15
Likvor aşağıdakı metodlardan istifadə edilməklə müayinə olunur:
Sitoloji metodlar
Zülala görə analiz
Seroloji reaksiyalar (MPR, VDRL və ya İFR)
Beyin-onurğa beyni mayesinin saxlanması və daşınması
Likvorlu sınaq şüşəsi ehtiyatla laboratoriyaya daşınır və orada
təcili seroloji müayinə və zülala görə analiz aparılır. Dondurulma və
əridilmə bir dəfə aparılmalıdır.
Son diaqnozun qoyulması üçün istifadə olunan metodlar
Xəstəliyin törədicisi T.pallidumun bilavasitə tapılması sifilis
diaqnozunun qoyulması üçün mütləq meyarlardandır. T.pallidum
infeksiyalaşmış nümunələrdən, limfa düyünlərindən aşağıdakı
metodlarla təyin edilir:
Qaranlıq görmə sahəsində mikroskopiya (C)
Düz immunoflüoressensiya
PZR (D)
Qaranlıq görmə sahəsində mikroskopiya (C)
Solğun treponemin qaranlıq görmə sahəsində tədqiqi qaranlıq
sahəli kondensorla təchiz olunmuş standart mikroskopda aparılır.
Qaranlıq sahəli mikroskop metodu Tindal fenomeninə – dar yarıqdan
otağa daxil olan çəpəki günəş şüasında işıqlanan toz zərrəciklərinin
görünməsi hadisəsinə – əsaslanır. Mikroskopun adi kondensoru,
mərkəzi hissəsində işıq şüalarının keçdiyi dar yarıq olan xüsusi
kondensorla əvəz edilir. Solğun treponemlər qaranlıq sahədə yan
tərəfdən gələn güclü işıq selində aydın görünürlər. Qaranlıq sahənin
alınması üçün güclü işıq mənbəyi olmalıdır.
Qaranlıq sahə mikroskopiyasının aparılmasına göstərişlər
Qaranlıq sahəli mikroskopiyadan birincili və ikincili sifilisin,
erkən anadangəlmə sifilisin və bəzən üçüncülü sifilisin (material
infiltratın dərinliyindən götürülərsə) diaqnostikasında istifadə edilir.
Bundan əlavə, mikroskopiya üçün preparat regional limfa
düyünlərinin punktatlarından, likvordan, amniotik mayedən götürülə
bilər. Qeyri-patogen treponem-kommensalların mövcud olması
(T.refringes, T.phagedenis sidik-cinsiyyət yolunda, T.dentiqola ağız
boşluğunda) müayinəni çətinləşdirir. Bu treponemlər morfoloji
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
16
cəhətdən T.palliduma çox oxşayır. Belə vəziyyətlərdə çıxış yolu kimi
PZR müayinəsindən istifadə etmək olar.
Preparatların hazırlanması:
►
Dəri və selikli qişalardan alınmış material fizioloji məhlul
damcısı ilə əşya şüşəsi üzərində otaq temperaturunda qarışdırılır;
►
Örtük şüşəsi ilə örtülür və mikroskopda tədqiq edilir.
Qeyd: Limfa düyününün punktatı durulaşdırılmır.
Mikroskopiya
►
Kondensorun üst linzasına mikroskopiya üçün yağ damcısı
damızdırılır;
►
Preparat mikroskopun masasına yerləşdirilir;
►
Qovuqcuqların əmələ gəlməsinin qarşısını almaq üçün
kondensoru qaldırıb, kondensorla preparat arasında həmcins
mühit yaratmaq lazımdır, belə olduqda işıq şüalarının
yayılmasının qarşısı alınır;
►
Tədqiqat quru sistemlə, obyektiv 40, okulyar 10-12 olmaqla
aparılır.
Nəticənin qiymətləndirilməsi
►
Qaranlıq sahə mikroskopunda solğun treponem çox incə,
hərəkətli, gümüşü rəngdə zəif işıq verən spiral şəklində görünür.
Qaranlıq fonda aşağıdakıları görmək olar:
►
Parlaq işıqlanan, dənəli, dairəvi törəmələr şəklində olan neytrofil
leykositlər
►
Azacıq işıqlanan, dairəvi formalı boz-tutqun hüceyrələr –
limfositlər
►
Leykositlərdən xeyli böyük olan və parlaq işıqlanan, dairəvi və
ya qeyri-düzgün formalı epitel hüceyrələri
►
Leykositlərdən bir qədər kiçik ölçüdə olan, parlaq halqa ilə əhatə
edilmiş dairəvi formalı tünd elementlər şəklində eritrositlər.
Qeyd: Əgər eritrositlər çox olarsa, sahə çox işıqlı olur, treponemlər pis
görünür, eritrositlərin altında qala bilir. Belə halda analiz üçün material
təkrar götürülməlidir.
T.pallidum preparatda uzunluğu 6-20 mkn, qalınlığı 0,13-0,15
mkn, bərabər yerləşmiş qıvrımları (təqribən 10-13) olan çox nazik
spiral formasında görünür və asanlıqla kommensal
mikroorqanizmlərlə dəyişik salına bilər.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
17
T.pallidum müxtəlif hərəkətlər edir, onların arasında patogen
treponem üçün xarakterik olan bükülmə (ən çox ortadan) və saat
rəqqasına bənzər hərəkətləri xüsusi ayırd etmək lazımdır. T.pallidum
üçün xarakterik olan morfoloji xüsusiyyətlər və hərəkətlər onun
diaqnostik əlamətlərinə aiddir.
Qeyd: Əgər bir dəfə müayinədən sonra treponem tapılmırsa,
zədələnmə elementləri fizioloji məhlulla yuyulmalı və götürülmüş material
təkrar müayinə olunmalıdır. Eyni zamanda qeyd etmək lazımdır ki, solğun
treponemin müayinəsinin bir neçə dəfə mənfi nəticə verməsi sifilisi istisna
edə bilməz. Belə hallarda sifilisə görə seroloji müayinə aparmaq zəruridir.
Keyfiyyətə nəzarət
Müayinədən əvvəl qaranlıq sahənin tənzimlənməsi aparılır.
Bunun üçün fizioloji məhlul damcısı tərkibində potensial qeyri-
patogen treponemlər olan sağlam adamın diş ərpinin qaşıntısı ilə
qarışdırılır. Materiala qaranlıq sahədə, okulyar x10, obyektiv x40
olmaqla baxılır. Qaranlıq sahə düzgün tənzimləndikdə, qaranlıq
fonda yan işıqda broun hərəkətində olan kiçik hissəciklər, həmçinin
qeyri-patogen treponemlər yaxşı görünürlər.
Düz immunoflüoressensiya metodu
İmmunolüminessent diaqnostika metodları xlamidiya, 1-ci və 2-
ci tip sadə herpes virusları, adenovirus, T.pallidum və digər
mikroorqanizmlərin antigenlərinin aşkara çıxarılmasında istifadə edilir.
Düz immunoflüoressensiya metodu materialın spesifik
monoklonal anticisimlərlə
işlənməsi vasitəsilə nümunədə
T.pallidumun aşkar edilməsinə əsaslanır. Bu metodun qaranlıq sahəli
mikroskopdan üstünlüyü T.pallidumun qeyri-patogen formalardan
differensiasiya edilməsinin mümkünlüyündədir. Müayinə üçün material
biopsiya və autopsiya zamanı götürülə bilər. Materialın götürülmə
qaydası qaranlıq sahə mikroskopiyasındakı ilə eynidir.
Ləvazimatlar
Testin qoyulması zamanı qaranlıq sahə mikroskopiyasındakı
ləvazimatlardan istifadə edilir. Əlavə olaraq:
Fiksator kimi aseton və ya metanol
Patogen solğun treponemə qarşı monoklonal anticisimlər
Lüminessent mikroskop
Preparatlar üçün montaj edici məhlul
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |