12
LABORATOR DİAQNOSTİKA
Sifilisin diaqnostikasının laborator meyarları
Diaqnoz
İstifadə olunan metodlar
Son
T.pallidumun klinik materialda qaranlıq görmə
sahəli mikroskop vasitəsilə aşkar edilməsi, düz
immunoflüoressensiya metodu, PZR.
İlkin
İki növ seroloji testlərdən istifadə etmək olar:
Treponem testlə (TPHA, İFA, İFR) təsdiqlənmiş,
pozitiv qeyri- treponem test (RPR, MPR, VDRL).
T.pallidumu təyin etmək üçün klinik materialın götürülmə
qaydası
Qaranlıq görmə sahəli mikroskopiya üçün material eroziyadan,
xoradan, maserasiyalaşmış və ya ekskoriasiyalı eroziv papuladan
götürülə bilər.
Materialın götürülməsi, klinik elementlərin səthi fizioloji
məhlulda isladılmış cuna tamponu ilə ehtiyatla, diqqətlə və
zədələmədən təmizləndikdən sonra aparılmalıdır. Təmizləmə o
məqsədlə aparılır ki, digər floralar T.pallidumun təyin edilməsinə
maneçilik törətməsin. Səthin zədələnməməsi və qanaxmanın
olmaması vacib şərtdir. Preparatda leykositlərin və ya hüceyrə
detritinin, eritrositlərin olması tədqiqatı xeyli çətinləşdirir.
Toxuma mayesinin alınması üçün bir neçə üsul mövcuddur:
►
Qıcıqlandırma üsulu
Tədqiq olunan səpgi (bərk şankr, sulanan papula, enli kandiloma
və s.) fizioloji məhlulla isladılmış pambıq tamponla təmizlənir. Steril
Folkman qaşığı və ya ilmə vasitəsi ilə səpginin üzərindən ehtiyatla,
qanaxma yaratmadan sığallayıcı hərəkətlər edilir. Bir müddətdən
sonra səth parlaqlaşır və toxuma mayesi ifraz olunur. Toxuma
mayesi parlaq olur.
Qanaxma olduqda onu dayandırmaq lazımdır, bunun üçün
pambıq tampon səpginin səthinə sıxılmalıdır. Seruma azacıq qanın
qarışmasına yol verilə bilər.
►
Təzyiq üsulu
Eroziya və ya xora təmizlənərək, əlcək taxılmış əlin barmaqları
və ya pinsetlə yanlardan sıxılır. Bakterioloji ilmə ilə seroz eksudat
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
13
yığılır, yaxud örtük şüşəsi ehtiyatla eroziya və ya xoranın səthinə
qoyulur. Alınmış seroz ifrazat fizioloji məhlulla bərabər nisbətdə
qarışdırılır və nativ preparat mikroskop altında baxılır.
►
Skarifikasiya üsulu
Bu metoddan quru səpgilərin (rozeolalar, lentikulyar papula,
epitelləşmiş eroziya) tədqiq olunması zamanı istifadə edilir. Tədqiq
edilən səpginin səthi skarifikasiyalaşdırılır, bu zaman kapilyar
qanaxma baş verir, onu dayandıraraq, alınmış seroz maye tədqiq
edilir. Bu üsul öz effektivliyinə görə digərlərindən geri qalır.
Pasiyent yerli olaraq antiseptiklər, antibiotiklər tətbiq etdikdə və
ya ikincili infeksiyanın qoşulması zamanı müayinə yalançı mənfi
nəticə verə bilər. Belə olduqda fizioloji məhlulla islatma təyin olunur
və səhəri gün müayinə təkrarlanır.
Bəzi hallarda mikroskopik diaqnostika üçün material böyümüş
limfa düyünlərindən, çox zaman qasıq limfa düyünlərindən
götürülür.
Limfa düyününün punksiyası
Hərəkətli, bərk, iltihab əlamətləri olmayan limfa düyünü
punksiya olunur. Deşiləcək yer yodla silinir, düyün sol əlin 2
barmağı vasitəsi ilə fiksə edilir, sağ əllə içərisində az miqdarda
fizioloji məhlul olan şprislə deşilir. Vəzinin bir ucundan o biri ucuna
doğru iynə irəli hərəkət etdirilir və şprisdəki fizioloji məhlul vəziyə
yeridilir. Sonra iynə tədricən düyündən çıxarılır və eyni zamanda
şprisin porşeni geri çəkilir. Punksiyanın düzgün aparıldığı punktatda
limfositlərin alınması ilə təsdiqlənir.
Müayinə olunan qanın saxlanması və daşınması
İçərisində qan olan sınaq şüşələri laboratoriyaya ehtiyatla, xüsusi
bağlı konteynerdə, otaq temperaturunda daşınır. Təcili istifadə
mümkün olmadıqda soyuducuda 4-8°C temperaturda saxlanılması
mümkündür.
İdeal vəziyyətdə qan nümunələri fibrin laxtasının alınmasına
qədər termostatda 37°C-də və ya otaq temperaturunda saxlanılır,
sonra isə 30 dəqiqə ərzində 4°C temperaturda soyuducuya
yerləşdirilir.
Laboratoriyada içərisində venoz qan olan sınaq şüşələri 10
dəqiqə müddətində dəqiqədə 3000 dövr fırlanma sürəti ilə
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
14
sentrifuqalaşdırılır. Bu zaman sınaq şüşəsinin dibində olan gel
laxtanın üzərinə qalxır və laxtanı zərdabdan ayırır, bu da zərdabın
alınmasını asanlaşdırır.
-18-20°C-də dondurulmuş nümunələri 1-1,5 ay saxlamaq olur,
daha aşağı temperaturda, -65-80°C-də onların saxlanılma müddəti
məhdudlaşdırılmır. Nümunəni əridib yenidən dondurmaq olmaz.
Zərdabın əridilərək müayinə olunması otaq temperaturunda yerinə
yetirilməlidir. Müayinədən əvvəl bütün təzə zərdab nümunələri
56°C-də 30 dəq müddətində inaktivləşdirilir. Zərdablar tədqiqat günü
inaktivləşdirilməlidir. Təcili hallarda 7-10 dəq müddətində, 1000-
1500 dövr/dəq sürətlə sentrifuqalaşdırılır. Qan plazması paster
pipetkası və ya avtomatik pipetkalı dozator vasitəsi ilə yığılır. Qan
plazması götürülən gün tədqiq olunur.
Beyin-onurğa beyni mayesinin tədqiqi
Beyin-onurğa beyni mayesinin xüsusiyyətləri
Normada likvor rəngsiz və şəffafdır. Sinir sisteminin xəstəlikləri
zamanı rəngin və şəffaflığın dəyişməsi likvorda patoloji əlavələrin
olması ilə əlaqələndirilir. Şəffaflığın müəyyən qədər pozulması zülal
substansiyalarının, xüsusilə də asanlıqla çöküntü verən iri
dispersiyalı fraksiyaların artması ilə izah edilir. Şəffaflığın bu cür
dəyişilməsi adətən likvorun havada qalmasından sonra baş verir.
Likvorun xeyli dərəcədə bulanıq olması eritrositlərin,
leykositlərin, çoxlu miqdarda mikroorqanizmlərin olması ilə izah
edilir. Qan qarışması epidural boşluğun punksiyası zamanı venaların
zədələnməsi nəticəsində baş verə bilər.
Nümunənin götürülməsi
Punksiya həkim-nevroloq tərəfindən aparılır.
Bu müayinənin aparılmasına göstərişlər aşağıdakılardır:
Sifilisin istənilən dövründə olan nevroloji simptomlar
Gözün və ürək-damar sisteminin sifilitik zədələnməsi
Üçüncülü sifilis və ya anadangəlmə sifilis
Lümbal punksiya aparılmalıdır:
İİV infeksiyası və sifilisə qarşı müsbət seroloji reaksiyaları
olan bütün pasiyentlərdə;
Nevroloji simptomları olan və bu simptomların yaranmasında
sifilitik infeksiyanın etioloji roluna şübhə olan bütün
pasiyentlərdə.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |