16
Bakı şəhərində atmosferin tərkibinin tədqiqi üzrə aparılmış ölç-
mələr göstərir ki, havadakı çirkləndiricilərin miqdarı nəqliyyatın in-
tensivliyindən əhəmiyyətli dərəcədə asılıdır. Bəzi hallarda, nəqliyya-
tın sayından asılı olaraq, atmosfer havasında CO-in miqdarının
YVH-dən 32 dəfə çox olması müşahidə edilmişdir [7].
Tədqiqatlar təsdiq edir ki, atmosferə atılmış çirkləndiricilər kü-
ləyin istiqamətindən asılı olaraq böyük məsafələrə yayılır,
müxtəlif
proseslər
nəticəsində, həmcinin yağıntılar
vasitəsilə torpaqda, səth
sularında və onların dib çöküntülərində toplanırlar.
Avtomobil tullantılarının daimi təsiri altında
olan ərazilərdə
aparılan tədqiqatlar zamanı torpaq nümunələrində metalların çox
yüksək miqdarı qeydə alınmışdır.
Bəzi ağır metalların bioloji sistemlərdə mühüm rolu olmasına
baxmayaraq, onların miqdarından və təsir müddətindən asılı
olaraq
canlı orqanizmlər üçün ciddi təhlükə yarada bilərlər. Müəyyən ağır
metallar (Cd, Pb, Hg) və metalloidlər (As)
hətta ən kiçik dozalarda
toksik təsir göstərirlər. Ağır metallar kanserogen, mutagen və terato-
gen çirkləndricilər hesab olunurlar. Onlar qida və yaxud su vasitəsilə
insan orqanizminə düşdükdə mədənin turş mühitində müxtəlif oksid-
ləşmə dərəcəsinə qədər oksidləşirlər (məs. Zn
2+
, Cd
2+
, Pb
2+
, As
2+
,
As
3+
, Hg
2+
və s.). Beləliklə, onlar asanlıqla zülal və ferment molekul-
ları ilə davamlı və möhkəm əlaqə yaradırlar. Adətən, canlı orqanizm-
lərdəki kükürd tərkibli tio qruplarla (sisteinin SH qrupu və metioni-
nin SCH
3
qrupu) metallar arasında daha tez əlaqə yaranır. Ağır me-
tallar həmin qruplarda molekuldaxili və molekulxarici əlaqələr əmələ
gətirərək, onların funksiyalarının pozulmasına və aktivliyinin itiril-
məsinə səbəb olurlar.
Zənginləşmə faktoru (ZF), geo-akkumulyasiya indeksi (İ
geo
.) və
ekoloji risk (E
i
) indekslərinin hesablanması ilə Abşeronun magistral
yolları ətrafında torpaqların As, Pb, Cr, Cu, Hg,
Cd və Zn kimi toksik
metallarla çirklənməsi nəticəsində ekosistem üçün yaranmış potensi-
al ekoloji risk qiymətləndirilmişdir (cədvəl 2, şək.3) [43,46].
Hesablamalar magistral yollara yaxın ərazilərdə torpaqların
ağır metallarla çirklənməsinin yaratdığı ümumi potensial riskdə qur-
ğuşunun (Pb) payının 50%-dən çox olduğunu göstərir.
Dostları ilə paylaş: