49
Relikt buğda spelta Şvabiya, İsveçrədə, nadir hallarda Urmiyada, dağlıq rayonlarda adalar
şəklində yayılmışdır. Misirdə və Kiçik Asiyada qazıntı halında tapılmamışdır. Onun mənşə
mərkəzini müəyyən etmək hələ də mümkün olmamışdır. Yumşaq və karlik buğdalarla genetik
bağlı olduğundan, fərz etmək olar ki, Cənubi-Şərqi Asiyanın dağlıq rayonları da onun
müxtəliflik və formaəmələgəlmə mərkəzidir [1, s. 48].
Fərz edilir ki, speltalar yumşaq və ya karlik buğdanın
Dicoccoides seksiyasına daxil olan
tetraploid növlərlə spontan hibridləşməsinin məhsuludur. Başqa sözlə, spelta polifiletik mənşəli
ikincili növdür-əvvəlcə yumşaq buğda, yaxud
T.compactum Host. yaranmış, onların tetraploid
növlərlə spontan çarpazlaşması nəticəsində, müxtəlif məkanlarda spelta meydana gəlmişdir.
Assuriya, Alp dağları, İran, Cənubi Qafqaz, Tacikistan və Türkmənistanın speltaları bir-birindən
asılı olmadan yaranmışlar. A.Q. Xakimovaya (1973) görə ispan speltalarının qliadinlərinin
α-
zonasının elektroforetik spektri yerli pərinclərin
α-zonasının komponentlərinə identikdir. Bu isə
birincilərin yaranmasında pərinclərin iştirakını bir daha sübut edir. Speltanın polifiletik mənşəli
olması fertilliyin bərpa olunması, hibrid xlorozu və nekrozu genlərinin coğrafi yerləşməsinin
müxtəlifliyi ilə bir daha təsdiq olunmuşdur [4, s.198 ].
Uzun müddət
T.spelta Avropa mənşəli hesab edilmişdir-onun polimorfizmi yalnız İberiya və
Bavariya ekotipləri hesab edilirdi. Sonralar İran, Cənubi Qafqaz, Orta Asiyadan tapılmış spelta
numunələri bir sıra əlamətlərə görə fərqləndiyindən Türkiyəli tritikoloq Mirza Gökgöl (1961) H.
Kuckuck-un şərəfinə onu subsp
. kuckuckianum Gökg.
-Asiya növaltısı kimi göstərmişdir [4,
s.198 ]. Bəzi təyinedicilərdə T. spelta növaltılarına bölünmədən verilmiş,
T. vavilovii Jakubz.
onun növaltısı kimi göstərilmişdir (Dorofeev V.F., 1966; Mustafaev İ.D, 1973) [6]. N.P.
Qonçarov (2008) speltaları 2 növaltısına bölmüşdür:
T. spelta L. ssp.
tibetianum (Shao) N.
Gontsch.və ssp.
yunnanense (King ex Yen et J.L. Yang) N. Gontsch. [2].
Spelta növaltılarının təyinat açarı [4, s.198 ]:
1. Sünbülləri seyrək (D=13-22), sınandır-spontan və ya azacıq əllə sıxdıqda sünbülcüklərə
bölünür. Bu zaman sünbül oxunun buğumunun aşağı hissəsi sünbülcüklə birlikdə qalır (spelta
tipli sınma); Sünbülcük pulcuqları kürəkvari-ovaldır, düz və ya yuxarıya yönəlmiş enli çiyinlidir;
Sünbülcükdə pulcuqlarla sıx birləşmiş 2, nadir hallarda 3 dən olur, dənlərin döyülməsi
çətindir...............................................................................................................................subsp.
spelta
+ Sünbülləri seyrək və ya sıxdır (D=11-25), subsp.
spelta-ya nisbətən az sınandır. Əllə
sıxdıqda və ya az hallarda öz-özünə, əsasən sünbülün yuxarısından sünbülcüklərə bölünür. Bu
zaman sünbül oxunun buğumunun yuxarı hissəsi sünbülcüklə birlikdə qalır (pərinc tipli sınma),
nadir hallarda buğumun aşağı hissəsi sünbülcüklə birlikdə qalır (spelta tipli sınma); Sünbülcük
pulcuqları, kürəkvari-ovaldır, çiyni yumşaq buğda üçün xarakterik ensiz çəp, nadir hallarda
enlidir; Sünbülcükdə 2-3 dən olur, dənlərin pulcuqlarla birləşməsi fərqlidir - dənlərin döyülməsi
orta, yaxud çox çətindir................................................................................................subsp
.
kuckuckianum Gökg.
I. Avropa növaltısı-subsp.
spelta müxtəlif
təsnifatlarda T. spelta L., 1753;
T. zea Host., 1805;
T. vulgare var.-gr.
spelta Alef., 1866;
T. sativum spelta Hackel, 1887;
T. aestivum subsp.
spelta
(L.) Thell, 1918;
T. aestivum L. group
spelta Bowden, 1959;
T. spelta subsp.
europeum Dorof.,
1966 kimi göstərilmişdir. Bitkilərin hündürlüyü 60-120 sm-dir. Yarpağın ayasının əsasında
liqula inkişaf etmişdir. Sünbülləri uzundur (10-20 sm), çox seyrək və ya seyrəkdir (D=13-22),
spontan və ya azacıq əllə sıxdıqda sünbülcüklərə bölünür. Bu zaman sünbül oxunun buğumu
aşağı hissəsi ilə birlikdə sünbülcüklə birlikdə qalır. Sünbülcük pulcuqları kürəkvari-oval, düz və
ya yuxarı yönəlmiş enli çiyinlidir; Sünbülcükdə pulcuqlarla sıx birləşmiş 2, nadir hallarda 3 dən
olur, ona görə də dənlərin döyülməsi çətindir. Dəni eninə kəsikdə yumru-üçbucaq şəkillidir,
şırım enlidir, əksərən şüşəvaridir [4, s.190].
Subsp.
spelta Orta Avropanın - Almaniya (Bavariya), İsveçrə, Avstriya, Fransa, İspaniya,
İtaliya və İsveçin dağlıq bölgələrində yayılmışdır, 2 ekotipə bölünmüşdür: İberiya və Bavariya.