Dünya iqtisadiyyatının tarixi
105
Həmin müxtəliflik “tamamlama” prinsipinə uyğun şəkildə
ümumiləşdirilir və öyrənilən konkret hadisənin ümumdünya tarixi
prosesində yeri və rolu haqqında yekun təsəvvür yaradılır. Çoxxətli
yanaşma ideyasına ilk dəfə Ş.Monteskye müraciət etmiş, lakin ilk
konseptual baxış K.Marksın iqtisadi əlyazmalarında (1857-1861) ortalığa
qoyulmuşdur. Ümumiyyətlə, ilkin nəzəri ümumiləşdirmə K.Marks və
F.Engelsin Asiya istehsal üsulu ilə bağlı formalaşdırdıqları mövqedə öz
əksini tapmışdır.
K.Marks kapitalizməqədərki dövrü (sözügedən əsərində) üç
mərhələyə: Asiya, antik və alman-bölmüşdür ki, hər bir mərhələni də
dövlətçiliyə keçidin müstəqil modeli kimi qəbul etmək olar. kinci ideya
F.Engelsin “Anti-Dürinq” əsərində formalaşdırılmışdır ki, burada da
dövlətin təşəkkülünün iki yolundan bəhs olunur:
Şərq və antik. Yanaşma çoxluğu içərisində ən geniş yayılmışlardan
biri K.Vittfoqelin ikixətli nəzəriyyəsidir. Bu yanaşma birmənalı olaraq
Şərq→Qərb fərqliliyinə söykənir. “Asiya istehsal üsulunun” digər
tərəfdarları da bu mövqeni dəstəkləmişlər.
114
XX əsrin sonlarına yaxın
siyasi antropologiyadan yararlanan tədqiqatçılar, hətta “Asiya” yerinə
“dövlət istehsal üsulu” termini işlətməyi məqsədəuyğun hesab etməyə
başladılar. Antik model isə daha çox “xüsusi mülkiyyət istehsal üsulu”
kimi qəbul edilirdi. Eyni zamanda, Asiya, antik və alman modellərinin
vahidliyin hissələri və tarixi inkişafın mütəqil xətləri kimi
interpretasiyasına
söykənməklə
daha
mürəkkəb
modellər
formalaşdırılmağa başlandı. Fursovun
115
fikrincə, ümumdünya tarixi
proses iki müstəvidə gedir: Asiya modeli (dalana aparıb çıxarır və sistem
fərd üzərində hökmran mövqedə olur) və Qərb modeli (tərəqqiyə aparan
yol). M.Qodelyerin
116
mövqeyi isə belədir ki, həm Asiya, həm də antik
modellər çıxılmazlıq yaradır (dalana aparır), belə ki, müvafiq olaraq
yalnız asiya və yalnız quldarlıq istehsal üsulları ilə nəticələnirlər. Yalnız
alman modeli feodalizmə və məntiqi bağlılıqla kapitalizmə gətirib
çıxarır. O qeyd edir ki, hətta Yaponiya kapitalizmi Qərbdən “idxal”
edibdir. K.Melloti
117
isə təkamül variantlarının sayını 5-ə çatdırır:
114
Текен Ф.К теории общественных формаций. М.: Прогресс, 1975.
115
Фурсов А.И. Восток, Запад, капитализм. Капитализм на Востоке во второй по-
ловине XX века. М; Восточная литература.- С. 16-131
116
Godelier M. La notion de “production asiatique” et les schemas Marxistes devolution
des societes. Paris; 1969., p.7-100
117
Melotti K.D. Mark and the Third World. London; Macmillan., 1977
Dünya iqtisadiyyatının tarixi
106
bürokratik sosializmə aparan “rus” yolu və yapon kapitalizmini
formalaşdıran arxaik alman modeli.
Eyni zamanda, Qərb və Şərq arasındaki fərqliliyin heç də əsas rol
oynamadığı fikrində olan tədqiqatçılar isə “Monteskye qanununa”
əsaslanmaqla göstərirlər ki, cəmiyyətin ölçüsü ilə (iriliyi, yaxud kiçikliyi)
siyasi rejimin tipi arasında korrelyasiya əlaqəsi mövcuddur. Bu anlamda
ki, kiçik cəmiyyətlərə republika, orta səviyyəli cəmiyyətlərə - monarxiya,
böyük cəmiyyətlərə isə - despotizm xasdır.
Bu yönündə aparılan tədqiqatların əsas obyekti kimi dağlı xalqların
tarixi inkişaf prosesi çıxış edir. Yanaşmanın xüsusi olaraq vurğuladığı
məqam sosial təkamülün ikixətli olduğunu qabartmaqla bağlıdır. Yəni
iyerarxik strukturla yanaşı idarəetmənin, yaxud cəmiyyətin qeyri-
iyerarxik struktura malikliyi də tarixi fakt kimi ortalığa qoyulur. Bir sıra
tədqiqatçılar
118
qeyd
edilənləri
iyerarxiya→heterarxiya,
şəbəkə
→korporativ strategiya tipli dixotomiyalar kimi nəzərdən keçirirlər.
Çoxxətli yanaşmanın bu gün üçün kifayət qədər önəmli xarakter
daşıyan müddəalarından biri qədim yunan və Roma cəmiyyətlərinin
dövləti olmayan cəmiyyətlər kimi səciyyələndirilmələridir.
Bu məntiqlə yanaşsaq onda belə alınır ki, polis (şəhər) dövlət deyil,
buna görə də dövlətsiz cəmiyyəti ibtidai icma dövrünə aid etmək
yanlışlıqdır. Deməli, sivilizasiyanın mövcudluğu öz-özlüyündə dövlətin
mövcudluğu anlamına gəlmir. Tezisin empirik təsdiqi isə yalnız köçəri-
maldar tayfalarının tarixində yer almaqdadır.
§ 4.10. Tarixi dövrlənmədə müxtəlif konsepsiyaların xülasəsi
Tarixi prosesin ilk ciddi dövrlənməsi məhz L.Morqanın (1818-
1881) konsepsiyasında öz əksini tapmışdır. Yanaşmanın əsas nöqsan
cəhəti kimi, dövrlənmə kriterisinin yalnız texniki, istehsal amilləri ilə
məhdudlaşdırılmasında, bütövlükdə iqtisadiyyatın prosesdən sərf-nəzər
edilməsindədir (şəkil 4.4).
V.Oyken (1891-1950) tarixi dövrlənmədə əsas kriteri kimi
təsərrüfatın idarəedilməsi formasını götürməyi təklif edirdi. Bu yanaşma
öz məntiqi köklərini “Təsərrüfatın ideal tipləri” konsepsiyasından
götürmüşdür. darəetmə baxımından V.Oyken iki növü fərqləndirir:
118
Bondarenko D.M. Homoarchy: A principle of Cultures Organizatiom. The 13-th –
19-th Centuries Benin Kingdom as a Nonstate Supercamplex Society. M., KomKniqa/
URSS., 2006.