssislər Məclisi çağırmağa imkan vermirdi.
Bu arada barışığın əldə edilməsi Azərbaycan hökumətinə özünün bütün
qüvvələrini dinc quruculuq işlərinə yönəltməyə şərait yaratdı.
Müttəfiq qoşunlar Bakıda
Qarşıda dayanan ilk vəzifə İranın Ənzəli şəhərinə rəsmi nümayəndə heyəti
göndərib müttəfiq qoşunların baş komandanı, ingilis generalı Tomsonla danışıqlara
başlamaq və bu hərbi qüvvələrin Bakıya gəlməsini xahiş etmək idi. Həmin iş 1918-ci
il noyabrın 17-də həyata keçirildi. Müttəfiq qoşunlarını təmsil edən generalın şərəfinə
təntənəli qəbul düzəldildi. O, hökumət nümayəndələri tərəfindən qəbul edildi. Aradan
az keçməmiş general Tomsonun bəyanatı çap olundu. Bəyanatda müttəfiq qoşunların
şəhərə daxil olmasından bəhs edilərək bildirirdi ki, onların yalnız bir məqsədi var - bu
da Azərbaycan ərazisinin müxtəlif hissələri arasında sülhü bərpa etməkdir. General
Tomson həmin gündən etibarən bütün sakinlərə Azərbaycan hökumətinin
hakimiyyətinə tabe olmağın zəruriliyini bildirdi.
Parlament
Bundan daha əvvəl isə Müəssislər Məclisini əvəz edən Azərbaycan
parlamenti çağırılıdı. O, milli azlıqların nümayəndələri də daxil olmaqla ümumi
səsvermə yolu ilə seçilmişdi* .
Burada əksəriyyət təşkil edən müsəlmanlardan başqa 21 erməni, 10 rus
deputat, habelə polyakların, yəhudilərin və ölkədəki digər milli azlıqların
nümayəndələri də təmsil olunmuşdu. Azərbaycan parlamenti 120 nümayəndədən
*
Q eyd etm ək lazım dır ki, bu m üsəlm an qadınlarının da iştirak etdiyi ilk seçki idi.
ibarət idi. Parlamentin qanunvericilik sahəsində, habelə idarəçilik fəaliyyəti
baxımından çox geniş hüquqları vardı. Bu hüquqlar sırasına hökumətə sorğular
vermək və nazirlərdən izahat tələb etmək də daxil idi. Parlament, həmçinin
Cümhuriyyətin əsas qanunlarını qəbul etməli olan Müəssislər Məclisini çağıra bilərdi.
Parlament sədrinin Müəssislər Məclisinə seçkilər keçirilənə qədər Baş nazir
seçmək və ona hökumət təşkilini tapşırmaq səlahiyyəti vardı. Parlamentin deputatları
arasında digər millətlərin təmsilçiləri də olduğundan erməni və rusların
nümayəndələrinin də Nazirlər Şurasına daxil edilməsi nəzərdə tutulmuşdu.
Xarici İşlər Nazirliyi də daxil olmaqla bütün nazirliklərin, habelə inzibati,
hüquqi, maliyyə, maarif, rabitə və s. sahələrindəki bütün dövlət institutlarının
fəaliyyəti Parlamentin nəzarəti altında həyata keçirilməli idi. Əksəriyyəti yerli
azərbaycanlılardan ibarət olan və hərbi xidmətin bütün sahələrini əhatə edən 50 min
nəfərlik son dərəcə mütəşəkkil nizami orduya malik hərbi nazirlik də parlamentin
nəzarətinə verilmişdi.
Azərbaycan Cümhuriyyətinin hazırda fəaliyyət göstərən Sülh Nümayəndə
Heyətinin yaradılması və onun Respublikanın mənafelərini qorumaq, xüsusən də
Azərbaycanın digər dövlətlər tərəfindən tanınmasını təmin etmək məqsədilə Parisə
göndərilməsi haqqındakı qərar da Parlament tərəfindən qəbul olunmuşdur.
AZƏRBAYCAN CÜMHURİYYƏTİNİN ƏRAZİSİ
M üxtəlif inzibati bölgülər
Qafqaz Azərbaycanı öz müstəqilliklərini 1813-1828-ci ilə qədər qoruyub
saxlamış yuxarıda adları çəkilən xanlıqların ərazisini əhatə edir. Rus hakimiyyəti
dövründə Qafqazın digər yerləri kimi Azərbaycan da hökumətin mənafeyinə uyğun
şəkildə quberniyalara, vilayətlərə (oblast), bu sonuncular isə öz növbəsində qəzalara
bölünmüşdür.
Qafqaz Azərbaycanını formalaşdıran inzibati bölgü aşağıdakı şəkildədir:
1. Bütün Bakı quberniyası. Bura bütün Bakı şəhəri, habelə Cavad, Göyçay,
Şamaxı, Quba, Lənkəran qəzaları daxildir.
2.
Yelizavetpol
(Gəncə)
quberniyası.
Bu
quberniyaya
Gəncə, Cavanşir, Nuxa, Ərəş, Şuşa, Cəbrayıl, Zəngəzur və Qazax qəzaları daxildir.
Gəncə quberniyasının dağlıq hissəsi Azərbaycan və Ermənistan respublikaları
arasında mübahisə obyekti olaraq qalır.
3. İrəvan quberniyası. Bura Naxçıvan, Şərur-Dərələyəz, Sürməli qəzaları,
habelə Yeni Bəyazid, Eçmiadzin, İrəvan və Aleksandropol qəzalarının bir hissəsi
daxildir.
4. Tiflis quberniyasında Borçalı, Tiflis və Sığnaq qəzalarının müəyyən bir
hissəsi də Azərbaycan ərazisidir.
5. Zaqatala qəzası.
6. Dağıstan regionunda Kürə və Samur nahiyələrini əhatə edən ərazinin bir
hissəsi, habelə Dərbənd şəhəri və onun ətrafı da daxil olmaqla Qaytaq-Tabasaran
qəzasının bir hissəsi.
7. Yuxarıda adları çəkilən İrəvan və Tiflis quberniyalarında, habelə Zaqatala
qəzasında mənsubluğu Azərbaycan, Ermənistan, Gürcüstan və Şimali Qafqaz
respublikaları tərəfindən iddialar doğuran sahəcə çox kiçik ərazilər də mövcuddur.
Dağıstan quberniyasının əhalisi Azərbaycanlılardan ibarət olan hissəsi
həmişə Azərbaycana birləşmək meylində olmuşdur. Həmin regionun iqtisadi
mənafeləri Quba və Bakı şəhərləri ilə o dərəcədə qüvvətli şəkildə bağlıdır ki,
Dağıstanı bu siyasi və iqtisadi əlaqələrdən kənarda təsəvvürə gətirmək qeyri-
mümkündür. Yerli əhali Azərbaycan dövlətinə çoxlu vətəndaşların imzaladığı
petitsiyalar göndərir və Sulak çayı boyunca Dağıstanın Azərbaycana birləşdirilməsini
tələb edirlər.
Əlbəttə, Azərbaycan hökuməti taleyi onun öz taleyi ilə sıx bağlı olan və bi ri-
birinə qaynayıb-qovuşan qan qardaşlarının haqlı tələblərini eşitməzliyə vura bilməz.
Azərbaycan hökuməti bu iki ölkəni birləşdirən qardaşlıq hisslərinin siyasi və iqtisadi
Dostları ilə paylaş: |